ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர் விலை விவரங்கள் வெளியாகியது

By Ravichandran

Published: Saturday, July 9, 2016, 11:52 [IST]

ஹீரோ எலக்ட்ரிக் நிறுவனம், தாங்கள் தயாரித்து வழங்கும் லித்தியம் இயான் பேட்டரி பேக் கொண்ட ஹீரோ ஆப்டிமா டிஎக்ஸ் என்ற எலக்ட்ரிக் ஸ்கூட்டரை அறிமுகம் செய்கிறது. இதன் விலை விவரங்கள் தற்போது வெளியாகியுள்ளது.

ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர் குறித்த கூடுதல் தகவல்களை வரும் ஸ்லைடரில் தெரிந்து கொள்ளலாம்.

ஹீரோ ஆப்டிமா டிஎக்ஸ்...

ஹீரோ எலக்ட்ரிக் நிறுவனம் என்பது, ஹீரோ மோட்டோகார்ப் நிறுவனத்தின் எலக்ட்ரிக் வாகன பிரிவு ஆகும்.

இந்தியாவை மையமாக கொண்டு இயங்கும் ஹீரோ மோட்டோகார்ப் நிறுவனம், ஏராளமான வாகனங்களை வழங்கி வருகிறது.

இவற்றில், இந்திய வாகன சந்தைகளில், இந்தியாவின் முதல் லித்தியம் இயான் எலக்ட்ரிக் ஸ்கூட்டரான ஹீரோ ஆப்டிமா டிஎக்ஸ் என்ற எலக்ட்ரிக் ஸ்கூட்டரை ஹீரோ எலக்ட்ரிக் நிறுவனம் தயாரித்து வழங்குகிறது.

முக்கிய அனுகூலம்;

எலக்ட்ரிக் ஸ்கூட்டர் வைத்திருப்பதன் முக்கியமான அனுகூலமே, இதன் உரிமையாளர்கள், இதற்காக கூடுதல் ரெஜிஸ்ட்ரேஷன் கட்டணம் செலுத்த வேண்டிய அவசியம் இல்லை.

எலக்ட்ரிக் ஸ்கூட்டர் மற்றும் வாகனங்கள், கொடுக்கும் காசுக்கு நல்ல மதிப்பு கொண்ட பொருட்கள் ஆகும். மேலும், இவை தான் போக்குவரத்தின் வருங்காலம் ஆகும்.

லைசன்ஸ்;

மேலும், ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர் வாங்கும் வாடிக்கையாளர்களுக்கு, லைசன்ஸ் வைத்திருக்க வேண்டிய அவசியம் இல்லை.

இஞ்ஜின்;

ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர், அதி நவீன 48V லித்தியம் இயான் பேட்டரி பேக் கொண்டுள்ளது.

இதன் எலக்ட்ரிக் மோட்டார், 250 வாட் பிஎல்டிசி (250 Watt BLDC) அவுட்புட் திறன் கொண்டுள்ளது.

ரேஞ்ச்;

ஒரு முறை முழுமையாக சார்ஜ் செய்தால், இந்த ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர், 65 கிலோமீட்டர் என்ற அளவிலான ரேஞ்ச் வழங்கும்.

உச்சபட்ச வேகம்;

ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர், உச்சபட்சமாக ஒரு மணி நேரத்திற்கு 25 கிலோமீட்டர் வேகத்தில் செல்லும் திறன் கொண்டுள்ளது.

கிடைக்கும் வண்ணங்கள்;

ஹீரோ ஆப்டிமா டிஎக்ஸ் இ-பைக், அறிமுகம் செய்யப்படும் போது, புளு மற்றும் மெரூன் என 2 வண்ணங்களில் கிடைக்கிறது.

வரும் காலங்களில், விற்பனை மற்றும் டிமான்ட் பொருத்து, வேறு புதிய நிறங்களிலும், புதிய கிராஃபிக்ஸுடனும் அறிமுகம் செய்யப்பட வாய்ப்புகள் உள்ளது.

சிறப்பு அம்சங்கள்;

ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர், டியூப்லெஸ் டயர்கள், டெலஸ்கோப்பிக் சஸ்பென்ஷன், உயர்தர பேட்டரி மேனேஜ்மெண்ட் சிஸ்டம், மொபைல் சார்ஜிங் வசதி மற்றும் ஜிபிஎஸ் கம்பேட்டிபிளிட்டி உள்ளிட்ட பல்வேறு வசதிகளை கொண்டுள்ளது.

அறிமுகம்;

ஹீரோ ஆப்டிமா டிஎக்ஸ் எலக்ட்ரிக் ஸ்கூட்டர், எப்போது இந்தியாவில் அறிமுகம் செய்யப்படும் என்பது குறித்து அலுவல் ரீதியான தகவல்கள் எதையும் ஹீரோ மோட்டோகார்ப் நிறுவனம், இது வரை வெளியிடவில்லை.