இந்த கவாஸாகி பைக் இந்தியாவிற்கு வந்தால் ராயல் என்பீல்டு பைக்குகள் எல்லாம் காலி!! பைக்கின் பெயர் மெகுரோ கே3...

கவாஸாகி நிறுவனம் 1937ல் இருந்து 1960 வரையில் மெகுரோ மோட்டார்சைக்கிள்களை விற்பனை செய்துள்ளது. ஆனால் அதன்பின் அவை 1964ல் கவாஸாகி ஹெவி இண்டஸ்ட்ரீஸ்-ஆல் நிறுத்தப்பட்டுவிட்டன.

இந்த பழமையான பெயர்பலகை தான் தற்போது மீண்டும் கொண்டுவரப்பட்டுள்ளது. மெகுரோ மோட்டார்சைக்கிள்கள் அந்த காலத்தில் மிக பிரபலமான கவாஸாகி தயாரிப்புகளாக விளங்கியுள்ளதால், புதிய மெகுரா கே3, அப்போதைய மெகுரோ முத்திரையுடன் வடிவமைக்கப்பட்டுள்ளது.

பைக்கின் வட்ட வடிவிலான ஹெட்லேம்ப், டெயில்லேம்ப் மற்றும் டர்ன்-சிக்னல் இண்டிகேட்டர்களில் பழமையான தொடுதல்கள் மின்னுகின்றன. இருப்பினும் இரட்டை-பேட் செமி-டிஜிட்டல் இன்ஸ்ட்ட்ரூமெண்ட் க்ளஸ்ட்டர் போன்ற மாடர்ன் வசதிகளும் வழங்கப்பட்டுள்ளன.

கவாஸாகி மெகுரோ கே3 பைக்கில் ஏர்-கூல்டு, இணையான-இரட்டை சிலிண்டர், எஸ்ஒஎச்சி 773சிசி என்ஜின் வழங்கப்பட்டுள்ளது. அதிகப்பட்சமாக 6500 ஆர்பிஎம்-ல் 51 பிஎச்பி மற்றும் 4800 ஆர்பிஎம்-ல் 62 என்எம் டார்க் திறனை வெளிப்படுத்தக்கூடிய இந்த என்ஜின் உடன் ட்ரான்ஸ்மிஷனுக்கு 5-ஸ்பீடு கியர்பாக்ஸ் இணைக்கப்பட்டுள்ளது.

வழக்கமான ஸ்விங்-ஆர்ம் செட்அப் உடன் இரட்டை-தொட்டில் ஃப்ரேம் உபயோகித்து தயாரிக்கப்பட்டுள்ள இந்த மோட்டார்சைக்கிளின் மொத்த எடை 277 கிலோ மற்றும் பெட்ரோல் டேங்கின் கொள்ளளவு 15 லிட்டர் ஆகும். இருக்கை அமைப்பு ஒற்றை துண்டாகவும், பைக்கை சுற்றிலும் பல பகுதிகளில் க்ரோமும் வழங்கப்பட்டுள்ளன.

சஸ்பென்ஷன் அமைப்பாக முன்பக்கத்தில் வழக்கமான 41மிமீ டெலிஸ்கோபிக் ஃபோர்க்கும், பின்பக்கத்தில் இரட்டை-ஷாக் செட்அப்-மும் கொடுக்கப்பட்டுள்ளன. ப்ரேக்கிங் பணியினை கவனிக்க முன் & பின் சக்கரங்களில் முறையே 320மிமீ மற்றும் 270மிமீ-களில் டிஸ்க் ப்ரேக்குகள் உள்ளன.

பேனல்கள் அதிகளவில் இன்றி நாக்டு மோட்டார்சைக்கிளான கவாஸாகி மெகுரோ கே3 பைக்கில் இரட்டை-சேனல் ஏபிஎஸ் மற்றும் பல நிலை கொண்ட ட்ராக்‌ஷன் கண்ட்ரோல் சிஸ்டம் போன்ற எலக்ட்ரானிக் ரைடர் தொகுப்புகளும் வழங்கப்பட்டுள்ளன.

கவாஸாகி நிறுவனம் இந்த பைக்கை ஜப்பானில் 2021ஆம் ஆண்டின் பிப்ரவரி மாதத்தில் விற்பனைக்கு கொண்டுவரும் என எதிர்பார்க்கப்படுகிறது. மற்றப்படி இந்தியா உள்பட மற்ற வெளிநாட்டு சந்தைகளுக்கு மெகுரோ கே3-இன் வருகை குறித்த எந்த தகவலும் தயாரிப்பு நிறுவனத்தில் இருந்து இதுவரை வெளியிடப்படவில்லை.