4 சிலிண்டர்கள் கொண்ட 250 சிசி நின்ஜா பைக்... கவாஸாகி களமிறக்குகிறது!!

ஜப்பானை சேர்ந்த கவாஸாகி நிறுவனம் நின்ஜா வரிசையில் பல்வேறு சக்திவாய்ந்த ஸ்போர்ட்ஸ் பைக் மாடல்களை விற்பனை செய்து வருகிறது. இந்தநிலையில், நின்ஜா வரிசையில் புத்தம் புதிய மாடலை அறிமுகம் செய்ய அந்த நிறுவனம் திட்டமிட்டுள்ளது.

இந்த புதிய நின்ஜா பைக் 4 சிலிண்டர்கள் கொண்ட 250 சிசி எஞ்சினுடன் வருவதுதான் இப்போது பைக் பிரியர்களின் எதிர்பார்ப்பை எகிற செய்துள்ளது. வரும் அக்டோபர் மாதம் நடைபெற இருக்கும் டோக்கியோ சர்வதேச மோட்டார் கண்காட்சியில் இந்த புதிய பைக் காட்சிக்கு கொண்டுவரப்பட இருப்பதாக தகவல்கள் தெரிவிக்கின்றன.

அடுத்த ஆண்டு துவக்கத்தில் இந்தோனேஷியாவிலும் அறிமுகம் செய்யப்பட இருக்கிறது. இதைத்தொடர்ந்து, இந்தியாவில் இந்த புதிய பைக் அறிமுகம் செய்யப்படும் வாய்ப்பு இருப்பதாக கருதப்படுகிறது.

இந்த பைக்கின் தொழில்நுட்ப விபரங்கள் குறித்து இதுவரை எந்த தகவலும் இல்லை. ஆனால், இந்த பைக்கில் இருக்கும் 249 சிசி லிக்யூடு கூல்டு பேரலல் ட்வின் எஞ்சின் அதிகபட்சமாக 39 பிஎச்பி பவரையும், 23.5 என்எம் டார்க் திறனையும் வெளிப்படுத்தும். மேலும், இந்த பைக் யூரோ-6/ பிஎஸ்-6 மாசு உமிழ்வு தரத்திற்கு இணையாதாக இருக்கும்.

புதிய கவாஸாகி நின்ஜா 250 சிசி பைக்கில் முழுவதுமான எல்இடி ஹெட்லைட்டுகள் மற்றும் டெயில் லைட்டுகள் கொடுக்கப்ப்டடு இருக்கும். முழுமையான டிஜிட்டல் இன்ஸ்ட்ரூமென்ட் க்ளஸ்ட்டர் பயன்படுத்தப்பட இருக்கிறது.

முன்புறத்தில் அப்சைடு டவுன் ஃபோர்க்குகளும், பின்புறத்தில் மோனோ ஷாக் அப்சார்பரும் இடம்பெற்றிருக்கும். ரைடு பை ஒயர் தொழில்நுட்பத்துடன் இந்த பைக் வர இருக்கிறது. இரண்டு சக்கரங்களுக்குமான டியூவல் சேனல் ஏபிஎஸ் பிரேக்கிங் சிஸ்டமும் இடம்பெற இருக்கிறது.

புதிய கவாஸாகி நின்ஜா இசட்எக்ஸ்-25ஆர் பைக்கின் விலை நிர்ணயம் குறித்து பல்வேறு யூகங்கள் இருக்கின்றன. ஆனால், தற்போது இந்தியாவில் விற்பனையில் இருக்கும் நின்ஜா 300 பைக்கைவிட விலை அதிகமாக நிர்ணயிக்கப்படும்.

தற்போது கவாஸாகி நின்ஜா 300 பைக் இந்தியாவில் ரூ.2.98 லட்சத்தில் விற்பனை செய்யப்படுகிறது. அடுத்த ஆண்டு முதல் பாதியில் இந்த புதிய பைக்கை இந்தியாவில் எதிர்பார்க்கலாம்.

Note: Images for representation purpose only.

Source: 7leopold7