மோட்டார் வாகனச் சட்டமும், குற்றங்களுக்கான அபராத விபரமும்...!!

Written By:

நாட்டிலேயே அதிக சாலை விபத்துக்கள் நிகழும் மாநிலமாக தமிழ்நாடு இருப்பதாக புள்ளி விபரங்கள் தெரிவிக்கின்றன. இதற்கான காரணங்களில் முக்கியமானதாக, வாகன ஓட்டிகள் சாலை விதிகளை சரிவரி கடைபிடிப்பதில்லை என்றும், பலருக்கு சாலை விதிகள் குறித்த விழிப்புணர்வு இல்லை என்றும் தெரிவிக்கப்படுகிறது.

இந்த நிலையில், சிலர் அறியாமல் வாகனம் ஓட்டும்போது தவறுகளை செய்ய வாய்ப்புளளது. அவர்களுக்காக மோட்டார் வாகனச் சட்டங்கள் மற்றும் அதில் தவறுகளுக்கான அபராத விபரங்கள் குறித்து இந்த செய்தித் தொகுப்பில் காணலாம்.

01. லைசென்ஸ் இல்லைன்னா...

01. லைசென்ஸ் இல்லைன்னா...

18 வயதுக்கு உட்பட்ட மைனர் வண்டி ஓட்டுவதும், டிரைவிங் லைசென்ஸ் இல்லாமல் வாகனம் ஓட்டினால் மோட்டார் வாகனச் சட்டம் பிரிவு 181ன் கீழ் ரூ.500 அபராதம் அல்லது மூன்று மாதங்கள் சிறை தண்டனை விதிக்கப்படும்.

02. அனுமதித்தாலும் குத்தம்தான்

02. அனுமதித்தாலும் குத்தம்தான்

டிரைவிங் லைசென்ஸ் இல்லாதவர்களை வண்டி ஓட்ட அனுமதிப்பதும் மோட்டார் வாகனச் சட்டம் பிரிவு 180ன் கீழ் தவறு. இதற்கு ரூ.1000 அபராதமாகவும், மூன்று மாதங்கள் சிறை தண்டனை வழங்க வழியுண்டு.

03. ஓவர்ஸ்பீடு

03. ஓவர்ஸ்பீடு

அதிவேகத்தில் வண்டி ஓட்டுவது மோட்டார் வாகனச் சட்டம் 183-1 ன் கீழ் ரூ.400 அபராதமாக விதிக்கப்படும்.

04. இடையூறு

04. இடையூறு

போக்குவரத்திற்கு இடையூறு செய்தால் மோட்டார் வாகனச் சட்டம் பிரிவு 201ன் படி ஒரு மணிநேரத்திற்கு ரூ.50 வீதம் அபராதம் விதிக்க முடியும்.

05. பதிவு செய்யாத வாகனம்

05. பதிவு செய்யாத வாகனம்

புதிய வாகனம் வாங்கியுடன் பதிவு செய்யவில்லை என்றால் For Regn என்று நம்பர் பிளேட்டில் எழுதியிருக்க வேண்டும். அப்படியில்லையென்றால், தற்காலிக பதிவு எண்ணை எழுதி ஒட்டியிருக்க வேண்டும். பதிவு செய்யப்படாத வாகனத்தை ஓட்டினால் மோட்டார் வாகனச் சட்டம் 192ன் கீழ் ரூ.5,000 வரை அபராதம் அல்லது ஓர் ஆண்டு சிறை தண்டனை விதிக்கப்படும்.

06. தகுதி இழந்தவர்கள்...

06. தகுதி இழந்தவர்கள்...

ஓட்டுனர் உரிமம் ரத்து செய்யப்பட்டு, தகுதி இழந்தவர்கள் வாகனத்தை இயக்கினால், மோட்டார் வாகனச்சட்டம் பிரிவு 182-1ன் கீழ் ரூ.500 அபராதம் விதிக்க முடியும்.

07. தாத்தா வீட்டு ரோடு

07. தாத்தா வீட்டு ரோடு

எங்க தாத்தா வீட்டு ரோடு என்ற நினைப்பிலோ அல்லது சிக்னல் நெரிசலிலோ நடைபாதையில் வாகனம் ஓட்டுவது மோட்டார் வாகனச் சட்டம் RRR 177 கீழ் தவறு. இதற்கு ரூ.100 அபராதம் கட்ட வேண்டி வரும். அடுத்த முறை இதே தவறுக்கு ரூ.300 அபாராதம் விதிக்கப்படும்.

08. தாறுமாறாக ஓட்டினால்...

08. தாறுமாறாக ஓட்டினால்...

பிறரை அச்சுறுத்தும் விதத்திலும், விபத்தை ஏற்படுத்தும் விதத்திலும் அபாயகரமாக ஓட்டுதல் பிரிவு 184ன் கீழ் ரூ.1000 அபராதம் அல்லது 6 மாத சிறை தண்டனை விதிக்கப்படும்.

