டாப்-5 சம்பள லிஸ்ட்டில் இடம் இல்லை... பதவி விலகிய டொயோட்டா சிஇஓ.,

ஃபோர்டு சிஇஓ

அதிகம் சம்பளம் வாங்கும் கார் நிறுவனங்களின் டாப்-5 சிஇஓ.,க்களின் லிஸ்ட்டில் முதலிடத்தில் அமெரிக்க கார் நிறுவனமான ஃபோர்டு நிறுவனத்தின் தலைவரான ஆலன் முலாலி இடம்பெற்றுள்ளார். இவர் 21 மில்லியன் டாலரை ஆண்டு சம்பளமாக பெறுகிறார். புளூம்பெர்க் வெளியிட்ட புள்ளிவிபரத்தில் இது தெரிவிக்கப்பட்டுள்ளது.

ஃபோக்ஸ்வேகன்

ஜெர்மனியை சேர்ந்த மாபெரும் கார் தயாரிப்பு நிறுவனமான ஃபோக்ஸ்வேகன் ஏஜி நிறுவனத்தின் சிஇஓ மார்ட்டின் வின்டெர்கார்ன் ஆண்டுக்கு 19 மில்லியன் டாலரை சம்பளமாக பெறுகிறார்.

ஜெனரல் மோட்டார்ஸ்

ஃபோர்டு போன்றே மற்றொரு அமெரிக்க பிராண்டான ஜெனரல் மோட்டார்ஸ் நிறுவனத்தின் தலைவர் டான் அகெர்சன் ஆண்டுக்கு 11 மில்லியன் டாலர் சம்பளமாக பெறுகிறார்.

டெய்ம்லர் ஏஜி

ஜெர்மனியை சேர்ந்த சொகுசு கார் தயாரிப்பு நிறுவனமான டெய்ம்லர் ஏஜி நிறுவனத்தினஅ தலைவர் டெய்டர் ஸெட்சே ஆண்டுக்கு 10.6 மில்லியன் சம்பளமாக பெறுகிறார்.

நிசான் மோட்டார்

ஜப்பானை சேர்ந்த நிசான் மோட்டார் கம்பெனியின் சிஇஓ.,வாக இருக்கும் கார்லோஸ் கோஸ்ன் ஆண்டுக்கு 10 மில்லியன் டாலர் சம்பளம் பெறுகிறார்.

டொயோடாவுக்கு எவ்வளவு

கடந்த ஆண்டு ஜப்பான் நிதி அமைச்சகத்திடம் அகியோ டொயோடா அளித்த தகவல்படி அவருக்கு வெறும் 1.9 மில்லியன் டாலர் மட்டுமே சம்பளமாக பெற்றுள்ளதாக குறிப்பிட்டுள்ளார். பிற கார் நிறுவனங்களின் கார் நிறுவனங்களின் சிஇஓ.,க்களை விட குறைந்த சம்பளம் என்ற கவுரவ பிரச்னையால் இவர் தனது பதவியை ராஜினாமா செய்துள்ளார். அதேவேளை, டொயோட்டா நிறுவனத்தின் 0.13 சதவீத பங்குகள் இவர் வசம் உள்ளது. இதன் மதிப்பு 256 மில்லியன் டாலர். இதுதவிர, கடந்த மார்ச்சில் முடிந்த நிதியாண்டின்படி அவரிடம் இருக்கும் பங்குகள் மூலம் 4.2 மில்லியன் டாலர் டிவிடென்ட் தொகை கிடைத்தாக செய்திகள் தெரிவிக்கின்றன.