புதிய ஃபோர்டு காம்பேக்ட் செடான் காரின் பெயர் ஆஸ்பயர்... எதிர்பார்ப்புகளை பூர்த்தி செய்யுமா?

பெயர்

புதிய ஃபோர்டு காம்பேக்ட் செடான் கார் ஃபிகோ ஆஸ்பயர் என்ற பெயரில் அறிமுகமாக உள்ளதாக அந்த நிறுவனத்தின் வட்டாரத் தகவல்கள் தெரிவிக்கின்றன. இந்த கார் புதிய தலைமுறை ஃபோர்டு ஃபிகோ காரின் அடிப்படையில் வடிவமைக்கப்பட்டுள்ளது.

அப்படியா

இந்தியாவில் புதிய தலைமுறை ஃபோர்டு ஃபிகோ காருடன் சேர்த்து 4 மீட்டருக்கும் குறைவான நீளம் கொண்ட காம்பேக்ட் செடான் காரும், 4 மீட்டருக்கும் அதிகமான நீளம் கொண்ட ஒரு செடான் காரும் சோதனை செய்யப்பட்டு வருகிறது. இது ஆட்டோமொபைல் துறையினர் மத்தியில் ஆச்சரியத்தை ஏற்படுத்தியுள்ளது. இவை இரண்டுமே புதிய தலைமுறை ஃபிகோ காரின் அடிப்படையிலான செடான் கார் மாடல்களே.

எஞ்சின்

பெட்ரோல் மாடலில் 71 பிஎஸ் பவரை அளிக்கும் 1.2 லிட்டர் எஞ்சினும், டீசல் மாடலில் 1.5 லிட்டர் எஞ்சினுடனும் அறிமுகம் செய்யப்பட உள்ளதாக தெரிவிக்கப்படுகிறது.

எதிர்பார்க்கும் விலை

புதிய தலைமுறை ஃபிகோ கார் ரூ.4.6 லட்சம் முதல் ரூ.7.25 லட்சம் வரையிலான விலையிலும், புதிய ஆஸ்பயர் காம்பேக்ட் செடான் காரை ரூ.5 லட்சம் முதல் ரூ.8 லட்சம் வரையிலான விலையிலும் விற்பனைக்கு கொண்டு வரப்படும் என எதிர்பார்க்கப்படுகிறது.

சுவை, மணம்

ஃபோர்டு ஈக்கோஸ்போர்ட் எஸ்யூவிக்கு பிறகு இந்த புதிய காம்பேக்ட் செடான் கார் மீது ஃபோர்டு நிறுவனம் அதிக நம்பிக்கை வைத்திருக்கிறது. மேலும், வாடிக்கையாளர்களை எதிர்பார்ப்பை நிறைவு செய்யும் விதத்திலான டிசைன், சக்திவாய்ந்த எஞ்சின்கள், வசதிகளுடன் இந்த காரை அறிமுகம் செய்யப்படும் என்று ஆட்டோமொபைல் துறையினரும், வாடிக்கையாளர்களும் எதிர்பார்க்கின்றனர்.