ஃபியட் புன்ட்டோ, லீனியாவுக்கு இலவச ஆக்சஸெரீஸ் பேக்: சூப்பர் ஆஃபர்

மதிப்பு

ஸ்பெஷல் எடிசன் பேட்ஜில் வந்துள்ள லீனியா, புன்ட்டோ கார்களுக்கு ரூ.25,000 மதிப்புடைய ஆக்சஸெரீஸ்களை இலவசமாக வழங்குவதாக ஃபியட் தெரிவித்துள்ளது. இதில், டச் ஸ்கிரீன் கொண்ட ஜிபிஎஸ் நேவிகேஷன் சிஸ்டம், 3ஜி ஆன்ட்ராய்டு டேப்லெட், ரிவர்ஸ் பார்க்கிங் சென்சார் மற்றும் அப்சொலியூட் எடிசன் என்ற வெளிப்புறத்திற்கான பேட்ஜ்கள் ஆகியவை அடங்கும்.

இதர ஆக்சஸெரீஸ்

ஸ்ப்ளாஷ் கார்டுகள், லீனியா மற்றும் புன்ட்டோ பிராண்டு பொறித்த டோர் சில் கார்டுகள் ஆகியவற்றுடன் லீனியாவின் பின்புறத்திற்கான குரோம் தகடு மற்றும் புன்ட்டோவுக்கு உயர்தர தரை விரிப்புகள் வழங்கப்படுகின்றன.

இவை மட்டுமா?

சிறப்பு ஆக்சஸெரீஸ் தவிர்த்து லீனியா காரை வாங்கும் வாடிக்கையாளர்களுக்கு சாலை அவசர உதவி திட்டம் மற்றும் எக்ஸ்சேஞ்ச் ஆஃபர் வழியாக ரூ.70,000 மதிப்புடைய சலுகைகளை பெறலாம்.

புன்ட்டோவுக்கு...

புன்ட்டோவுக்கு ரூ.60,000 மதிப்புக்கு சாலை அவசர உதவி திட்டம் மற்றும் எக்ஸ்சேஞ்ச் சலுகையை பெறலாம் என தெரிவிக்கப்பட்டுள்ளது.

பழைய வாடிக்கையாளர்கள்

ஏற்கனவே லீனியா, புன்ட்டோ கார் வைத்திருக்கும் வாடிக்கையாளர்கள் இந்த சிறப்பு ஆக்சஸெரீஸ்களை ரூ.25,000 கொடுத்து பெற்றுக் கொள்ளலாம் என்று தெரிவிக்கப்பட்டுள்ளது. இந்த சலுகைகளை உள்ளடக்கிய புன்ட்டோ மற்றும் லீனியா கார்கள் அதே விலையில் விற்பனைக்கு கிடைக்கும் என ஃபியட் தெரிவித்துள்ளது.