ஹோண்டா 2017 டியோ: நிறம், வலிமை, புதுமை எல்லாம் எக்ஸ்ட்ரா... எக்ஸ்ட்ரா...

மத்தியரசின் உத்தரவு படி சுற்றுச்சூழலுக்கு தீங்கு விளைவிக்காத பி.எஸ். 4 எஞ்சின், எல்லா நேரமும் இயங்கும் அட்டொமேட்டிக் முகப்பு விளக்கு தொழில்நுட்பம் (Automatic Headlights On) போன்றவற்றுடன் புதிய டியோ ஸ்கூட்டர் வடிவமைக்கப்பட்டுள்ளது.

இந்திய சந்தையில் டியோ ஸ்கூட்டர் அதிக வரவேற்பை பெற்றுள்ளது, அதை மேலும் விரிவுப்படுத்தும் வகையில் மஞ்சள், ஈர்ப்புள்ள ஆரஞ்ச், ஸ்போர்ட்ஸ் ரெட், மெட்டாலிக் க்ரே மற்றும் கேடி ஜாஸ் ப்ளூ ஆகிய நிறங்களில் தற்போது புதிய டியோ அறிமுகமாகியுள்ளது. இதனால் இந்த மோட்டோ- ஸ்கூட்டர் முன்பை விட பார்க்க அசத்தலாக உள்ளது.

முன்பில்லாத அதிக நிறங்களில் டியோ வெளிவர காரணம், இந்திய சந்தையில் டியோவிற்கான வாடிக்கையாளர்களாக இளம் தலைமுறையினரை தான் ஹோண்டா நினைக்கிறது. அவர்களின் தற்போதையே தேவைகளையும், விருப்பங்களையும் நன்றாக ஆராய்ந்து பிறகே புதிய டியோவை நிறத்தில் கூட மேம்படுத்தப்பட்டுள்ளது.

109.1சிசி-ல் உருவாக்கப்பட்டுள்ள இதன் எஞ்சின், 8 பி.எச்.பி பவர் மற்றும் 8.91 என்.எம் டார்க் திறனை வழங்கும். ஆற்றலை சக்கரத்துக்கு எடுத்துச் செல்ல சிவிடி ஆட்டோ கியர்பாக்ஸ் சேர்க்கப்பட்டுள்ளது. 103 கிலோ கிராம் கொண்ட டியோவில் சிபிஎஸ் என்கிற காம்பி பிரேக்கிங் சிஸ்டம் இடம்பெற்றுள்ளது.

பார்க்க அசத்தலாகவும், உருவாக்கத்தில் எளிமையும் கொண்டுள்ள புதிய டியோவிற்கு போட்டியாக இந்திய சந்தையில் யமஹா நிறுவனத்தின் ரேஸர் ஸ்கூட்டர் பார்க்கப்படுகிறது.

இரண்டு தயாரிப்புகளுமே ஒரே முகப்பு விளக்கு மாடல்களைக் கொண்டுள்ளதான் காரணமாக அதுவே, டியோ மற்றும் ரேஸருக்கு போட்டியாக அமையலாம் என ஆட்டோமொபைல் வல்லுநர்கள் தெரிவிக்கின்றனர்.

யமஹா ரேஸர், ஹோண்டா டியோவிற்கு போட்டியாக இருந்தாலும், தற்போது மேம்படுத்த வடிவில் அதிக நிறங்களைக்கொண்டு டியோ வெளியாகியிருப்பது சந்தையில் அதற்கான பலத்தை இன்னும் கூட்டியுள்ளது.