புதிய தோற்றத்தில் மாடிஃபை செய்யப்பட்ட பஜாஜ் டோமினார்400 பைக்!

கடந்த ஆண்டு டிசம்பர் மாதம் அறிமுகப்படுத்தப்பட்ட டோமினார்400, கவர்ச்சிகரமான தோற்றத்தினாலும், குறைந்த விலைக்கு மிகுந்த சிறப்புகள் பொருந்திய பைக்காக மக்களிடம் அபிமானத்தை பெற்று வருகிறது.

சென்னையை சேர்ந்த மாடிஃபிகேசன் நிறுவனத்தார், டோமினார்400 பைக்கை தற்போது மேலும் மெருகேற்றியுள்ளனர். முற்றிலும் மாற்றியமைக்கப்படாவிட்டாலும் தோற்றத்தில் மட்டும் கவர்ச்சியை கூட்டியுள்ளனர்.

டோமினார்400க்கு புதிய பெயிண்டிங் தந்துள்ளனர். பொதுவாக டோமினார் வெள்ளை, மிட்நைட் ப்ளூ மற்றும் டிவைலைட் பிளம் என 3 வண்ணங்களில் தான் கிடைக்கிறது. ஆனால் இதனை மெட்டாலிக் புளூ என்ற வண்ணம் தந்து அட்டகாசப்படுத்தியுள்ளனர்.

இதன் சீட்டும் மாறுதல் செய்யப்பட்டுள்ளது, முகப்பு விளக்கு யூனிட் முழுவதும் கார்பன் ஃபைபர் ஃபினிஷ் செய்யப்பட்டுள்ளது. இதன் பிரேக் காலிபருக்கு சிவப்பு நிறத்தில் ஷேட் தந்துள்ளனர். பின்புறம் உள்ள எல்ஈடி விளக்குக்கு, கருப்பு நிற ஷேட் தரப்பட்டுள்ளது. மொத்தத்தில் இதன் வெளிப்புறம் புதிய லுக் பெற்றுள்ளது.

டாமினோரின் வெளிப்புறம் மட்டுமே மெருகேற்றபட்டுள்ளது. பஜாஜ் டோமினார்400-ல், சிங்கிள் சிலிண்டர் கொண்ட 373சிசி லிக்விட் கூல்டு இஞ்சின் உள்ளது. இது அதிகபட்சமாக 35 பிஹச்பி ஆற்றலை வெளிப்படுத்தும் திறன் கொண்டதாகும்.