காம்பெக்ட் கார் சந்தையிலும் களமிறங்க ஆடி முடிவு

Four Wheelers

oi-Arivalagan ST

By Arivalagan St

Published: Tuesday, June 7, 2011, 11:54 [IST]

டெல்லி: "இந்திய சந்தையில் காம்பெக்ட் சொகுசு கார்களுக்கு நல்ல வரவேற்பு உள்ளது; எனவே காம்பெக்ட் கார் சந்தையிலும் கால் பதிப்பது குறித்து ஆராய்ந்து வருகிறோம்," என்று ஆடி கார் நிறுவனத்தின் விற்பனைப் பிரிவு தலைவர் அனில் ரெட்டி கூறினார்.

ஆடி நிறுவனத்தின் புத்தம் புதிய ஏ7 சொகுசு கார் அறிமுக விழா சமீபத்தில் ஐதராபாத்தில் நடந்தது. இந்த விழாவில் அனில் ரெட்டி கலந்துகொண்டு ஏ7 காரை அறிமுகப்படுத்தினார். பின்னர் செய்தியாளர்களிடம் பேசிய அவர் கூறியதாவது:

" காம்பெக்ட் சொகுசு கார்களுக்கு நம் நாட்டு வாடிக்கையாளர்களிடையே அதிக வரவேற்பு உள்ளது. சந்தையை ஆரம்பம் முதலே நாங்கள் கூர்ந்து கவனித்து வருகிறோம். எனவே, காம்பெக்ட் சொகுசு காரை அறிமுகப்படுத்துவது குறித்து தீவிரமாக ஆராய்ந்து வருகிறோம்.

காம்பெக்ட் கார் சந்தையில் நுழைந்தால் மார்க்கெட்டில் எங்களது பங்களிப்பு அதிகரிக்கும் என்பதோடு மட்டுமில்லாமல், மற்ற நிறுவனங்களுடன் எளிதில் போட்டி போட முடியும். வாடிக்கையாளர்கள் எங்களது காம்பெக்ட் காருக்கு அமோக வரவேற்பு கொடுப்பார்கள் என்பது உறுதி. இதுகுறித்த சாதகபாதகங்களை ஆராய்ந்து வருகிறோம்," என்றார்.