இந்தியாவில் விற்பனைக்கு வந்தன பெனெல்லி பைக்குகள்: ரூ.2.83 லட்சம் முதல்...!!

மாடல்கள் விபரம்

பெனெல்லி டிஎன்டி 300, டிஎன்டி 600ஐ, டிஎன்டி 600ஜிடி, டிஎன்டி 899 மற்றும் டிஎன்டி ஆர் 1130 ஆகிய 5 மாடல்கள் இன்று இந்தியாவில் விற்பனைக்கு வந்துள்ளன.மேலும், பல புதிய மாடல்களை இந்தியாவில் இந்த ஆண்டில் விற்பனைக்கு கொண்டு வரவும் பெனெல்லி திட்டமிட்டுள்ளது.

எஞ்சின்

அதிகம் எதிர்பார்ப்பை ஏற்படுத்தியிருக்கும் பெனெல்லி டிஎன்டி 300 பைக்கில் 38.2 பிஎச்பி பவரை அளிக்கும் 2 சிலிண்டர் எஞ்சின் உள்ளது. 600சிசி மாடல்களில் 85 பிஎச்பி பவரை அளிக்கும் 4 சிலிண்டர் எஞ்சின் உள்ளது.

விலை விபரம்

டிஎன்டி 300 - ரூ. 2.83 லட்சம்

டிஎன்டி 600ஐ - ரூ. 5.15 லட்சம்

டிஎன்டி 600 ஜிடி - ரூ. 5.62 லட்சம்

டிஎன்டி 899 - ரூ. 9.48 லட்சம்

டிஎன்டி ஆர் 1130 - ரூ. 11.81 லட்சம்

இந்தியாவில் உற்பத்தி

இந்த பைக்குகள் முக்கிய பாகங்களாக இறக்குமதி செய்து டிஎஸ்கே மோட்டோவீல்ஸ் நிறுவனத்தின் ஆலையில் ஒருங்கிணைக்கப்பட்டு விற்பனை செய்யப்படும். இந்தியாவிலேயே அதிக அளவில் உதிரிபாகங்களை சப்ளை பெறுவதற்கு டிஎஸ்கே- பெனெல்லி கூட்டணி முடிவு செய்திருக்கிறது.

இலக்கு

இந்த ஆண்டு 3,000 பைக்குகளை உற்பத்தி செய்ய பெனெல்லி- டிஎஸ்கே கூட்டணி திட்டமிட்டுள்ளது. மேலும், நீண்ட கால வர்த்தக திட்டத்துடன் இந்திய மார்க்கெட்டில் கொள்கைகளை வகுத்துள்ளதாகவும் இந்த கூட்டணி தெரிவிக்கிறது.

ஷோரூம்கள்

டெல்லி, மும்பை, சென்னை மற்றும் பெங்களூர் உள்பட நாட்டின் 9 முக்கிய நகரங்களில் பெனெல்லி ஷோரூம்கள் திறக்கப்பட்டுள்ளன. இதைத்தொடர்ந்து, பிற முக்கிய நகரங்களிலும் ஷோரூம்கள் திறக்கும் பணிகளை தீவிரப்படுத்தியுள்ளது இந்த கூட்டணி.