முன்பதிவு அடுத்த சில நாட்களில் பைக் வீட்டில் இருக்கும்!! ஹைனெஸ் 350 பைக்கின் டெலிவிரியில் அசத்தும் ஹோண்டா!

இந்த 2020ஆம் வருடத்தில் நடந்த எதிர்பாராத அறிமுகங்களில் ஹோண்டா ஹைனெஸ் 350 பைக்கின் அறிமுகமும் ஒன்று எனலாம். இந்திய இளைஞர்கள் மத்தியில் மிகுந்த வரவேற்பை பெற்றுவரும் ஹோண்டாவின் இந்த 350சிசி மோட்டார்சைக்கிள் இதுவரையில் மட்டுமே 4000 யூனிட்கள் விற்பனை செய்யப்பட்டுள்ளது.

இவ்வளவு வேகமாக வாடிக்கையாளர்களை பெற்றுவரும் புதிய ஹைனெஸ் சிபி350 மோட்டார்சைக்கிள் தற்சமயம் ஹோண்டாவின் பிக்விங் ஷோரூம்களில் விற்பனை செய்யப்பட்டு வருகிறது. இந்த சிபி350 பைக்கின் அறிமுகத்தின்போது பிக்விங் ஷோரூம்களின் எண்ண்க்கை வெறும் 5 ஐந்தாக இருந்தது.

ஆனால் ஹைனெஸ் பைக்கிற்கு வரவேற்பு அதிகரிப்பதை தொடர்ந்து இந்த ஷோரூம்களின் எண்ணிக்கையை ஹோண்டா நிறுவனம் அதிகரித்துள்ளது. ஹோண்டா நிறுவனம் இந்த 350சிசி பைக்கை ராயல் என்பீல்டின் சமீபத்திய அறிமுகமான மீட்டியோர் 350க்கு போட்டியாக களமிறக்கியுள்ளது.

மீட்டியோர் 350 பைக்கை முன்பதிவு செய்தவர்களுக்கான காத்திருப்பு காலம் 4 மாதங்கள் வரையில் தற்சமயம் உள்ளது. ஆனால் ஹோண்டா ஹைனெஸ் சிபி350 பைக் முன்பதிவு செய்யப்பட்டதற்கு மிக மிக விரைவாகவே டெலிவிரி செய்யப்பட்டு விடுகிறது.

ராயல் என்பீல்டு மீட்டியோர் 350 பைக்கில் இருந்து வாடிக்கையாளர்கள் ஹோண்டாவின் புதிய 350சிசி பைக்கிற்கு செல்வதற்கு காரணங்களுள் இதுவும் ஒன்று. ஏனெனில் இளைஞர்களின் ஆர்வத்தை குறைக்காமல் அவர்கள் எதிர்பார்ப்பதற்கு உள்ளாகவே சிபி350 பைக்கை பிக்விங் டீலர்ஷிப்கள் வீட்டிற்கு அனுப்பிவிடுகின்றன.

இந்த ஹோண்டா பைக்கின் டிஎல்எக்ஸ் ப்ரோ வேரியண்ட்டை நீலத்துடன் இரட்டை நிறத்தில் வாங்குபவர்கள் மட்டுமே அதிகப்பட்சமாக 1 மாதம் வரையில் காத்திருக்க வேண்டிய நிலை உள்ளது. அதுவும் வெறும் ஒரு மாதம்தான்.

ஹோண்டா ஹைனெஸ் சிபி350 பைக்கில் 348சிசி, சிங்கிள்-சிலிண்டர், ஏர்-கூல்டு என்ஜின் 5-ஸ்பீடு ட்ரான்ஸ்மிஷன் உடன் வழங்கப்படுகிறது. இந்த என்ஜின் அதிகப்பட்சமாக 21 பிஎச்பி மற்றும் 30 என்எம் டார்க் திறனை வெளிப்படுத்தும் ஆற்றல் கொண்டதாக உள்ளது.

முழு-எல்இடி விளக்குகள், ஹசார்ட் விளக்குகள், ஹோண்டா செலக்டபிள் டார்க் கண்ட்ரோல் மற்றும் ஹோண்டாவின் ப்ளூடூத் ஸ்மார்ட்போன் குரல் கட்டுப்பாட்டு தொழிற்நுட்பத்தை ஸ்லிப் & அசிஸ்ட் க்ளட்ச் உடன் வழங்கப்படுகின்ற ஹைனெஸ் சிபி350 பைக்கின் ஆரம்ப எக்ஸ்ஷோரூம் விலை தற்சமயம் ரூ.1.85 லட்சமாக உள்ளது.