உலகின் அதிவேக போர் விமானங்கள்... லிஸ்ட்ல நம்ம விமானம் ஒண்ணுகூட இல்லைங்க!

10. சுகோய் எஸ்யூ- 27

அதிகபட்ச வேகம்: மேக் 2.35

ரஷ்ய தயாரிப்பான இந்த போர் விமானம் அமெரிக்காவின் எஃப்-15 போர் விமானத்துக்கு இணையானதாக கருதப்படுகிறது. அதிகபட்சமாக மேக் 2.35 வேகத்தில் பறக்கும். 1985ல் அறிமுகம் செய்யப்பட்ட இந்த விமானம் அமெரிக்காவின் எஃப் 14 டாம்கேட் போர் விமானத்துக்கு போட்டியாக இறக்கப்பட்டது. இதுவரை 800 விமானங்கள் உற்பத்தி செய்யப்பட்டிருக்கின்றன. ரஷ்யா, அங்கோலா, இந்தோனேஷியா, உக்ரைன், எத்தியோபியா ஆகிய நாடுகளில் பயன்பாட்டில் உள்ளது.

09. ஜெனரல் டைனமிக்ஸ் எஃப்-111

அதிகபட்ச வேகம்: மேக் 2.5

அதிவேகம் மட்டுமில்லை, தாக்குதல் திறன் அடிப்படையிலும் இவை பல்வேறு ரகத்தில் உருவாக்கப்படுகின்றன. அந்த வகையில், குண்டு வீச்சு பயன்பாட்டுக்காக உருவாக்கப்பட்டதுதான் இந்த விமானம். அமெரிக்காவின் ஜெனரல் டைனமிக்ஸ் நிறுவனம் தயாரித்தது. தற்போது பயன்பாட்டில் இல்லை. அமெரிக்கா, ஆஸ்திரேலியா போன்ற நாடுகளில் பயன்பாட்டில் இருந்தது.

08. மெக்டெனல் டக்ளஸ் எஃப் 15 ஈகிள்

அதிகபட்ச வேகம்: 2.5 மேக்

அனைத்து சீதோஷ்ண நிலைகளிலும் சிறப்பாக செயல்படும். 1972ம் ஆண்டு அறிமுகம் செய்யப்பட்டது. தற்போது போயிங் நிறுவனத்தின் கீழ் உற்பத்தி செய்யப்படுகிறது. வளைந்து நெளிந்து பறந்து தப்புவதில் அசகாய சூரனாக வர்ணிக்கப்படுகிறது. இதுவும் மேக் 2.5 வேகத்தில் பறக்கும்.

07. மிகோயன் மிக் 31

அதிகபட்ச வேகம்: 2.5 மேக்

அனைத்து சீதோஷ்ண நிலைகளிலும் சிறப்பாக செயல்படும். 1972ம் ஆண்டு அறிமுகம் செய்யப்பட்டது. தற்போது போயிங் நிறுவனத்தின் கீழ் உற்பத்தி செய்யப்படுகிறது. வளைந்து நெளிந்து பறந்து தப்புவதில் அசகாய சூரனாக வர்ணிக்கப்படுகிறது. இதுவும் மேக் 2.5 வேகத்தில் பறக்கும்.

06. மிகோயன் மிக் 25

அதிகபட்ச வேகம்: 2.5 மேக்

ஃபாக்ஸ்பேட் என்ற செல்லப்பெயரில் அழைக்கப்படும் இந்த போர் விமானமும் ரஷ்ய தயாரிப்புதான். இந்த விமானம் பிரத்யேக துருப்பிடிக்காத ஸ்டெயின்லெஸ் ஸ்டீல் உலோக கட்டுமானத்தில் தயாரிக்கப்பட்டது. மேக் 2.85 வேகத்தில் பறக்கும். 1964ல் அறிமுகம் செய்யப்பட்டு, 1970ல் பயன்பாட்டுக்கு கொண்டு வரப்பட்டது.

