கவாஸாகியின் புதிய Z650 இந்திய சந்தையில் விற்பனைக்கு அறிமுகம்!

கவாஸாகி ஸ்டீர்ஃபைட்டர் Z650 பைக்குடன், நின்ஜா 300 மற்றும் நின்ஜா 650 மோட்டார் சைக்கிள்களும் அறிமுகம் செய்யப்பட்டன.

கவாஸாகி Z650 மோட்டார் சைக்கிளில் உற்றுநோக்க வேண்டிய மாற்றம் என்றால், கவாஸாகி நிறுவனத்தின் நேக்கட் ஸ்டைலில் Z சீரிஸில் வெளியான புதிய மாடலாகவும் Z650 பைக் உள்ளது.

கவாஸாகியின் மற்றொரு தயாரிப்பான சுகோமி மோட்டார் சைக்கிளின் வடிவம் கொண்டு Z650 பைக் தயாரிக்கப்பட்டுள்ளது.

6-ஸ்பீடு கியர்பாக்ஸ் பொருத்தப்பட்டுள்ள Z650 பைக்கில், மத்திய அரசின் அறிவிப்பிற்கு ஏற்றவாறு சுற்றுச்சுழலை பாதிக்காத பி.எஸ்.4 தொழில்நுட்பத்தில் இயங்கும் முறையில் எஞ்சின் வடிவமைக்கப்பட்டுள்ளது.

Z650 பைக், 649சிசி-ல் இணைந்து செயல்படும் பேரலல் ட்வின் எஞ்சினைக் கொண்டுள்ளது. இது 67 பி.எச்.பி பவர் மற்றும் 65.7 டார்க் திறனை வழங்கும். வாடிக்கையாளர்களுக்கு இதை விட குறைந்த அளவிலான செயல்திறனில் எஞ்சின் பயன்பாடும் வேண்டுமென்றாலும் அதற்கு ஏற்றவாறு, Z650 பைக் தயாரிக்கப்படும் என கவாஸாகி நிறுவனம் தெரிவித்துள்ளது.

டெலஸ்கோபிக்கல் ஃபோர்க்ஸ் உள்ள Z650 பைக்கின் சஸ்பென்ஷன் திறன் வண்டியை ஓட்டும்போது நேரடியாகவே உணர முடியும்.

தானாக இயங்கும் திறன் கொண்ட ஏ.பி.எஸ் பிரேக்குகளுடன் தயாரிக்கப்பட்டுள்ள Z650 மோட்டார் சைக்கிள், பெனல்லி டி.என்.டி 600ஐ ஏ.பி.எஸ், ஹோண்டா சி.பி.ஆர் 650எஃப் ஆகிய மோட்டார் சைக்கிளுக்கு போட்டியாக இந்திய சந்தியில் இன்று களம் கண்டுள்ளது.