2015ல் கேடிஎம் டியூக் 690 பைக் அறிமுகம்: சிஇஓ., தகவல்!

புதிய பிளாட்ஃபார்ம்

கேடிஎம் டியூக் 200 மற்றும் டியூக் 390 பைக்குககள் ஒரே பிளாட்ஃபார்மில் வடிவமைக்கப்படுகின்றன. பல முக்கிய பாகங்களை இரு மாடல்களும் பகிர்ந்து கொண்டுள்ளன. ஆனால், புதிய டியூக் 690 பைக் முற்றிலும் புதிய பிளாட்ஃபார்மில் வடிவமைக்கப்பட்ட மாடல். எஞ்சின் உள்ளிட்ட அனைத்தும் இதில் முற்றிலும் புதிதானது.

எஞ்சின் திறன்

கேடிஎம் டியூக் 690 பைக்கில் 69 எச்பி ஆற்றலை வெளிப்படுத்தும் வல்லமை கொண்ட 690சிசி லிக்யூடு கூல்டு எஞ்சின் பொருத்தப்பட்டிருக்கும். 6 ஸ்பீடு டிரான்ஸ்மிஷன் இணைந்து செயல்புரியும்.

இலகு எடை பைக்

சக்திவாய்ந்த இந்த பைக் வெறும் 149.5 கிலோ மட்டுமே எடை கொண்டதாக இருக்கும்.

ஏபிஎஸ் நிரந்தரம்

பாஷ் நிறுவனத்தின் ஏபிஎஸ் பிரேக்கிங் சிஸ்டம் இந்த பைக்கில் நிரந்தர அம்சமாக இடம் பெற்றிருக்கும்.

அசெம்பிள்

டியக் 200 மற்றும் டியூக் 390 பைக்குகள் பஜாஜ் ஆட்டோவின் சகன் ஆலையில் உற்பத்தி செய்யப்படுகின்றன. ஆனால், அதே உற்பத்தி பிரிவில் இந்த பைக்கை உற்பத்தி செய்ய இயலாது என்பதால், முக்கிய பாகங்களை இறக்குமதி செய்து அசெம்பிள் செய்து விற்பனை செய்ய கேடிஎம் திட்டமிட்டுள்ளது.

ஏற்றுமதி

சகன் ஆலையில் அசெம்பிள் செய்யப்படும் கேடிஎம் டியூக் 690 பைக்கை தென்கிழக்கு ஆசிய நாடுகளுக்கும் ஏற்றுமதி செய்ய பஜாஜ் - கேடிஎம் கூட்டணி திட்டமிட்டுள்ளது. இதன்மூலம், மிக சவாலான விலையில் இந்த புதிய பைக்கையும் விற்பனைக்கு வரும் என்று கருதப்படுகிறது.