05. எக்ஸ்பி-70 வல்கைரி

அதிகபட்ச வேகம்: மேக் 3.0

பொதுவாக போர் விமானங்கள் அதிவேகத்திலும், எளிதாக தப்புவதற்கு வசதியாக இலகு எடை கொண்டதாக இருக்கும். ஆனால், இந்த விமானம் 2,40,000 கிலோ எடைகொண்டது. இந்த விமானத்தில் 6 எஞ்சின்கள் துணையுடன் வேக பிரச்னையை எளிதாக சமாளிக்கிறது. இந்த விமானம் அணுகுண்டு தாக்குதலின்போது ஏற்படும் அதிக வெப்ப நிலை பகுதிகளில் கூட மேக் 3.0 வேகத்தில் பறக்கும். ரஷ்யா அணுகுண்டு தாக்குதல் நடத்தினால் எளிதாக தப்பும் விதத்தில் இந்த விமானத்தை அமெரிக்கா தயாரித்தது. இரண்டு விமானங்கள் தயாரிக்கப்பட்டது. இப்போது பயன்பாட்டில் இல்லை.

04.பெல் எக்ஸ்2 ஸ்டார்பஸ்டர்

அதிகபட்ச வேகம்: மேக் 3.0

இது அதிவேக போர் விமானத்திற்கான மாதிரி மாடலாக உருவாக்கப்பட்டது. 1945ம் ஆண்டு காலத்தில் தயாரிக்கப்பட்ட இந்த போர் விமானம் மேக் 2 முதல் மேக் 3 வேகத்தில் செலுத்துவதற்கான அடிப்படை ஆராய்ச்சிக்காக உருவாக்கப்பட்டது. இந்த விமானமும் மேக் 3.0 வேகத்தில் பறக்கும். நாங்க எல்லாம் அப்பவே அப்படி என்று சொல்ல வைக்கிறது இந்த விமானத்தின் வேகம்.

03. லாக்ஹீட் ஒய்எஃப்-12

அதிகபட்ச வேகம்: மேக் 3.0

எதிரி விமானங்களை இடைமறித்துதாக்கும் தாக்கும் ரகத்தை சேர்ந்தது. அமெரிக்க விமானப்படையில் பயன்பாட்டில் உள்ளது. லாக்ஹீட் நிறுவனத்தின் ஏ-12 உளவு விமானத்தின் அடிப்படையில் உருவாக்கப்பட்ட போர் விமான மாடல். 74,000 அடி உயரத்தில் மேக் 3.2 வேகத்தில் பறக்கும்.மொத்தமே மூன்று விமானங்கள்தான் தயாரிக்கப்பட்டன.

02. லாக்ஹீட் எஸ்ஆர்71 பிளாக்பேர்டு

அதிகபட்ச வேகம்: மேக் 3.0+

இதுவும் லாக்ஹீட் ஏ12 உளவு விமானத்தின் அடிப்படையில் தயாரிக்கப்பட்டது. மொத்தமே 32 பிளாக்பேர்டு விமானங்களை தயாரிக்கப்பட்டன. துரதிருஷ்டவசமாக 12 விமானங்கள் விபத்தில் சிக்கி இழக்கப்பட்டுவிட்டது. இதுவும் மேக் 3.0 வேகத்தை தாண்டி பறக்கும்.

01. நார்த் அமெரிக்கன் எக்ஸ்-15

அதிகபட்ச வேகம்: மேக் 6.72

உலகின் அதிவேக போர் விமான மாடல் இதுதான். மேக் 6.72 என்ற அதிகபட்ச வேகத்தை எட்டும் வல்லமைகொண்டது. இரண்டு ராக்கெட் எஞ்சின்கள் பொருத்தப்பட்ட போர் விமான மாடல். தற்போது ஒற்றை எஞ்சின் கொண்டதாக மாற்றம் செய்யப்பட்டிருக்கிறது.

வாசகர்கள் படித்துவரும் மேலும் சில சுவாரஸ்யமான செய்திகள்...

விஜய் மல்லையாவின் ஃபார்முலா-1 காரை காய்ச்சி எடுக்கும் நெட்டிசன்கள்!

ஃபேஸ்புக் நிறுவனர் மார்க்கை கலங்கடித்த கார் பந்தய வீரர்

ஃபோர்ஸின் ஃபார்முலா 1 பந்தயத்திற்கான கார் அறிமுகம்

இனி ஆதார் எண் இல்லாமல் வாகனங்களை பதிவு செய்ய முடியாது!

கார் மீது மோதி சுக்குநூறான கவாஸாகி சூப்பர் பைக்...!!