டிசம்பரில் டொயோட்டோ கார் விற்பனை 151% அதிகரிப்பு

ஆண்டுதோறும் டிசம்பரில் கார் விற்பனை மந்தமாக இருந்து வருவதால் சலுகைகளை அள்ளிக்கொடுத்து கார் விற்பனையை அதிகரிக்க அனேக நிறுவனங்கள் முயற்சிகள் மேற்கொண்டு வருவது வழக்கம்.

இந்த வகையில், டொயோட்டோ நிறுவனமும் லிவா மற்றும் எட்டியோஸ் கார்களுக்கு சலுகைகளை அறிவித்தது. இதற்கு நல்ல பலன் கிடைத்துள்ளது.

கடந்த மாதம் டொயோட்டோ நிறுவனத்தின் கார் விற்பனை 151 சதவீதம் வளர்ச்சி கண்டுள்ளது. கடந்த மாதம் அந்த நிறுவனம் மொத்தமாக 15,948 கார்களை விற்பனை செய்துள்ளதாக தெரிவித்துள்ளது.

இந்த ஆண்டில் அந்த நிறுவனம் 43,313 எட்டியோஸ் கார்களையும், 20,262 லிவா கார்களையும் விற்பனை செய்துள்ளதாக தெரிவித்துள்ளது.