சுஸுகி ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிள் விரைவில் வெளியாகும்

Written By:

சுஸுகி மோட்டார்சைக்கிள்ஸ் நிறுவனம், தங்களின் அடுத்த பெர்ஃபார்மன்ஸ் மோட்டார்சைக்கிள் உருவாக்கி வருகின்றனர். 150 சிசி கொள்ளளவு கொண்ட இந்த மோட்டார்சைக்கிள், ஜிஎஸ்எக்ஸ்-150ஆர் என பெயரிடப்பட வாய்ப்புகள் உள்ள இந்த மாடலின் ஸ்பை படங்கள் வெளியாகியுள்ளது. ஏறக்குறைய அனைத்து வாகனங்களுக்கும், செயல்திறன் கூட்டப்பட்ட பெர்ஃபார்மன்ஸ் வடிவங்களும் அறிமுகம் செய்யப்படுவது வழக்கம்.

அவ்வகையில், சுஸுகி ஜிக்ஸெர் மாடலின் பெர்ஃபார்மன்ஸ் கூட்டப்பட்ட வடிவமான ஜிஎஸ்எக்ஸ்-150ஆர் மோட்டார்சைக்கிள் தொடர்புடைய கூடுதல் தகவல்களை இனி தெரிந்து கொள்ளலாம்.

டிசைன்;

சுஸுகி ஜிஎஸ்எக்ஸ்-150ஆர் என்ற பெயருக்கு ஏற்றவாறு, சுஸுகி ஜிக்ஸெர் மாடலின் பல்வேறு டிசைன் அம்சங்கள், இந்த ஜிஎஸ்எக்ஸ்-150ஆர் மாடலில் ஏற்று கொள்ளப்பட்டுள்ளது. இது அடுத்த சில மாதங்களில் அறிமுகம் செய்யப்படும் என தகவல்கள் வெளியாகி வருகிறது.

ஸ்பை படங்கள்;

சுஸுகி ஜிஎஸ்எக்ஸ்-150ஆர், உருமறைப்புடனும், லிவரியுடனும் சோதனைகள் மேற்கொள்ளப்படும் போது எடுக்கபட்ட ஸ்பை படங்கள் தற்போது வெளியாகியுள்ளது. இது முதலில், இந்தோனேஷிய வாகன சந்தைகளில் அறிமுகம் செய்யப்படும் என தகவல்கள் வெளியாகிறது.

ஸ்டைல்;

ஸ்டைல் படி, சுஸுகி ஜிஎஸ்எக்ஸ்-150ஆர் மோட்டார்சைக்கிள், பெரிய ஜிஎஸ்எக்ஸ் மாடளைகளை போன்றே, கூர்மையான ஹெட்லேம்ப்கள் மற்றும் மடிப்புகள் உடைய வளைவுகள் கொண்டுள்ளது. இந்த மோட்டார்சைக்கிள், ஏபிஎஸ் எனப்படும் ஆண்டி-லாக் பிரேக்கிங் சிஸ்டம் உடைய டபுள்-டிஸ்க் பிரேக்குகள் உடையதாக உள்ளது.

இஞ்ஜின்;

சுஸுகி ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிள், ஜிக்ஸெர் மாடல்களில் உள்ள அதே 155 சிசி இஞ்ஜின் தான் கொண்டிருக்கும் என எதிர்பார்க்கப்படுகிறது. இந்த இஞ்ஜின், 14.6 பிஹெச்பியையும், அதிகப்படியாக 14 என்எம் டார்க்கையும் வெளிப்படுத்தும் திறன் கொண்டுள்ளது. எனினும், இந்த சுஸுகி ஜிஎஸ்எக்ஸ்-150ஆர் மோட்டார்சைக்கிளில் இந்த இஞ்ஜின், அதிக திறன் வெளிப்படுத்தும் வகையில் ரீ-டியூன் செய்யப்படும்.

பிற தன்மைகள்;

சுஸுகி ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிள், லிக்விட்-கூலிங் சிஸ்டம் கொண்டதாக இருக்கும். இதன் பொருள் யாதெனில், சுஸுகியின் புதிய ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிள், முந்தைய ஜிக்ஸெர் மாடலை காட்டிலும் கூடுதல் திறன் கொண்டதாக இருக்கும்.

ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிளின் படங்கள் தற்போது இணையத்தில் உலா வருவது, மோட்டார்சைக்கிள் ஆர்வலர்களுக்கு உற்சாகமான செய்தி ஆகும்.

அறிமுகம்;

சுஸுகி ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிள், உலகளவில் அடுத்த சில மாதங்களில் அறிமுகம் செய்யப்படும். எனினும், இந்த சுஸுகி ஜிஎஸ்எக்ஸ்-150ஆர் பெர்ஃபார்மன்ஸ் மோட்டார்சைக்கிளை, ஜப்பானின் சுஸுகி நிறுவனம் இந்தியாவில் அறிமுகம் செய்யுமா, இல்லையா என்பதை பொருத்திருந்து தான் பார்க்க வேண்டும். இதற்கு முக்கிய காரணம், 150 செக்மென்ட்டில், சுஸுகி ஜிக்ஸெர் மாடல், பலத்த வரவேற்ப்பை பெற்று வருகிறது.

Click to compare, buy, and renew Car Insurance online

Buy InsuranceBuy Now

English summary
Suzuki is working on 150cc performance motorcycle which could be named as GSX-150R. According to the name, Suzuki GSX-150R motorcycle is expected to adopt design cues of its elder sibling. Suzuki GSX-150R was caught testing in camouflage livery. Initially, it will be launched in Indonesian market. GSX-150R shall be powered by same 155cc engine. To know more, check here...
Please Wait while comments are loading...