உங்களுக்கான பைக்கை உங்க விருப்பம்போல் மாத்திக்கலாம்... சிறப்பு சேவையை தொடங்கிய பிரபல நிறுவனம்! எது தெரியுமா?

பிரிட்டிஷ் நாட்டை மையமாகக் கொண்டு இயங்கும் ட்ரையம்ஃப் நிறுவனம், வாடிக்கையாளர்களைக் கவரும் விதமாக ஓர் சிறப்பு அறிவிப்பை வெளியிட்டிருக்கின்றது. வாடிக்கையாளர்கள் தங்களுக்கான இருசக்கர வாகனத்தை தாங்களே சிறப்பு அணிகலன்கள் மூலம் தனி பயனாக்கம் (customization) செய்து கொள்ளலாம் என அறிவித்திருக்கின்றது.

இந்திய இளைஞர்களைக் கவரும் வகையில் இதுகுறித்த அறிவிப்பை இன்று (டிசம்பர் 8) ட்ரையம்ஃப் நிறுவனம் இந்தியாவில் வெளியிட்டுள்ளது. இந்த நிறுவனம் இருசக்கர வாகனங்களை பரந்தளவு தேர்வில் வழங்கி வருகின்றது. இதைப் போலவே அதற்கான சிறப்பு அணிகலன்களையும் எக்கச்சக்கமாக விற்பனைக்கு வழங்கி வருகின்றது. இவற்றையே தங்களுக்கேற்பவாறு தங்களின் பைக்குகளில் சேர்த்துக் கொள்ளலாம் என அறிவிப்பு வெளியிடப்பட்டுள்ளது.

இதற்காக ட்ரையம்ஃப் நிறுவனத்தின் அதிகாரப்பூர்வ வலைதள பக்கம் மற்றும் செல்போன் செயலியில் வசதி ஏற்படுத்தப்பட்டடிருக்கின்றது. ஆகையால், ஷோரூமிற்கு செல்லாமலேயே ஆன்லைன் ஊடாக வாடிக்கையாளர்கள் தங்களுக்கான இருசக்கர வாகனத்தைத் தாங்களே மாற்றியமைத்துக் கொள்ளலாம். பைக்குகளுக்காக 160க்கும் மேற்பட்ட தனித்துவமான அக்ஸசெரீஸ்களை இந்த நிறுவனம் வழங்கி வருவது குறிப்பிடத்தகுந்தது.

அவை பைக்கையும், ரைடையும் மிகவும் உற்சாகமானதாக மாற்ற உதவும். டிஜிட்டல் முறையில் தனி பயனாக்கம் செய்கின்றபோது வெவ்வேறு விதமான கூறுகளைக் கொண்டு நமக்கான பைக்கை நம்மால் அலங்கரிக்க முடியும். எது பொருந்துகின்றது, எது பொருந்தவில்லை என்பதையும் மிக தெளிவாக நம்மால் காண முடியும். எனவேதான் சிறப்பு வசதியை ஆன்லைனில் ட்ரையம்ஃப் ஏற்படுத்திக் கொடுத்துள்ளது.

ட்ரையம்ஃப் நிறுவனம், பன்முக ஸ்டைல் கொண்ட இருசக்கர வாகனங்களை விற்பனைக்கு வழங்கி வருகின்றது. அந்தவகையில், கிளாசிக், அட்வென்சர் மற்றும் மாடர்ன் உள்ளிட்ட பல ரக மோட்டார்சைக்கிள்களை அது விற்பனைக்கு வழங்கி வருவது.

மேலும், விற்பனைச் செய்யும் அனைத்து இருசக்கர வாகனங்களுமே பிரீமியம் ரக மோட்டார்சைக்கிள்களாக மட்டுமே காட்சியளிக்கின்றன. ஆகையால், தொழில்நுட்ப வசதிகள் மற்றும் சிறப்பு அம்சங்களுக்கு குறைச்சலின்றி ட்ரையம்ஃப் பைக்குகள் காட்சியளிக்கின்றன.

இம்மாதிரியான சூழ்நிலையிலேயே தங்களுக்கான பைக்கை மேலும் சுவாரஷ்யமானதாக மாற்றும் விதமாக புதிய கஸ்டமைசேஷன் தேர்வை ட்ரையம்ஃப் வெளியிட்டிருக்கின்றது. இதனடிப்படையில், தங்களின் பைக்கிற்கான நிறத்தைக் கூட தாங்களே தேர்வு செய்து கொள்ளலாம்.

இவ்வாறு, அனைத்தும் தனிப் பயனாக்கம் செய்யப்பட்ட பின்னர் அந்த வாகனத்திற்கான விண்ணப்பத்தை ஆன்லைன் வாயிலாக கொடுக்கலாம். இதனை சில செயல்முறைகளுக்கு பின்னர் வாடிக்கையாளர்களுக்கு வழங்குவதற்கான பணியை விற்பனையாளர் மேற்கொள்வார்.