Click it and Unblock the Notifications
மேட் ஃபினிஷுடன் யமஹாவின் புதிய பைக், ஸ்கூட்டர் மாடல்கள் அறிமுகம்!
பண்டிகை காலத்தையொட்டி, விசேஷ பைக், ஸ்கூட்டர் மாடல்களை யமஹா நிறுவனம் அறிமுகம் செய்துள்ளது. அதன் விபரங்களை பார்க்கலாம்.
பண்டிகை காலத்தையொட்டி, வாடிக்கையாளர்களை கவர்ந்திழுக்கும் விதத்தில் கூடுதல் சிறப்பு அம்சங்களுடன் கார், பைக்குகளின் ஸ்பெஷல் எடிசன் மாடல்கள் அறிமுகம் செய்யப்பட்டு வருகின்றன. அந்த வகையில், யமஹா நிறுவனமும் தனது பைக் மற்றும் ஸ்கூட்டர் மாடல்களின் கூடுதல் சிறப்பம்சம் கொண்ட மாடல்களை அறிமுகம் செய்துள்ளது.
'டார்க் நைட்' என்ற பெயரில் இந்த சிறப்பு பதிப்பு மாடல்கள் விற்பனைக்கு வந்துள்ளன. யமஹா எஃப்இசட்- எஸ் எஃப்ஐ, சல்யூட்டோ ஆர்எக்ஸ் மற்றும் சிக்னஸ் ரே இசட்ஆர் டிஸ்க் பிரேக் ஸ்கூட்டர் ஆகியவற்றில் இந்த சிறப்பு பதிப்பு மாடல்கள் வந்துள்ளன.
இந்த டார்க் நைட் சிறப்பு பதிப்பு மாடல்களில் கருப்பு வண்ண மேட் ஃபினிஷ் தரத்தில் கிடைக்கும். அத்துடன் க்ரோம் பாகங்கள் மூலமாக அலங்கரிக்கப்பட்டு இருக்கிறது.
Recommended Video
யமஹா எஃப்இசட் எஸ்- எஃப்ஐ மாடலின் டார்க் நைட் பைக்கில் அதிகபட்சமாக 13 பிஎச்பி பவரையும், 12.8 என்எம் டார்க் திறனையும் வழங்கும் 149சிசி எஞ்சின் பொருத்தப்பட்டு இருக்கிறது. 5 ஸ்பீடு கியர்பாக்ஸ் கொடுக்கப்பட்டு இருக்கிறது.
யமஹா சல்யூட்டோ ஆர்எக்ஸ் டார்க் நைட் மாடலில் 7.37 பிஎச்பி பவரையும், 8.5 என்எம் டார்க் திறனையும் வழங்கும் 110சிசி எஞ்சின் பொருத்தப்பட்டு இருக்கிறது. இந்த மாடலில் 4 ஸ்பீடு கியர்பாக்ஸ் பொருத்தப்பட்டு இருக்கிறது.
யமஹா சிக்னஸ் ரே இசட்ஆர் டார்க் நைட் டிஸ்க் பிரேக் மாடலில் 7.10 பிஎச்பி பவரையும், 8.1 என்எம் டார்க் திறனையும் வழங்கும் 113சிசி எஞ்சின் பொருத்தப்பட்டு இருக்கிறது. இந்த மாடலில் வி பெல்ட் ஆட்டோமேட்டிக் கியர்பாக்ஸ் பொருத்தப்பட்டு இருக்கிறது.
புதிய யமஹா எஃப்இசட்- எஸ் எஃப்ஐ பைக்கின் டார்க் நைட் எடிசன் மாடல் ரூ.84,012 எக்ஸ்ஷோரூம் விலையிலும், சலூட்டோ ஆர்எக்ஸ் பைக்கின் டார்க் நைட் எடிசன் மாடல் ரூ.48,721 எக்ஸ்ஷோரூம் விலையிலும் கிடைக்கும். யமஹா சிக்னஸ் ரே இசட்ஆர் டிஸ்க் பிரேக் வசதி கொண்ட டார்க் நைட் ஸ்கூட்டர் ரூ.56,898 எக்ஸ்ஷோரூம் விலையில் கிடைக்கும்.
Continue with Google