பிஎஸ்4 தரத்தில் மேம்படுத்தப்பட்ட புதிய டிவிஎஸ் ஸ்டார் சிட்டி பிளஸ் பைக் ரூ.44,300 விலையில் அறிமுகம்.

மேம்படுத்தப்பட்ட புதிய ஸ்டார் சிட்டி பிளஸ் பைக்கை டிவிஎஸ் நிறுவனம் அறிமுகப்படுத்தியுள்ளது. அது குறித்த தகவல்களை காணலாம்.

By Arun

Published: Monday, April 24, 2017, 19:13 [IST]

பாரத் ஸ்டேஜ்-4 தரத்தில் மேம்படுத்தப்படுத்தப்பட்ட ஸ்டார் சிட்டி பிளஸ் பைக்கினை டிவிஎஸ் நிறுவனம் அறிமுகப்படுத்தியுள்ளது.

மேம்படுத்தப்பட்ட 2017 டிவிஎஸ் ஸ்டார் சிட்டி பிளஸ் பைக் அறிமுகம்!

டிவிஎஸ் நிறுவனத்தின் முத்திரை பதித்த மாடலான ஸ்டார் சிட்டி பைக்கின் வழித்தோன்றலே ஸ்டார் சிட்டி பிளஸ் பைக்காகும்.

முதல்முறையாக 2014ஆம் ஆண்டில் டெல்லியில் நடந்த ஆட்டோ கண்காட்சியில் ஸ்டார் சிட்டி பிளஸ் பைக்கை காட்சிப்படுத்தியது டிவிஎஸ் நிறுவனம்.

தற்போது புதிய தோற்றத்தில், கூடுதல் சிறப்பு அம்சங்களுடன், எலெக்ட்ரிக் ஸ்டார்ட் வசதியுடன் மேம்படுத்தப்பட்டு வெளிவந்துள்ளது புதிய ஸ்டார் சிட்டி பிளஸ் பைக்.

இதில் இடம்பெற்றுள்ள புதிய அம்சங்களை தொடர்ந்து காணலாம்.

மத்திய அரசு புதிதாக கொண்டுவந்துள்ள விதிமுறைகள்படி இந்த பைக்கில் புதிய ஆட்டோமேடிக் ஹெட்லைட்டுகள் இடம்பெற்றுள்ளன.

புதிய அலாய் வீல்கள், கலர் செய்யப்பட்ட ஷாக் அப்சார்பர்கள், கிளியர் லென்ஸ் இண்டிகேட்டர், நம்பர் பிளேட் இல்லுமினேட்டர்.

டிஜிட்டல் இன்ஃபர்மேஷன் டிஸ்பிளே, அனலாக் ஸ்பீடோமீட்டருடன் கூடிய புதிய இன்ஸ்ட்ருமெண்ட் கிளஸ்டர் இதிக் கொடுக்கப்பட்டுள்ளது.

புதிய டிவிஎஸ் ஸ்டார் சிட்டி பிளஸ் பைக்கின் முன்புரம் ஹைடிராலிக் டெலஸ்கோபிக் ஃபோர்க், பின்புறம் 5 வகையில் மாற்றியமைத்துக்கொள்ளும் வசதியுடன் அட்ஜஸபிள் டூயல் ஷாக் அப்சார்பர் தரப்பட்டுள்ளது.