ஹார்லி டேவிட்சனின் புதிய எலக்ட்ரிக் பைக்கின் தொழில்நுட்ப விபரங்கள்!

புராஜெக்ட் லைவ்வயர்

லைவ்வயர் என்ற பெயரிலான இந்த எலக்ட்ரிக் பைக் திட்டத்தில் வடிவமைக்கப்பட்டிருக்கும் இந்த பைக்கின் தொழில்நுட்ப விபரங்களை அடுத்தடுத்த ஸ்லைடுகளில் காணலாம்.

மின் மோட்டார்

லைவ்வயர் திட்டத்தில் உருவாக்கப்பட்டுள்ள இந்த எலக்ட்ரிக் பைக்கில் 55 kW திறன் கொண்ட மின் மோட்டார் பொருத்தப்பட்டிருக்கிறது.

ரேஞ்ச்

இந்த பைக்கில் பொருத்தப்பட்டிருக்கும் 115 கிலோ எடை கொண்ட லித்தியம் அயான் பேட்டரி 85 கிமீ தொலைவு செல்வதற்கு மின்சாரத்தை வழங்கும்.

மோட்டார் பவர்

இந்த பைக்கில் பொருத்தப்பட்டிருக்கும் மின் மோட்டார் 74 எச்பி சக்தியையும், 70 என்எம் டார்க்கையும் வழங்கும். பிரம்மோ எம்பல்ஸ் ஆர் மற்றும் ஸீரோ எலக்ட்ரிக் பைக்குகளைவிட அதிக பவர் கொண்டதாக இருந்தாலும், அவற்றைவிட குறைவான டார்க்கை வழங்கும். பேட்டரியின் ரேஞ்ச்சும் குறைவுதான்.

பெர்ஃபார்மென்ஸ்

0- 60 கிமீ வேகத்தை 4 வினாடிகளில் எட்டிவிடும் திறன் கொண்ட இந்த புதிய எலக்ட்ரிக் பைக் மணிக்கு 150 கிமீ வேகம் வரை செல்லும் வகையில் கட்டுப்படுத்தப்பட்டிருக்கும்.

சார்ஜ் நேரம்

பேட்டரி முழுமையாக சார்ஜ் ஆவதற்கு 3.5 மணி நேரம் பிடிக்கும். ரீஜெனரேட்டிவ் பிரேக்கிங் என்ற ஆற்றல் சேமிப்பு தொழில்நுட்பமும் உள்ளது.

விற்பனைக்கு எப்போது?

இந்த லைவ்வயர் திட்டத்தில் வடிவமைக்கப்படும் இந்த முதல் ஹார்லி டேவிட்சன் எலக்ட்ரிக் பைக் 2016ம் ஆண்டில் விற்பனைக்கு வரும் என்று எதிர்பார்க்கப்படுகிறது.