சென்னை உள்ளிட்ட நகரங்களில் நடைமுறையில் உள்ள போக்குவரத்து விதிகள்!

சென்னையில் நண்பர் அல்லது உறவினர் காரை அவருக்கு தெரியாமல் எடுத்து வந்து பயன்படுத்துவது குற்றமாக கருதப்படும். அவருக்கு தெரியாமல் எடுத்து வந்து பயன்படுத்தும் பட்சத்தில் மூன்று மாதங்கள் சிறை அல்லது ரூ.500 வரை அபராதம் விதிக்கப்படும்.

முதலுதவி பெட்டி அனைத்து வாகனங்களுக்கும் கட்டாயம்தான். குறிப்பாக, சென்னை மற்றும் கொல்கத்தா நகரங்களில், விபத்தில் சிக்கும் காரில் பயணிப்பவர்களுக்கு காயமடைந்தால், அதற்கான முதலுதவி பெட்டி காரில் கட்டாயம் இருக்க வேண்டும். அப்படி இல்லாதபட்சத்தில் ரூ.500 வரை அபராதம் விதிக்கப்படும்.

காரில் ஹாரன் இல்லாமல் அல்லது பழுதடைந்த ஹாரன் இருந்தாலும் ரூ.100 வரை ஓட்டுபவருக்கு அபராதம் விதிக்க போக்குவரத்து விதிகளில் வழி உண்டு.

டெல்லி உள்ளிட்ட வடக்கு மத்திய பகுதிகளில் காருக்குள் சிகரெட் பிடிப்பது விதிமீறல். அவ்வாறு செய்பவர்களுக்கு ரூ.100 அபராதம் விதிக்கப்படும்.

இதர டிப்ஸ் செய்திகள்:

கொல்கத்தா நகரில் பேருந்து நிறுத்தம் போன்ற பொது பயன்பாட்டு பகுதிகளில் காரை நிறுத்துவது விதிமீறலாக கருதப்படும் என்பதுடன், ரூ.100 அபராதம் விதிக்கப்படும்.

Recommended Video

[Tamil] 2017 Skoda Octavia RS Launched In India - DriveSpark

மும்பையில் காரின் டேஷ்போர்டில் டிவி அல்லது டிவி திரை பொருத்துவது குற்றமாக கருதபப்படும். ரூ.100 வரை அபராதமும் உண்டு.

சென்னையில் பார்க்கிங் லாட் அல்லது கார் நிறுத்துமிடங்களில் உங்களது காருக்கு முன்னால் வேறு வாகனங்கள் நிறுத்தப்பட்டு, உங்களுக்கு இடையூறு ஏற்பட்டால், போலீசாரை அழைத்து புகார் அளிக்கலாம். சம்பந்தப்பட்ட ஓட்டுனருக்கு ரூ.100 வரை அபராதம் விதிக்க வழி உண்டு.

பெங்களூர், கொச்சி உள்ளிட்ட நகரங்களில் கஸ்டமைஸ் சைலென்சர் பொருத்தப்பட்டிருந்தால், ரூ.100 அபராதம் என்பதுடன், அதுதவிர்த்து வாகனத்தை பறிமுதல் செய்து அந்த சைலென்சரை அகற்றப்படும்.

இதர டிப்ஸ் செய்திகள்: