மெர்சிடிஸ் ஏஎம்ஜி டபுள்யூ04 எஃப்1 ரேஸ் கார், 2016 டெல்லி ஆட்டோ எக்ஸ்போவில் தரிசனம்

ஏஎம்ஜி டபுள்யூ04 பற்றி...

மெர்சிடிஸ் டபுள்யூ04 எஃப்1 ரேஸ் கார் தான், 2013-ஆம் ஆண்டில் நடைபெற்ற ஃபார்முலா 1 சீசனின் போது லூயிஸ் ஹேமில்டன் மூலம் இயக்கபட்ட கார் ஆகும்.

2013-ஆம் ஆண்டில் தான், இந்தியாவில் ஃபார்முலா 1 தொடர் கடைசியாக இந்தியாவில் நடத்தபட்டது என்பது குறிப்பிடதக்கது.

இஞ்ஜின்;

மெர்சிடிஸ் டபுள்யூ04 எஃப்1 ரேஸ் கார், 2.4 லிட்டர் வி8 இஞ்ஜின் கொண்டுள்ளது.

இதன் இஞ்ஜின், கேஇஆர்எஸ் சிஸ்டத்தின் உதவியுடன் 830 பிஹெச்பியை வெளிபடுத்தும் திறன் கொண்டுள்ளது. இந்த டபுள்யூ04 எஃப்1 ரேஸ் கார் தான், மெர்சிடிஸ் நிறுவனம் சார்பாக, எஃப்1-ன் வி8 காலகட்டத்தில் தயாரிக்கபட்ட கடைசி கார் ஆகும்.

சேஸி;

மெர்சிடிஸ் டபுள்யூ04 எஃப்1 ரேஸ் காரின் சேஸி, மோல்டட் கார்பன் ஃபைபர் காம்போஸிட் மோனோகாக் ஆகும். இது ஃப்ரண்ட் மற்றும் சைட் இம்பேக்ட் ஸ்ட்ரக்சர்களை உள்ளடக்கியதாக உள்ளது.

சஸ்பென்ஷன்;

சஸ்பென்ஷன் பொருத்த வரை, இந்த மெர்சிடிஸ் டபுள்யூ04 எஃப்1 ரேஸ் காரின் முன் பக்க சஸ்பென்ஷன் புஷ்ராட் வெரைய்டியாகவும், இதன் பின் பக்க சஸ்பென்ஷன் புல்ராட் வகையாகவும் உள்ளது.

சிறப்பம்சம்;

2013-ஆம் ஆண்டின் எஃப்1 கன்ஸ்ட்ரக்டர்ஸ் சேம்பியன்ஷிப் போட்டி, மெர்சிடிஸ் ஏஎம்ஜி பெட்ரோனாஸ் 2-வது இடத்தை அடைவதற்கு, இந்த மெர்சிடிஸ் டபுள்யூ04 பெரிய வகையில் உதவிகரமாக இருந்தது.