இதுதான் இந்தியாவின் பவர்ஃபுல் ஹூண்டாய் க்ரெட்டா கார்!

இப்படித்தான் இருக்கணும்...

ஹூண்டாய் க்ரெட்டா காரை வாடிக்கையாளர்கள் உச்சி முகர்ந்து போற்றி வரும் நிலையில், இந்த காரின் உரிமையாளர் இதுபோன்ற கார் எப்படி இருக்க வேண்டும் என்ற எண்ணத்திலேயே கேரளாவை சேர்ந்த பீட்ஸ் ஆட்டோமேட்டிவ் என்ற நிறுவனத்தின் மூலமாக தனது காரில் மாறுதல்களை செய்துள்ளார்.

டிசைன் மாறுதல்கள்

காரின் டிசைனில் அதிக மாறுதல்களை செய்யவில்லை. அதேநேரத்தில், க்ரில், பம்பர் உள்ளிட்ட அனைத்து பகுதிகளிலும் கருப்பு வண்ணத்தை தீட்டி கறுஞ்சிறுத்தை போல மாற்றியிருக்கின்றனர். மேலும், ராலி ரேஸ் கார்களில் பயன்படுத்தப்படும் ஆக்ஸிலரி ஹெட்லைட்டுகள் முன்பக்கத்திற்கு செம கெத்தான தோற்றத்தை கொடுக்கிறது.

பாலிஷ்

புதிய ரிம் மற்றும் அகலமான டயர்கள் பொருத்தப்பட்டிருக்கின்றன. மேலும், காரின் அனைத்து பாகங்களையும் கருப்பு நிறத்திற்கு மாற்றியிருப்பதுடன், ஸ்மார்ட்வேக்ஸ் என்ற விசேஷ மெழுகு பூச்சு கொடுத்திருப்பதால், கார் பளபளப்பதுடன், அந்த கறுப்பு வண்ணத்திற்கு கூடுதல் பொலிவு சேர்த்துள்ளது.

எஞ்சின் விபரம்

ஹூண்டாய் க்ரெட்டா கார் 1.4 லிட்டர் டீசல் மற்றும் 1.6 லிட்டர் பெட்ரோல் மற்றும் டீசல் எஞ்சின் ஆப்ஷன்களில் கிடைக்கிறது. அதில், 1.6 லிட்டர் டீசல் எஞ்சின் பொருத்தப்பட்ட மாடலில்தான் மாறுதல் செய்யப்பட்டிருக்கிறது.

கூடுதல் பவர்

126 பிஎச்பி பவரை வழங்க வல்ல ஹூண்டாய் க்ரெட்டா காரின் 1.6 லிட்டர் டீசல் எஞ்சினின் சாஃப்ட்வேரில் மாறுதல்களை செய்து 150 பிஎச்பி பவரை வழங்கும் வகையில், எஞ்சின் ரீமேப் செய்யப்பட்டிருக்கிறது.

கட்டணம்

தற்போது ஹூண்டாய் க்ரெட்டா காரின் 1.6 லிட்டர் டீசல் மாடலுக்கு மட்டுமே பீட்ஸ் ஆட்டோமோட்டிவ் நிறுவனம் எஞ்சின் ரீமேப்பிங் வசதியை வழங்குகிறது. இதற்கு ரூ.19,000 கட்டணமாக நிர்ணயிக்கப்பட்டிருக்கிறது.

வாரண்டி

இதுபோன்று எஞ்சின் ரீமேப் செய்யும்போது வாரண்டி கிடைக்காது என்பதையும் மனதில் வைக்க வேண்டும். எஞ்சினுக்கு மட்டுமல்ல, டர்போசார்ஜர், சூப்பர்சார்ஜர் மற்றும் க்ளட்ச் மற்றும் கியர்பாக்ஸ் ஆகியவற்றிற்கும் வாரண்டி கிடைக்காது.

பராமரிப்பு

வாரண்டி கிடைக்காது என்பதுடன், இதுபோன்று மாறுதல்கள் செய்யும்போது காருக்கு கூடுதல் பராமரிப்பு தேவைப்படும். இவற்றை மனதில் வைத்து காரில் மாடிஃபிகேஷன் செய்வது வாடிக்கையாளர்களின் தனிப்பட்ட விருப்பமாகவே கருதப்படும். அதனால், ஏற்படும் பாதிப்புகளுக்கு கார் நிறுவனங்கள் பொறுப்பை ஏற்காது.