புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின்... ஓட்டுபவரை பரவசத்தில் ஆழ்த்துமாம்!

புதிய தலைமுறை மல்டிஸ்ட்ரேடா பைக் அடுத்த மாதம் அறிமுகம் செய்யப்பட உள்ள நிலையில், இந்த பைக்கிற்காக உருவாக்கப்பட்டு இருக்கும் புத்தம் புதிய எஞ்சின் மற்றும் அதன் விபரங்களை டுகாட்டி நிறுவனம் இன்று நடந்த சிறப்பு நிகழ்ச்சியில் அதிகாரப்பூர்வமாக வெளியிட்டுள்ளது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

பிரிமீயம் வகை அட்வென்ச்சர் டூரர் பைக் மார்க்கெட்டில் டுகாட்டி மல்டிஸ்ட்ரேடா மிகச் சிறந்த தேர்வாக இருந்து வருகிறது. உலக அளவில் இந்த பைக்கிற்கு அதிக ரசிகர்களும் உண்டு. இந்த நிலையில், வாடிக்கையாளர்களின் எதிர்பார்ப்பையும், இந்த பைக்கின் அந்தஸ்தையும் அடுத்த கட்டத்திற்கு கொண்டு செல்லும் வகையில் புதிய தலைமுறை மாடலாக உருவாக்கப்பட்டு இருக்கிறது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

புதிய டுகாட்டி மல்டிஸ்ட்ரேடா வி4 என்ற பெயரில் வர இருக்கும் இந்த புதிய மாடலுக்காக வி4 க்ரான்டூரிஷ்மோ என்ற பெயரில் வரும் 4ந் தேதி அறிமுகம் செய்யப்பட இருக்கிறது. இந்த நிலையில், இந்த பைக்கிற்காக விசேஷ அம்சங்களுடன் கூடிய புதிய எஞ்சின் உருவாக்கப்பட்டு இருக்கிறது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

புதிய டுகாட்டி வி4 க்ரான்டூரிஷ்மோ பைக்கில் நான்கு சிலிண்டர்கள் கொண்ட 1,158 சிசி 90 டிகிரி கோணத்தில் பொருத்தப்பட்ட எஞ்சின் இடம்பெறுகிறது. இந்த எஞ்சின் அதிகபட்சமாக 170 எச்பி பவரையும், 125 என்எம் டார்க் திறனையும் வழங்க வல்லது. 6 ஸ்பீடு கியர்பாக்ஸ் இணைக்கப்பட்டுள்ளது. இந்த புதிய எஞ்சின் யூரோ-5 மாசு உமிழ்வு தர விதிகளுக்கு இணையானது. டுகாட்டி குயிக் ஷிஃப்ட் வசதி மூலமாக கியர்களை மிக எளிதாக கூட்டி குறைக்கும் வாய்ப்பு இருக்கிறது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

இந்த புதிய எஞ்சின் மிகவும் இலகு எடை கொண்டதாகவும், அடக்கமான வடிவத்தில், அதி செயல்திறனை வழங்குவதற்கும், அதிக முறுக்கு விசையை கொணர்வதற்குமான தொழில்நுட்பத்துடன் உருவாக்கப்பட்டுள்ளது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

ஒரு சிறந்த சாகச பைக்கிற்கு தேவையான அம்சங்களை மனதில் கொண்டு உரிமையாளர் எங்கு வேண்டுமானாலும் எந்த சமரசமும் இல்லாமல் செல்வதற்கான இந்த எஞ்சின் உருவாக்கப்பட்டுள்ளதாக டுகாட்டி தெரிவித்துள்ளது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

இந்த பைக் எஞ்சினின் மிக முக்கியமான சிறப்பம்சமாக 60,000 கிலோமீட்டர் தூரத்திற்கு ஒருமுறை மட்டுமே முக்கிய பராமரிப்புப் பணிகள் தேவைப்படும் என்று டுகாட்டி தெரிவித்துள்ளது. இதற்கு தக்கவாறு, அதி உயர்வகை உதிரிபாகங்கள் மற்றும் வடிவமைப்பு தொழில்நுட்பம் பயன்படுத்தப்பட்டு இருப்பதாக அந்நிறுவனம் பெருமிதம் தெரிவித்துள்ளது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

இந்த புதிய எஞ்சின் தவிர்த்து, புதிய மல்டிஸ்ட்ரேடா வி4 பைக்கிற்கான அடாப்டிவ் க்ரூஸ் கன்ட்ரோல் சிஸ்டத்தையும் டுகாட்டி வெளியிட்டுள்ளது. பாஷ் நிறுவனத்துடன் இணைந்து இந்த புதிய தொழில்நுட்பத்தை உருவாக்கி இருக்கிறது. இதற்காக பைக்கின் முன்புறத்தில் ஒரு ரேடார் கருவியும், பின்புறத்தில் ஒரு ரேடார் சாதனமும் பொருத்தப்படும்.

குறிப்பு: மாதிரி படம் கொடுக்கப்பட்டுள்ளது.

புதிய டுகாட்டி மல்டிஸ்ட்ரேடா பைக்கிற்கு புத்தம் புதிய எஞ்சின் - முழு விபரம்!

முன்புறத்தில் உள்ள ரேடார் கருவி மூலமாக பைக்கின் முன்னால் செல்லும் வாகனங்களின் வேகம் உள்ளிட்டவற்றை தொடர்ந்து கண்காணித்து அதற்கு தக்கவாறு பைக்கின் வேகத்தை கூட்டிக் குறைத்துக் கொள்ளும். பின்னால் இருக்கும் ரேடார் மூலமாக பின்னால் வரும் வாகனங்களின் வேகம், நெருக்கமாக வரும் அபாயம் குறித்து ஓட்டுபவருக்கு எச்சரிக்கை வழங்கும்.

குறிப்பு: மாதிரி படம் கொடுக்கப்பட்டுள்ளது.

Most Read Articles

மேலும்... #டுகாட்டி #ducati
English summary
Italian super bike maker, Ducati has revealed the new Multistrada V4 Granturismo engine and new radar tech for the new generation Multistrada V4 ADV bike.
Story first published: Thursday, October 15, 2020, 19:30 [IST]
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X