09. மொபைல்போன் பேச்சு

09. மொபைல்போன் பேச்சு

மொபைல்போன் பேசியபடி ஓட்டுதல் CMV R21(25) பிரிவு 177ன் கீழ் ரூ.100 அபராதம் விதிக்கப்படும். தொடர்ந்து இதே தவறை செய்தால் ரூ.300 அபராதம் விதிக்கப்படும்.

10. செல்லமெல்லாம் வீட்டோட...

10. செல்லமெல்லாம் வீட்டோட...

வளர்ப்பு பிராணிகளை காரில் செல்லும்போது அவை பிற வாகன ஓட்டிகளுக்கோ அல்லது டிரைவருக்கோ அச்சத்தை கொடுக்கும் வகையில் இருந்தால் மோட்டார் வாகனச் சட்டம் 177/80 ன் கீழ் அவை தவறு. இதற்கு ரூ.100 அபராதம் விதிக்கலாம்.

11. உடல் தகுதி

11. உடல் தகுதி

உடல் நிலை அல்லது மன நிலை சரியில்லாத நிலையில் வாகனத்தை ஓட்டுவது பிரிவு 186ன் கீழ் ரூ.200 அபராதம் விதிக்கப்படும்.

12. ஸ்ட்ரீட் ரேஸ்

12. ஸ்ட்ரீட் ரேஸ்

போட்டி போட்டுக் கொண்டு வண்டி ஓட்டுவது மோட்டார் வாகனச் சட்டப் பிரிவு 189ன் கீழ் ரூ 500 அபராதம் அல்லது ஒரு மாதம் சிறைத் தண்டனை விதிக்கப்படும். அபராதமும், சிறைத் தண்டனையும் சேர்த்தும் விதிக்கப்படலாம்.

13. கரும்புகை வெளிட்டால்...

13. கரும்புகை வெளிட்டால்...

கொசு மருந்து அடிப்பது போன்று புகையை வெளியிடும் வாகனங்களுக்கு மோட்டார் வாகனச் சட்டம் 177/139(1)ன் கீழ் தவறு. இதற்கு முதல்முறை ரூ.500 அபராதம் விதிக்கப்படும்.

14. குடிபோதையில் டிரைவிங்

14. குடிபோதையில் டிரைவிங்

மது அருந்திவிட்டு வாகனம் ஓட்டுவது தவறு. அவ்வாறு ஓட்டுபவர்களுக்கு முதல்முறை ரூ.2,000 அபராதமும், 6 மாதங்கள் வரை சிறைத் தண்டனையும் விதிக்க முடியும். இரண்டாவது முறை தவறுக்கு ரூ.3,000 அபராதமும், 2 ஆண்டுகள் வரை சிறைத் தண்டனையும் விதிக்க வழியுண்டு.

15. மியூசிக் ஹாரன்

15. மியூசிக் ஹாரன்

வாகனங்களில் அனுமதிக்கப்படாத காற்று ஒலிப்பான் மற்றும் பல்லிசை ஒலிப்பான் பயன்படுத்துவது மோட்டார் வாகனச் சட்டப் பிரிவு 190 (2)ன் கீழ் ரூ.100 அபராதம் விதிக்க முடியும். தொடர்ந்து செய்தால் ரூ.300 வரை அபராதம் விதிக்கப்படும்.

16. இன்ஸ்யூரன்ஸ் இல்லாமல்...

16. இன்ஸ்யூரன்ஸ் இல்லாமல்...

காப்பீடு செய்யப்படாத வாகனத்தை ஓட்டுதல் மோட்டார் வாகனச் சட்டப் பிரிவு 196ன் படி ரூ.1000 அபராதம் விதிக்க முடியும்.

17. பாட்டு போட்டாலும் குற்றமே

17. பாட்டு போட்டாலும் குற்றமே

கார்களில் ஆடியோ சிஸ்டத்தை ஒலிக்க விட்டு ஓட்டுவதும் குற்றமே. இதற்கு ரூ.100 அபராதம் விதிக்கப்படும்.

18. ஹை-பீம்

18. ஹை-பீம்

ஹெட்லைட் ஹெட்லைட்டில் விதவிமான வண்ணம் கொண்ட பல்புகளை ஒளிரவிட்டுச் செல்வதும் தவறு. மோட்டார் வாகனச் சட்டம் 177/7(2) ன் படி ரூ.100 அபராதம் விதிக்கலாம். அடுத்தடுத்த முறை தவறுக்கு ரூ.300 அபாராதம் விதிக்க முடியும்.

 

English summary
Drivespark Tamil lists some traffic offences that you might not have heard of. We suggest that you be extra careful the next time you drive out.

Latest Photos

 

வாகனச் செய்திகளை உடனுக்குடன் பெற டிரைவ்ஸ்பார்க்
Tamil Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more