ஆவலைத் தூண்டும் ஃபியட் ஐ கான்செப்ட்டின் சிறப்பம்சங்கள்: ஒரு பார்வை

ஃபியட் ஐ

Fiat Eye என்று அழைக்கப்படும் இந்த கான்செப்ட்டை டினார்டு டா மாதா என்பவர் டிசைன் செய்துள்ளார். இதன் இயக்கம், சிறப்பம்சங்கள் அனைத்தும் ஆர்வத்தை தூண்டுகின்றன.

செக்வே வகை

செக்வே ஸ்கூட்டர்களை போன்றே இந்த ஒற்றை இருக்கை வசதி கொண்ட வாகனமும், தானாகவே சமன் செய்து கொள்ளும் தன்மை கொண்டது. சுற்றுப்புறத்தை கண்காணித்து செல்லும் தொழில்நுட்ப வசதி கொண்டிருக்கிறது.

கன்வேயர் பெல்ட்

இந்த வாகனத்தில் பொருத்தப்பட்டிருக்கும் நீள்வட்ட வடிவ சக்கரங்களில் கன்வேயர் பெல்ட் போன்று இயங்கும் டயர்கள் பொருத்தப்பட்டிருக்கிறது.

எலக்ட்ரிக் வாகனம்

இந்த வாகனம் எலக்ட்ரிக் மோட்டார் துணையுடன் இயங்குகிறது. எனவே, சுற்றுச்சூழலுக்கு தீங்கு தராது என்பதுடன் மிகவும் அடக்கமாக இருப்பதால், எளிதாக பார்க்கிங் செய்ய முடியும்.

இதர அம்சங்கள்

இந்த ஃபியட் ஐ கான்செப்ட் மாடலில் வாகனத்தை சுற்றிக் கண்காணித்து செல்லும் தொழில்நுட்ப வசதி இருக்கிறது. நேவிகேஷன் சிஸ்டமும் உண்டு. இந்த வாகனத்தின் மூடி போன்ற கதவை மேல்நோக்கி திறந்து விட்டு ஏறி அமர்ந்து கொள்ளலாம்.

மோட்டார் உலகம் செய்திகள்

இதுபோன்ற சுவாரஸ்யமான மோட்டார் உலகம் பற்றிய செய்திகளை படிக்க டிரைவ்ஸ்பார்க் தளத்தின் பக்கத்தில் தொடர்பில் இருங்கள்.