நேவிகேஷன் திரையுடன் புதிய ஹெல்மெட்: விலை ரூ.88,000

ஆன்ட்ராய்டு ஓஎஸ்

இந்த ஹெல்மெட் ஆன்ராய்டு ஆப்பரேட்டிங் சிஸ்டத்தில் இயங்குகிறது. லைவ் மேப், இருக்குமிடம் உள்ளிட்ட தகவல்களை பெறுவதற்கு உதவும். மேலும், பாதுகாப்பு கருதி வீடியோ விளையாட்டு, சினிமா உள்ளிட்டவற்றை பார்க்கும் வசதி கொடுக்கப்படவில்லை என வடிவமைப்பாளர்கள் தெரிவித்துள்ளனர்.

சாதனங்கள்

இந்த ஹெல்மெட்டில் ஒரு மைக்ரோபோன், இரண்டு இயர்போன்கள், வைசர் எனப்படும் கண்ணாடியில் தகவல்களை காண்பிக்கும் சிறிய திரை ஆகியவை உள்ளன.

விசேஷ திரை

பைக் ஓட்டிக் கொண்டிருக்கும்போது பார்வை திறன் பாதிக்கப்படாத அளவுக்கு தகவல்கள் தெரியும் வகையில், தானாகவே மாறிக் கொள்ளும் விஷேச தொழில்நுட்பம் கொண்ட வைசருடன் இந்த ஹெல்மெட் வடிவமைக்கப்பட்டுள்ளது.

வாய்ஸ் கமென்ட் வசதி

ஆப்பிள் சிரி போன்றே வாய்மொழி உத்தரவுகள் மூலம் தகவல்களை பெறும் வசதியும் இருக்கிறது. எனவே, பயணத்தின்போது இடையூறு இல்லாமல் செல்லாம். ஒருவேளை, ஆபத்து அல்லது விபத்து சமயங்களில் வாய்மொழி உத்தரவின் மூலம் உரியவர்களுக்கு தகவல் தெரிவிக்கமுடியும்.

தானியங்கி திரை

லைட் சென்சார் இருப்பதால் பகல் மற்றும் இரவு நேரத்தின் வெளிச்சத்துக்கு தக்கவாறு இதன் திரையின் பின்னணி மாறிக் கொள்ளும் என்பதால் தெளிவாக தகவல்களை பார்த்துக் கொள்ள முடியும்.

பேட்டரி

இந்த ஹெல்மெட்டில் இருக்கும் சாதனங்களை சிறப்பாக இயக்குவதற்காக 3,000 எம்ஏஎச் திறன் கொண்ட பேட்டரி பொருத்தப்பட்டு இருக்கிறது.

திட்ட நிதி உதவி

இந்த லைவ்மேப் ஹெல்மெட் வடிவமைப்பு திட்டத்துக்கு மாஸ்கோ அறிவியல் துறை உள்ளிட்ட பல்வேறு அமைப்புகளிடமிருந்து நிதி உதவி கிடைத்துள்ளது. எனவே, விரைவில் இந்த ஹெல்மெட் வணிக ரீதியில் விற்பனைக்கு வரும் என எதிர்பார்க்கப்படுகிறது.

விற்பனை

மேற்கத்திய நாடுகளில் இந்த ஹெல்மெட்டை முதலில் விற்பனைக்கு கொண்டு வருவதற்கு திட்டமிடப்பட்டுள்ளனர்.