சகல வசதிகளுடன் விற்பனைக்கு வந்த நடமாடும் கன்டெய்னர் இல்லம்!

எங்கேயும்...

இந்த கன்டெய்னர் இல்லத்தை விரும்பிய இடத்தில் நிறுவலாம். வெறும் மூன்று மணிநேரத்தில் இந்த கன்டெய்னர் இல்லத்தை வேண்டிய இடத்தில் நிறுவவும், மீண்டும் பேக் செய்யவும் முடியும் என்கிறது ஜி- பாட்.

பன்முக பயன்பாடு

வீடாக மட்டுமின்றி, கடைகள், சிறிய அலுவலகங்களாகவும் இதனை பயன்படுத்த முடியும். வாடிக்கையாளர்களின் விருப்பத்திற்கு ஏற்ப கன்டெய்னரில் சிறப்பு வசதிகள் செய்து தரப்படுகின்றன.

வடிவம்

20 அடி நீளம் கொண்ட இந்த கன்டெய்னரில் 12.5 சதரமீட்டர் உட்புற இடவசதி உண்டு. இதுதவிர, வெளிப்புறத்தில் 16.8 சதர மீட்டர் அளவுக்கு விரிவுப்படுத்திக் கொள்ளலாம். மொதத்தில் 34.8 சதுர மீட்டர் இடவசதியை பெற முடியும்.

ஹைட்ராலிக் வசதி

இந்த கன்டெய்னர் இல்லத்தின் மூன்று பக்கத்தை கைகளால் திறக்க முடியும். இல்லையெனில், ஒரு பொத்தானை அழுத்தினால் ஹைட்ராலிக் முறையில் திறக்கும் வசதியும் ஆப்ஷனலாக செய்து தரப்படுகிறது.

இன்டிரியர்

இந்த கன்டெய்னர் இல்லத்தில் படுக்கை வசதி, சமயலறை, எல்இடி விளக்குகள், சிறிய அலுவலக இடம், 7 கிலோ எடையுடைய வாஷிங் மெஷின், எரிவாயு மூலம் சுடுதண்ணீர் பெறும் வசதிகள் உள்ளன. இதுதவிர, விரிவுப்படுத்த வாயிலில் சிறிய ஸ்டூல்கள் மற்றும் சோபா ஆகியவையும் கொடுக்கப்பட்டுள்ளன.

மழைநீர் சேகரிப்பு

இந்த கன்டெய்னர் இல்லத்தில் 6,400 லிட்டர் மழைநீர் சேகரிப்பு தொட்டியும், சூரிய மின் உற்பத்தி வசதியும் உள்ளன. இந்த கன்டெய்னரின் இன்டிரியர் டிசைனில் முழுக்க முழுக்க மூங்கில் மூலப்பொருளாலான பர்னிச்சர்கள் பயன்படுத்தப்பட்டுள்ளன. ஏசி வசதியும் ஆப்ஷனலாக கொடுக்கப்படுகிறது.

விலை

49,000 அமெரிக்க டாலர் ஆரம்ப விலையிலிருந்து இந்த நடமாடும் கன்டெய்னர் இல்லம் விற்பனைக்கு கிடைக்கும் என தெரிவிக்கப்படுகிறது.