ஏசி போடுவதால் காரின் மைலேஜ் குறையுமா?- உங்கள் சந்தேகத்திற்கான விளக்கம்!

ஆனால், இப்போது ஏசி வசதி இல்லாத காரே இல்லை எனலாம். மிக குறைவான விலை கொண்ட காரில் கூட ஏசி வசதி என்பது அடிப்படை விஷயமாக இடம்பெறுகிறது. இந்த நிலையில், ஏசி வசதி உள்ள காரில், அதனை இயக்கும்போது மைலேஜ் குறையும் என்ற கருத்து பரவலாக உண்டு. அதுகுறித்து இந்த செய்தியில் விளக்கமாக பார்க்கலாம்.

இந்தியாவில் பெரும்பாலான பகுதிகளில் ஆண்டு முழுவதும் வெப்பம் அதிகம் நிலவுகிறது. இதனால், இந்தியர்களுக்கு ஏசி என்பது மிக அத்தியாவசியமான அடிப்படை வசதி. அதேநேரத்தில், ஏசி போடுவதால் மைலேஜ் குறையும் என்ற விஷயம், அதனை பயன்படுத்துவதில் பல கார் வாடிக்கையாளர்கள் கண்ணும் கருத்துமாக இருக்க வேண்டிய நிலை இருக்கிறது.

ஏனெனில், இந்தியாவில் பெட்ரோல், டீசல் விலை வெயிலுடன் போட்டி போட்டு உச்சத்தில் நிற்கிறது. இந்த சூழலில் வெயிலையும், எரிபொருள் செலவையும் வாடிக்கையாளர்கள் சமாளிக்கும் வேண்டிய நிர்பந்தம் இருக்கிறது.

ஏசி மெஷின் கார் எஞ்சின் சக்தியை பயன்படுத்தி இயங்குகிறது என்பது தெரிந்ததே. குறிப்பாக, ஏசி எந்திரத்தின் ஏர் கம்ப்ரஷர் இயங்குவதற்கு கார் எஞ்சினிலிருந்து ஆற்றல் தேவைப்படுகிறது. இதனால், எரிபொருள் செலவு கூடுதல் என்பதில் மாற்று கருத்தில்லை.

ஆனால், அது எந்தளவுக்கு என்பதே இங்கே கவனிக்க வேண்டிய விஷயம். அந்த காலத்து கார்களில் ஏசி போடும்போது குறைந்தது 20 சதவீதம் கூடுதல் எரிபொருள் செலவு இருந்தது உண்மைதான்.

ஆனால், இப்போது வரும் புதிய கார்களில் மிக நவீன தொழில்நுட்ங்கள் பயன்படுத்தப்படுகின்றன. இதனால், ஏசி மெஷின் இயங்குவதற்கு மிக குறைந்த அளவு எரிபொருள் செலவு கூடுதலாக இருக்கும்.

அதேநேரத்தில், மலைப்பாங்கான பகுதிகளில் ஏற்றமான சாலைகளில் செல்லும்போது இந்த மைலேஜ் குறையும் என்பதும் மாற்று கருத்தில்லை.

அதேநேரத்தில், ஏசி மெஷினை இயக்கும்போது ஏற்படும் எரிபொருள் செலவு மற்றொரு விதத்தில் உங்களுக்கு சமன் செய்யப்படுகிறது.

ஆம், ஏசி போடாத நிலையில் நீங்கள் காரின் ஜன்னல்களை திறந்து வைத்தே ஓட்ட வேண்டியிருக்கும். அவ்வாறு செல்லும்போது காரின் காற்று கிழித்துச் செல்லும் போக்கு பாதிக்கப்படும். காற்று ஜன்னல் வழியாக உள்ளே புகுந்து பின்புற விண்ட்ஷீல்டு கண்ணாடியில் சென்று காரின் வேகத்தை தடுக்கும்.

இதனால், கார் முன்னோக்கி செல்வதற்கு கூடுதல் திறனை வெளிப்படுத்த வேண்டி, எரிபொருளை கூடுதலாக எடுத்துக் கொள்ளும். இதனால், மைலேஜ் குறையும். மறுபுறத்தில் ஏசி போடும்போது ஜன்னல்கள் மூடியிருப்பதால், காருக்குள் காற்று புகுவது தடுக்கப்படுவதால், மிகச் சிறப்பான ஏரோடைனமிக்ஸ் கிடைப்பதால் எஞ்சினுக்கு ஏற்படும் கூடுதல் சுமை குறையும்.

Recommended Video - Watch Now!

Tata Motors Delivers First Batch Of Tigor EV To EESL - DriveSpark

எனவே, ஏசி போட்டு செல்லும்போது ஏற்படும் கூடுதல் எரிபொருள் செலவு சமன் செய்யப்படுகிறது. எனவே, ஜன்னலை மூடி வைத்து செல்வதே சிறந்தது. அதேநேரத்தில், நீங்கள் மிக குறைவான வேகத்தில் பயணிக்கும்போது ஜன்னல்களை திறந்து வைத்து கொண்டு ஏசி போடாமல் சென்றால் நிச்சயம் சிறப்பான மைலேஜ் கிடைக்கும் என்பதையும் சொல்ல வேண்டும்.

ஏசி போடுவதால் அதிக அளவு எரிபொருள் இழப்பு ஏற்படும் என்ற நினைப்பை முதலில் விட்டுவிடுங்கள். இவற்றையெல்லாம்விட, ஏசி போட்டு செல்லும்போது வெளிப்புறத்தில் இருந்து வரும் தொற்று கிருமிகள் தாக்கம் மற்றும் கெட்ட வாடைகளையும் தவிர்க்க முடியும்.

மேலும், ஜன்னல் கதவை திறந்து வைத்து கொண்டு நீண்ட நேரம் பிரயாணம் செல்லும்போது ஓட்டுனருக்கும், வெளிக்காற்று அதிவேகத்தில் வந்து மோதுவதால் பயணிகளுக்கும் உடல் சோர்வும், உடல் நலமும் பாதிக்கப்படும் என்பதுடன், இறைச்சலும் தலைவலியை ஏற்படுத்தும்.

எனவே, ஏசி நல்லது!

Trending DriveSpark YouTube Videos:

Subscribe To DriveSpark Tamil YouTube Channel - Click Here