ராயல் என்ஃபீல்டு இன்டர்செப்டார் 650 மோட்டார்சைக்கிளின் ஸ்பை படங்கள்!

சென்னை ஒரகடத்தில் அமைந்துள்ள சர்வதேச ஆட்டோமொபைல் ஆராய்ச்சி மையத்தின் அருகில் புதிய ராயல் என்ஃபீல்டு இன்டர்செப்டார் 650 மோட்டார்சைக்கிள் சோதனை செய்யப்பட்டபோது, இந்த ஸ்பை படங்கள் எடுக்கப்பட்டுள்ளன.

ராயல் என்ஃபீல்டு நிறுவனத்தின் மிகவும் சக்திவாய்ந்த புதிய மோட்டார்சைக்கிள் மாடலாகவும், புதிய டிசைனிலும் வருவதால், அதிக எதிர்பார்ப்பு இருக்கிறது.

இதன் இரட்டைப் பிறவியாக வர்ணிக்கப்படும் கான்டினென்டல் ஜிடி 650 மோட்டார்சைக்கிளும் இதனுடன் அறிமுகம் செய்யப்பட இருக்கிறது. ஆனால், அந்த மாடல் உடன் சோதனை செய்யப்படவில்லை.

இந்த புதிய இன்டர்செப்டார் 650 மோட்டார்சைக்கிளில் பொருத்தப்பட்டு இருக்கும் 650சிசி எஞ்சின் அதிகபட்சமாக 47 பிஎச்பி பவரையும், 52 என்எம் டார்க் திறனையும் வழங்கும். இந்த மோட்டார்சைக்கிளில் 6 ஸ்பீடு கியர்பாக்ஸ் இருப்பதுடன், ஸ்லிப்பர் க்ளட்ச் வசதியும் கொடுக்கப்பட்டு இருக்கிறது.

பட்ஜெட் க்ரூஸர் மோட்டார்சைக்கிள் மார்க்கெட்டில் ராயல் என்ஃபீல்டு கொடி கட்டி பறக்கிறது. இந்த நிலையில், இந்த புதிய இன்டர்செப்டார் 650 மோட்டார்சைக்கிள் புதிய வாடிக்கையாளர் வட்டத்தை ஏற்படுத்தி தரும் என்று நம்பலாம்.