இந்தியாவில் டுகாட்டி பைக் மாடல்களின் புதிய விலை விபரம் வெளியீடு

By Saravana

Published: Tuesday, June 23, 2015, 13:20 [IST]

இந்தியாவில் நேரடி வர்த்தகத்தை துவங்கியிருக்கும் டுகாட்டி பைக் நிறுவனம், தனது தயாரிப்புகளுக்கான புதிய விலை நிர்ணய பட்டியலை வெளியிட்டிருக்கிறது.

ரூ.6.74 லட்சம் முதல் ரூ.17.90 லட்சம் வரையிலான விலைப்பட்டியலில் டுகாட்டி பைக்குகள் விற்பனை செய்யப்பட உள்ளன. முழுமையான விலை விபரப்பட்டியல் மற்றும் கூடுதல் தகவல்களை ஸ்லைடரில் காணலாம்.

டீலர்கள்

டெல்லி, மும்பை, குர்கான் ஆகிய நகரங்களில் தற்போது மூன்று ஷோரூம்களை டுகாட்டி நிறுவனம் திறந்திருக்கிறது. இதுதவிர, பெங்களூர், புனே மற்றும் ஹைதராபாத் நகரங்களில் இந்த ஆண்டு இறுதிக்குள் ஷோரூம்களை திறக்க இருப்பதாக டுகாட்டி பைக் நிறுவனம் தெரிவித்துள்ளது. அடுத்த ஆண்டிற்குள் 13 டீலர்களை திறக்க திட்டமிட்டிருக்கிறது. எனவே, அடுத்த ஆண்டு சென்னையில் ஷோரூம் திறக்க டுகாட்டி திட்டமிட்டிருக்கிறது.

ஸ்க்ராம்ப்ளருக்கு வரவேற்பு

டெல்லியில் நடந்த அறிமுக நிகழ்ச்சியில் அனைத்து பைக் மாடல்களையும் இந்தியாவில் விற்பனை செய்ய இருப்பதாக தெரிவித்தது. இந்த நிலையில், டுகாட்டி ஸ்க்ராம்ப்ளர் மாடல்களுக்கு இந்தியாவில் அதிக வரவேற்பு இருப்பதாக அந்த நிறுவனம் இப்போது தெரிவித்துள்ளது.