ஃபோர்ஸா ஸ்கூட்டர்களுக்கே டஃப் கொடுக்கும் தோற்றத்தில் ஹோண்டாவின் புதிய மேக்ஸி-ஸ்கூட்டர்!!

ஹோண்டா இந்தியா நிறுவனம் அதன் பிசிஎக்ஸ் ஸ்கூட்டர்களை இந்தியாவிற்கு கொண்டுவர பல மாதங்களாக திட்டமிட்டு வருகிறது. ஏனெனில் பிசிஎக்ஸ் ஸ்கூட்டர்களின் தோற்றத்திற்கு நம் நாட்டில் பரவலான ரசிகர்கள் உள்ளனர்.

இருப்பினும் தயாரிப்பு நிறுவனத்தில் இருந்து இந்த ஸ்கூட்டர்களின் இந்திய வருகை குறித்த எந்தவொரு உறுதியான அறிவிப்பும் வெளிவரவில்லை. ஆனால் நிச்சயம் பிசிஎக்ஸ் 160 ஸ்கூட்டர், அடுத்தடுத்த மேக்ஸி ஸ்கூட்டர்களை இந்தியாவிற்கு கொண்டுவர ஹோண்டா இந்தியா நிறுவனத்திற்கு உந்துதலாக இருக்கும்.

ஹோண்டாவின் பிசிஎக்ஸ் குடும்பத்தில் சமீபத்தில் இணைந்துள்ள பிசிஎக்ஸ்160 ஸ்கூட்டரில் 156சிசி, சிங்கிள்-சிலிண்டர் 4-வால்வு என்ஜின் பொருத்தப்பட்டுள்ளது. பழைய 149சிசி, 2-வால்வு என்ஜினிற்கு மாற்றாக இந்த என்ஜின் கொண்டுவரப்பட்டுள்ளது.

என்ஜின் சுத்திகரிப்பு நிச்சயம் அட்வான்ஸ்டு வால்வ்ட்ரெயின் தொழிற்நுட்பத்துடன் செயல்திறனில் மேம்படுத்தப்பட்டிருக்கும். இதன் விளைவாக என்ஜின் வெளிப்படுத்தக்கூடிய ஆற்றல் அளவுகள் 1.41 பிஎஸ் மற்றும் 1.8 என்எம் அதிகரித்து 16.31 பிஎஸ் மற்றும் 15 என்எம் ஆக கொண்டுவரப்பட்டுள்ளது.

தற்போது ஜப்பானில் விற்பனைக்கு அறிமுகமாகியுள்ள இந்த மேக்ஸி-ஸ்கூட்டரில் ஹோண்டா தேர்ந்தெடுக்கக்கூடிய டார்க் கண்ட்ரோல் மற்றும் சிங்கிள்-சேனல் ஏபிஎஸ் ஓட்டுனரின் உதவிக்காக வழங்கப்பட்டுள்ளது.

இவற்றுடன் சஸ்பென்ஷன் போன்ற ஸ்கூட்டரின் மற்ற இயந்திர பாகங்களிலும் சிறிய அளவிலான மாற்றங்கள் கொண்டுவரப்பட்டுள்ளன. பிசிஎக்ஸ் 160-ன் தோற்றம் குறிப்பிட்டு சொல்லும் அளவிற்கு புதியதாக எதையும் கொண்டிருக்கவில்லை. வழக்கமாக ஹோண்டா மேக்ஸி-ஸ்கூட்டர்கள் கொண்டிருப்பவைவற்றையே கொண்டுள்ளது.

ஜப்பானில் இந்த ஹோண்டா ஸ்கூட்டர் 2021 ஜனவரி மாதத்தின் இறுதியில் இருந்து விற்பனையை துவங்கவுள்ளது. இந்தியாவில் இந்த ஸ்கூட்டர் அறிமுகமாகலாம், யாருக்கு தெரியும். ஆனால் இந்தியாவில் ஹோண்டா ஃபோர்ஸா 350 மேக்ஸி-ஸ்கூட்டர் அடுத்ததாக வெளிவரவுள்ளது என்பது மட்டும் எங்களுக்கு தெரியும்.