மஹிந்திரா டூ வீலர்களை பேடிஎம் மூலம் ஆன்லைனில் வாங்கலாம்

முதல் தயாரிப்பு;

மஹிந்திரா டூ வீலர்ஸ் நிறுவனம், அதன் ஆன்லைன் பிரான்ட் ஸ்டோர் மூலம் முதன் முதலாக மோஜோ பைக்கை விற்பனை செய்ய துவங்கியுள்ளது.

ஆன்லைன் புக்கிங்;

வாடிக்கையாளர்கள், இனி தங்களின் மஹிந்திரா மோஜோ பைக்கை, தங்களின் வசதி மற்றும் விருப்பத்திற்கு ஏற்ப, வீடு அல்லது அலுவலத்தில் இருந்து புக்கிங் செய்து கொள்ளலாம். இதற்கான பேமன்ட்-டை கிரெடிட் கார்ட் அல்லது டெபிட் கார்ட் மூலம் மேற்கொள்ளலாம்.

சிறப்பு சலுகை;

மஹிந்திரா மோஜோ பைக்கை, தற்போது பேடிஎம் மூலம் வாங்கும் வாடிக்கையாளர்களுக்கு, அறிமுக சலுகையாக ஒரு மேக்னேட்டிக் டேங்கு பேக் வழங்க்கப்படுகிறது.

புக்கிங் தொகை;

மஹிந்திரா மோஜோ பைக்கை, பேடிஎம் மூலம் வாங்க 20,000 ரூபாய் புக்கிங் தொகையாக வசூலிக்கப்படுகிறது.

கிடைக்கும் நிறங்கள்;

மஹிந்திரா மோஜோ பைக், சார்கோல் பிளாக், வால்கேனோ ரெட் மற்றும் கிலேஷியர் வைட் ஆகிய 3 நிறங்களில் கிடைக்கிறது.

விற்பனை செய்யப்படாத பைக்;

மஹிந்திரா டூ வீலர்ஸ் நிறுவனம், ஆச்சர்யமூட்டும் வகையில், மஹிந்திரா மோஜோ அட்வென்ச்சர் பைக்கை பேடிஎம் மூலம் விற்பனை செய்யாமல் உள்ளனர்.

இஞ்ஜின்;

மஹிந்திரா மோஜோ பைக்கிற்கு சிங்கிள் சிலிண்டர் உடைய 295 சிசி லிக்விட் கூல்ட் இஞ்ஜின் கொண்டுள்ளது. இந்த இஞ்ஜின், 26.45 பிஹெச்பியையும், 30 என்எம் டார்க்கையும் வெளிப்படுத்தும் திறன் உடையதாக உள்ளது.

கியர்பாக்ஸ்;

மஹிந்திரா மோஜோ பைக்கின் இஞ்ஜின், 6-ஸ்பீட் கியர்பாக்ஸுடன் இணைக்கப்பட்டுள்ளது.

மைலேஜ்;

மஹிந்திரா மோஜோ பைக், ஒரு லிட்டருக்கு 36 கிலோமீட்டர் மைலேஜ் வழங்கும் வகையிலான திறன் கொண்டுள்ளதாக மஹிந்திரா நிறுவனம் தெரிவிக்கிறது.

சிறப்பு அம்சங்கள்;

மஹிந்திரா மோஜோ பைக், பிரெல்லி டையாப்லோ ரோஸ்ஸோ II டயர்கள், டிஜிட்டல் / அனாலாக் இன்ஸ்ட்ரூமென்ட் கன்சோல், ட்வின் எக்ஸ்ஹாஸ்ட் சிஸ்டம், தலைகீழாக பொருத்தப்பட்ட பிரன்ட் போர்க்குகள் மற்றும் ட்வின் பாட ஹெட்லேம்ப்கள் உள்ளிட்ட அம்சங்கள் கொண்டுள்ளது.

போட்டி;

மஹிந்திரா மோஜோ பைக்கிற்கு நேரடி போட்டி போல் இந்தியாவில் எந்த வாகனமும் இல்லை. எனினும் ஹோண்டா சிபிஆர்250ஆர் மற்றும் கேடிஎம் 390 டியூக் மாடல்கள் இதற்கு போட்டி போல் விளங்குகிறது.

விலை;

மஹிந்திரா மோஜோ பைக், 1.73 லட்சம் ரூபாய் என்ற (எக்ஸ்-ஷோரூம் பூனே) விலையில் விற்கப்படுகிறது.

பிற சுவாரஸ்யமான செய்திகள்;

விரிவாக்கப்பட்ட பனாமா கால்வாய் திறப்பு.... அதன் வரலாறும், சுவாரஸ்யங்களும்... !!

உலகின் முதல் பறக்கும் காருக்கு அங்கீகாரம் கிடைத்தது... போக்குவரத்தில் புதிய அத்தியாயம்!

நடிகை சமந்தா பொக்கிஷமாக கருதும் அவரது ஜாகுவார் காரின் சிறப்பம்சங்கள்!