நேபாளத்தில் நானோ கார் டோர் டெலிவிரி: ஷிப்ரடி மோட்டார்ஸ்

இந்தியா மட்டுமின்றி அண்டை நாட்டு சந்தைகளிலும் நானோ காரை டாடா மோட்டார்ஸ் களமிறக்கியுள்ளது.

இலங்கையில் அறிமுகப்படுத்த நானோ அங்கு பெரும் வரவேற்பை பெற்றது.

இதைத்தொடர்ந்து, நேபாளத்திலும் நானோ கார் அறிமுகம் செய்யப்பட்டது. அங்கு நானோ காருக்கு எதிர்பாராத வரவேற்பு கிடைத்துள்ளது.

புக்கிங் துவங்கப்பட்டு 4 நாட்களில் 352 நானோ கார்கள் புக்கிங் செய்யப்பட்டது. எதிர்பார்ததைவிட அதிக புக்கிங் ஆனதால், அங்கு நானோ காருக்கான புக்கிங் தற்காலிகமாக நிறுத்தப்பட்டுள்ளது.

ஆனாலும், நேபாள ஷோரூம்களில் நானோ காரை வாடிக்கையாளர்கள் ஆர்வமுடன் வந்து பார்த்து செல்வதாகவும், பலர் புக்கிங் செய்ய ஆவலாக காத்திருப்பதாகவும் டீலர் தகவல்கள் தெரிவிக்கின்றன.

இந்த நிலையில், நேபாளத்தில் புக்கிங் செய்து காத்திருக்கும் வாடிக்கையாளர்களுக்கு நானோ டெலிவிரி துவங்கப்பட இருக்கிறது.

நேபாளத்திற்கான அங்கீகாரம் பெற்ற இறக்குமதியாளரான ஷிப்ரடி மோட்டார்ஸ் நிறுவனத்திற்கு முதல் கட்டமாக 250 நானோ கார்கள் வந்துள்ளது.

புக்கிங் வரிசைப்படி முதலில் 250வாடிக்கையாளர்களுக்கு நானோ கார் டோர் டெலிவிரி செய்ய இருப்பதாக ஷிப்ரடி தெரிவித்துள்ளது. மேலும், விரும்பும் வாடிக்கையாளர்கள் ஷோரூம்களில் வந்தும் டெலிவிரி பெற்றுக்கொள்ளலாம் என்றும் தெரிவித்துள்ளது.