புதிய திட்டங்கள், புதிய தளங்கள்... எதிர்காலத்தை நோக்கி நகரும் ராயல் என்ஃபீல்டு..!!

இதற்கிடையில் அந்நிறுவனத்தின் நிர்வாக தலைவர் சித்தார்த் லால் பைக்குகளுக்கான மூன்று புதிய பிளாட்ஃபாரம்களை ராயல் என்ஃபீல்டு உருவாக்கி வருவதாக தெரிவித்துள்ளார்.

ஏற்கனவே விற்பனையில் உள்ள பைக் மாடல்களை மேம்படுத்தப்படுவதற்காக இந்த மூன்று புதிய தளங்களை ராயல் என்ஃபீல்டு கட்டமைத்து வருவதாக சித்தார்த் லால் கூறினார்.

சுற்றுச்சூழலை பாதிக்காத புதிய செயல்பாடுகளுடன் மற்றும் சுற்றுச்சூழலை பாதிக்காத வகையில் இந்த 3 தளங்களின் பயன்பாடுகள் உருவாக்கப்பட உள்ளன.

சமீபத்தில் ராயல் என்ஃபீல்டு நிறுவனம் முற்றிலும் புதிய 650சிசி திறன் பெற்ற பேரலல் ட்வின் எஞ்சினை அதன் இங்கிலாந்து தொழில்நுட்ப மையத்தில் வெளியிட்டது.

ஹிமாலயன் உட்பட ராயல் என்ஃபீல்டு பைக்குகளிலும் இந்த எஞ்சின் இடம்பெறும் என்று கூறப்பட்டுள்ளது.

650சிசி திறன் பேரலல் ட்வின் எஞ்சின், ஏர் / ஆயில் கூல்டு வசதியை பெற்றிருக்கும். மேலும் இதன்மூலம் அதிகப்பட்சமாக 46 பிஎச்பி பவர் மற்றும் 52 என்.எம் டார்க் திறன் கிடைக்கும்.

Trending On Drivespark:

இ.ஐ.சி.எம்.ஏ மிலன் மோட்டார் கண்காட்சியில், ராயல் என்ஃபீல்டு தனது புதிய பைக்குகளை காட்சிப்படுத்தியது.

ட்வின் பேரலல் எஞ்சினை பெற்றுள்ள இந்த மாடல்கள் ஐரோப்பா சந்தையில் 2018 ஏப்ரல் முதல் விற்பனைக்கு வருகின்றன.

Recommended Video

[Tamil] Triumph Street Triple RS Launched In India - DriveSpark

இவற்றை தவிர மின்சார மோட்டார் சைக்கிள்களை உருவாக்குவதிலும் ராயல் என்ஃபீல்டு ஆர்வமாக உள்ளதாக சித்தார்த் லால் தெரிவித்துள்ளார்.

அதற்குரிய செயல்பாடுகளில் அடுத்த 5 அல்லது 7 ஆண்டுகளுக்கு கவனம் செலுத்தவுள்ளதாக அவர் கூடுதலாக கூறியுள்ளார்.

எதிர்கால வாகன உலகை நோக்கி தொடர்ந்து பல்வேறு செயல்பாடுகளை ராயல் என்ஃபீல்டு நிறுவனம் முன்னெடுத்து வருகிறது.

ஹிமாலயன் 650சிசி உட்பட இன்னும் இரண்டு மேம்படுத்தப்பட்ட்ட பைக்குகளை ராயல் என்ஃபீல்டு இந்தியாவில் வெளியிடும் என்று எதிர்பார்க்கப்படுகிறது.