சுஸுகி ஜிக்சர் 250 அல்லது புதிய சுஸுகி ஜிஎஸ்எக்ஸ்-ஆர்250 மோட்டார்சைக்கிள் விரைவில் அறிமுகம்

அறிமுகம்;

ஜப்பானிய சேர்ந்த சுஸுகி மோட்டார்சைக்கிள்ஸ் நிறுவனம், இந்த குவார்டர்-லிட்டர் மோட்டார்சைக்கிள்களை அக்டோபர் அல்லது நவம்பர் மாதத்தில் அறிமுகம் செய்யபப்டும் என தகவல்கள் வெளியாகிறது. சுஸுகி நிறுவனம், தங்களின் புதிய 250 சிசி மோட்டார்சைக்கிளை அறிமுகம் செய்ய தயாராகி வருவதாக செய்திகள் வெளியாகின்றன. இந்த ஜிக்சர் 250 மோட்டார்சைக்கிள், அக்டோபர் மாதத்தில் நடைபெறும் இன்டர்மாட் மோட்டார்சைக்கிள் நிகழ்ச்சியிலோ (INTERMOT Motorcycle fair) அல்லது நவம்பரில் நடைபெறும் இஐசிஎம்ஏ ஆட்டோ ஷோவில் அறிமுகம் செய்யலாம்.

Image Courtesy: Rushlane

உயர்அதிகாரி கருத்து;

சுஸுகி ஆஸ்திரேலியாவின் உயர்அதிகாரி லூயிஸ் கிராஃப்ட், சுஸுகி ஜிக்சர் 250 அல்லது புதிய சுஸுகி ஜிஎஸ்எக்ஸ்-ஆர்250 மோட்டார்சைக்கிள்களை, இந்த இன்டர்மாட் மோட்டார்சைக்கிள் நிகழ்ச்சி மற்றும் நவம்பரில் நடைபெறும் இஐசிஎம்ஏ ஆட்டோ ஷோவிலும் அறிமுகம் செய்யும் என தெரிவித்தார்.

பேடன்ட் படங்கள்;

சுஸுகியின் புதிய மோட்டார்சைக்கிளின் பேடன்ட் (காப்புரிமை) படங்கள், ஆஸ்திரேலியாவில் வெளியாகியுள்ளது. இதனால், சுஸுகி ஜிஎஸ்எக்ஸ்-ஆர்250 மோட்டார்சைக்கிள் முதலில் ஆஸ்திரேலியாவில் வெளியாகலாம்.

இந்தியாவில் மாற்றுபெயர்;

முழுவதுமாக ஃபேரிங் செய்யப்பட்ட சுஸுகி ஜிஎஸ்எக்ஸ்-ஆர்250 மோட்டார்சைக்கிள், இந்தியாவில் அறிமுகம் செய்யப்படும் போது, ஜிக்சர் 250 என பெயரிடப்படலாம்.

எதிர்பார்ப்பு;

சுஸுகி ஜிஎஸ்எக்ஸ்-ஆர்250 மோட்டார்சைக்கிள், இந்தியாவில் 250 சிசி முதல் 300 சிசி செக்மென்ட் டூ வீலர்களில், சுஸுகிக்கு என தனி இடத்தை பிடிக்க உதவும் என எத்ரிபார்க்கப்படுகிறது.

விற்பனைக்கு அறிமுகம்;

சுஸுகி ஜிஎஸ்எக்ஸ்-ஆர்250 மோட்டார்சைக்கிள், 2017 அறிமுகம் செய்யப்படலாம். இவை, இந்தியாவில் 2017 மத்தியில் அறிமுகம் செய்யப்படலாம்.

இதர தகவல்கள்;

சுஸுகி ஜிக்சர் 250 மோட்டார்சைக்கிளின் ஃபிரேம், இந்தியாவில் விற்கப்படும் ஜிக்சர் 150 மாடலை அடிப்படையாக கொண்டு வடிவமைக்கப்பட்டுள்ளது. ஸ்போர்ட் டூரர் என அடையாளப்படுத்தப்படும் இந்த சுஸுகி ஜிக்சர் 250, 24 பிஹெச்பி முதல் 27 பிஹெச்பி வரையிலான பவரை வெளிப்படுத்தும்.

போட்டி;

சுஸுகி ஜிக்சர் 250 மோட்டார்சைக்கிள், ஹோண்டா சிபிஆர்250ஆர் மற்றும் கேடிஎம் ஆர்சி200 ஆகிய மாடல்களுடன் போட்டி போட வேண்டி இருக்கும்.

பிற சுவாரஸ்யமான செய்திகள்;

நடிகர் அஜீத் லம்போர்கினி சூப்பர் கார் வாங்கப்போவதாக பரபரப்பு!

மறக்க முடியாத ஹூண்டாய் சான்ட்ரோ கார் பற்றிய தெரியாத தகவல்கள்!

ஜெயம் ரவிக்கு பிறந்தநாள் பரிசாக கிடைத்த ஹார்லி டேவிட்சன் பைக்!