புதிதாக 3 வாகனங்களை அறிமுகப்படுத்தியது டாடா மோட்டார்ஸ்

டெல்லி ஆட்டோ கண்காட்சியில் புதிய சஃபாரி ஸ்டோர்ம் எஸ்யூவி மற்றும் நானோ சிஎன்ஜி கான்செப்ட் மாடல் உள்ளிட்ட புதிய மாடல்களை டாடா மோட்டார்ஸ் பார்வைக்கு வைத்துள்ளது.

தவிர, எல்பிடி 3723 என்ற இந்தியாவின் முதல் 5 ஆக்சில் ரிஜிட் டிரக்கையும் அறிமுகப்படுத்தியுள்ளது.

புதிய சஃபாரி ஸ்டோர்ம் 4 வீல் டிரைவ் கொண்டதாக வந்துள்ளது. தவிர, புதுப்பொலிவு பெற்ற வெளிப்புறம் மற்றும் உட்புற வடிவமைப்புகள் சஃபாரியை அடுத்த தலைமுறைக்கு கொண்டு வந்துள்ளது.

புதிய சஃபாரி ஸ்ட்ரோமில் பொருத்தப்பட்டிருக்கும் 2.2 லிட்டர் டிகோர் எஞ்சின 140 பிஎஸ் பவரை வெளிப்படுத்தும்.

இதேபோன்று, சிஎன்ஜியில் செல்லும் புதிய நானோ கார் கான்செப்ட் மாடல் எதிர்கால சந்தையில் நிச்சயம் முக்கிய இடத்தை பிடிக்கும் என்று எதிர்பார்க்கலாம். டாடா மோட்டார்ஸ் பார்வைக்கு வைத்திருக்கும் கான்செப்ட் மாடல்கள் அடுத்த நிதி ஆண்டில் வர்த்தக ரீதியில் அறிமுகம் செய்யப்படும் என்று தெரிவிக்கப்பட்டுள்ளது.