சுஸுகியின் 2021ஆம் ஆண்டிற்கான 650சிசி அட்வென்ச்சர் பைக்!! நம் நாட்டு இளைஞர்களுக்குதான் கொடுத்து வைக்கல

சுஸுகி வி-ஸ்ட்ரோம் 650 எக்ஸ்டி அட்வென்ச்சர் பைக்கில் 2021ஆம் ஆண்டிற்கான அப்கிரேட்டாக சாம்பியன் மஞ்சள் எண்.2 என்ற பெயரில் புதிய நிறத்தேர்வு வழங்கப்பட்டுள்ளது.

சுஸுகியின் தனித்துவமான டிஆர்-பிக் ராலி மோட்டார்சைக்கிளினால் கவரப்பட்டு பெறப்பட்டுள்ள இந்த நிறத்தேர்வில் பைக்கின் பெரும்பான்மையான பகுதிகள் கருப்பு நிறத்தில் காட்சியளிக்கிறது. ஆனால் அதேநேரம் பெட்ரோல் டேங்கில் மஞ்சள் மற்றும் நீல நிறங்களை பார்க்க முடிகிறது.

வயர்-ஸ்போக் சக்கரங்களின் ரிம்கள் தங்க நிறத்தில் பெயிண்ட் செய்யப்பட்டுள்ளது. இந்தியாவில் விற்பனையில் உள்ள சுஸுகி வி-ஸ்ட்ரோம் 650 எக்ஸ்டி பைக் மாடலின் டாப் வேரியண்ட்டாக அதன் அட்வென்ச்சர் வெர்சன் விளங்குகிறது.

ஸ்டாண்டர்ட் மாடலில் இருந்து வேறுபடுவதற்காக வி-ஸ்ட்ரோம் 650 எக்ஸ்டி அட்வென்ச்சர் பைக்கில் பெரிய க்ராஷ் பாதுகாப்பான், அலுமினிய பன்னீர்களின் இணை, ஹேண்டில் பார் ப்ரேஸ், நீட்டிக்கப்பட்ட கண்ணாடி மற்றும் செண்டர் ஸ்டாண்ட் உள்ளிட்டவை வழங்கப்படுகின்றன.

ஆனால் என்ஜின் அமைப்பு அனைத்து சுஸுகி வி-ஸ்ட்ரோம் 650 எக்ஸ்டி வேரியண்ட்டிற்கும் ஒன்றே. இதனால் இந்த 2021 அட்வென்ச்சர் பைக்கிலும் அதே யூரோ-5க்கு இணக்கமான 645சிசி, இணையான-இரட்டை என்ஜின்தான் தொடர்ந்துள்ளது.

இந்த என்ஜின் அதிகப்பட்சமாக 70 பிஎச்பி மற்றும் 62 என்எம் டார்க் திறனை வெளிப்படுத்தும் வகையில் வழங்கப்படுகிறது. 2021 சுஸுகி வி-ஸ்ட்ரோம் 650 எக்ஸ்டி அட்வென்ச்சர் பைக் விரைவில் சர்வதேச சந்தைகளை சென்றடையவுள்ளது.

ஆனால் இந்தியாவிற்கு இந்த அட்வென்ச்சர் பைக் வருகை தருவதற்கு வாய்ப்புகள் குறைவே. அதற்கு பதிலாக வழக்கமான வி-ஸ்ட்ரோம் 650 எக்ஸ்டி பைக்கிற்கு கூடுதல் ஆக்ஸஸரீகளை நம் நாட்டில் சுஸுகி நிறுவனம் வழங்கும் என எதிர்பார்க்கப்படுகிறது.