இந்தியாவில் ராயல் என்பீல்டு ஹிமாலயன் பைக் ரூ.1.6 லட்சத்தில் விற்பனைக்கு அறிமுகம்

பொதுவாகவே ராயல் என்ஃபீல்டு நிறுவனத்தின் தயாரிப்புகளை முன்பதிவு செய்தால் அவை வாடிக்கையாளர்களுக்கு வந்து சேர கிட்டத்தட்ட இரண்டு மாத காலம் வரை ஆகும். அதுபோன்ற நிலை இனி இருக்ககூடாது என்பதை குறிக்கோளகக்கொண்டு ராயல் என்ஃபீல்டு இந்திய சந்தையில் செயல்படவுள்ளது.

டெல்லியை பொருத்தவரை ஹிமாலயன் மோட்டார் சைக்கிளின் விலை 1.78 லட்சம் ரூபாயில் விற்கப்படுகிறது. தற்போதைய நாட்களில் முன்பதிவு செய்தால் மே மாதம் 2வது வாரத்தில் வாடிக்கையாளருக்கு டெலிவிரி செய்யப்படும் என ராயல் என்ஃபீல்டு நிறுவனம் தகவல் வெளியிட்டுள்ளது.

இந்திய சந்தையில் மிகப்பெரிய எதிர்பார்ப்பை ஏற்படுத்தியுள்ள ஹிமாலயன் மோட்டார் சைக்கிள், ஆன் ரோடு மற்றும் ஆஃப் ரோடு என இருவேறு சாலைகளிலும் ஓட்டக்கூடிய தரத்தில் உருவாக்கப்பட்டுள்ளது. சமீபத்தில் உச்சநீதி மன்றத்தின் உத்தரவுப்படி, ஓட்டுநரின் பாதுகாப்பு மற்றும் சுற்றுச்சூழல் பாதுகாப்பு ஆகியவற்றை உறுதிசெய்யும் விதத்தில் பைக்கின் தயாரிப்புகள் உள்ளன.

411சிசி திறன் கொண்ட சிங்கிள்-சிலிண்டர் லாங் ஸ்ட்ரோக் எஞ்சின் ராயல் என்ஃபீல்டு ஹிமாலயன் மோட்டார் சைக்கிளில் பொருத்தப்பட்டுள்ளது. இந்த எஞ்சின் 24.5 பி.எச்.பி பவர் மற்றும் 32 என்.எம் டார்க் ஆற்றலை வெளிப்படுத்தும். மேலும் இரண்டு மாதங்கள் கழித்து ஆண்டி பிரேக் சிஸ்டம் கொண்ட ஹிமாலயன் மாடல்களை ராயல் என்ஃபீல்டு தயாரிக்கலாம் என்று எதிர்பார்க்கப்படுகிறது.

மார்ச் மாதத்தில் ஹிமாலயன் மோட்டார் சைக்கிளை இந்தியாவில் ராயல் என்ஃபீல்டு நிறுவனம் அறிமுகப்படுத்தியது. அப்போது ரூ. 1.55 லட்சமாக இருந்த இதன் விலை, பி.எஸ்.3 எஞ்சினுக்கு உச்சநீதி மன்றம் விதித்த தடை காரணமாக, அனைத்து பைக்குகளிலும் பி.எஸ். 4 எஞ்சின் பொருத்தப்பட்டு, ரூ.1.6 லட்சமாக ஹிமாலயன் பைக்கின் விலை உயர்த்தப்பட்டுள்ளது.

ராயல் என்ஃபீல்டு தயாரிப்புகளுக்கான அத்தனை அம்சங்களும் இதில் இடம்பெற்றிருக்கின்றன. இயந்திரவியல் செயல்பாடுகளை பொருத்தளவில் எந்த மாற்றத்தையும் கொண்டுயில்லாமல், வடிவமைப்பில் மட்டும் சில மாற்றங்களை ஹிமாலயன் மோட்டார் சைக்கிளில் மேற்கொள்ளப்பட்டுள்ளது.

இந்தியாவில் ராயல் என்பீல்டு ஹிமாலயன் மோட்டார் சைக்கிளின் விற்பனை பட்டியல்.