Just In
- 2 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 3 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 4 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 4 hrs ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- Movies Pa Vijay: ஒரேயொரு சூரியன் மாதிரி.. ஒரேயொரு அப்படிபோடு பாடல்.. பா. விஜய் உற்சாகம்!
- Lifestyle சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- News திண்டுக்கல்-பொள்ளாச்சி பஸ் பெயர் பலகையையில் என்ன "ஓடிச்சி" பாருங்க.. தலைசுற்றிப்போன மக்கள்
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
மலிவு விலை எலெக்ட்ரிக் ஸ்கூட்டரை அறிமுகம் செய்த ஹோண்டா! ஆனா நம்ம நாட்ல இல்ல! எங்கு தெரிஞ்சா பொறாமைப்படுவீங்க!
ஹோண்டா நிறுவனம் அதன் எலெக்ட்ரிக் ஸ்கூட்டரை ஒன்றை குறைந்த விலையில் விற்பனைக்கு அறிமுகம் செய்துள்ளது. அது எந்த நாட்டில் என்பது பற்றிய தகவலையும், ஸ்கூட்டரின் விலை பற்றிய தகவலையும் இப்பதிவில் காணலாம், வாங்க.
ஹோண்டா நிறுவனம் புதிதாக யு-கோ (U-GO) எனும் ஓர் புதுமுக எலெக்ட்ரிக் ஸ்கூட்டரை அறிமுகம் செய்திருப்பதாக தகவல்கள் வெளியாகியுள்ளன. தனது மற்றுமொரு இருசக்கர வாகன உற்பத்தி நிறுவனமான உயாங் (Wuyang) எனும் சீன நிறுவனத்தின் வாயிலாக இந்த வாகனத்தை ஹோண்டா அறிமுகம் செய்திருக்கின்றது.
நகர பயன்பாட்டைக் கருத்தில் கொண்டு இந்த எலெக்ட்ரிக் ஸ்கூட்டர் உருவாக்கப்பட்டுள்ளது. ஆகையால், இலகு ரக எடை, சிறந்த திறன் வெளிப்பாடு மற்றும் சூப்பர் வசதிகள் என பல சிறப்பம்சங்களை யு-கோ எலெக்ட்ரிக் ஸ்கூட்டர் பெற்றிருக்கின்றது.
இரு விதமான தேர்வுகளில் இந்த எலெக்ட்ரிக் ஸ்கூட்டர் அறிமுகம் செய்யப்பட்டுள்ளது. அதிக வேகம் கொண்ட மாடல் மற்றும் குறைந்த வேகம் கொண்ட மாடல் என இரு விதமான தேர்வுகளிலேயே அது அறிமுகமாகியிருக்கின்றன. ஹோண்டா யு-கோ எலெக்ட்ரிக் ஸ்கூட்டரில் 1.2kW தர மின் மோட்டார் பயன்படுத்தப்பட்டிருக்கின்றது.
இது அதிகபட்சமாக 1.8kW வரையிலன திறனை வெளியேற்றும். இது டாப் ஸ்பீடு மாடலில் இடம் பெற்றிருக்கும் மின் மோட்டாரின் திறனாகும். இந்த மின் மோட்டார் மணிக்கு 53 கிமீ எனும் வேகத்தில் செல்லக் கூடியது. இதன் குறைந்த வேக தேர்வில் 800W மின் மோட்டார் பயன்படுத்தப்பட்டுள்ளது.
இந்த மின் மோட்டார் அதிகபட்சமாக 1.2 kW திறனை வெளியேற்றும். இதன் டாப் ஸ்பீடு மணிக்கு 43 கிமீ வேகம் ஆகும். இந்த எலெக்ட்ரிக் ஸ்கூட்டர்களில் 48V மற்றும் 30Ah லித்தியம் அயன் பேட்டரி பயன்படுத்தப்பட்டிருக்கின்றது. இது கழட்டி மாட்டிக் கொள்ளும் வசதிக் கொண்டது.
இதனை ஒரு முறை முழுமையாக சார்ஜ் செய்தால் 65 கிமீ தூரம் வரை பயணிக்க முடியும். இந்த திறனை 130 கிமீ தூரம் வரை அப்கிரேட் செய்து கொள்ள முடியும். கூடுதலாக ஓர் பேட்டரியை இணைப்பதன் வாயிலாக இந்த திறனை உயர்த்திக் கொள்ள முடியும்.
இதுமட்டுமில்லைங்க இன்னும் பல சிறப்பம்சங்களும் யு-கோ எலெக்ட்ரிக் ஸ்கூட்டரில் இடம் பெற்றிருக்கின்றன என்பது குறிப்பிடத்தகுந்தது. எல்சிடி திரை (ஸ்பீடு, சார்ஜ் அளவு, இடைவெளி மற்றும் ரைடிங் மோட் போன்ற பல்வேறு முக்கிய தகவல்களை இது வழங்கும்), எல்இடி மின் விளக்கு, இருக்கைக்கு அடியில் மிகப் பெரிய ஸ்டோரேஜ் என பல்வேறு சிறப்பு வசதிகள் வழங்கப்பட்டிருக்கின்றன.
இது ஓர் 26 லிட்டர் கொள்ளளவு கொண்ட ஸ்டோரேஜ் ஆகும். இதைத் தொடர்ந்து, இருசக்கர வாகனத்தின் சிறந்த இயக்கத்திற்காக 12 இன்ச் வீல் முன் பக்கத்திலும், 10 இன்ச் வீல் பின்பக்கத்திலும் சேர்க்கப்பட்டிருக்கின்றன. இவையிரண்டுமே அலாய் வீல்களாகும்.
இந்த பன்முக சிறப்பு வசதிகளைக் கொண்ட எலெக்ட்ரிக் ஸ்கூட்டரை ஹோண்டா நிறுவனம் தற்போது பிரத்யேகமாக சீன எலெக்ட்ரிக் ஸ்கூட்டர் சந்தையில் மட்டுமே விற்பனைக்கு அறிமுகம் செய்துள்ளது. இதற்கு அந்நாட்டு மதிப்பில் 7,799 யுவான் என நிர்ணயிக்கப்பட்டுள்ளது.
இது இந்திய மதிப்பில் ரூ. 85 ஆயிரம் ஆகும். இந்த மிக மிகக் குறைந்த விலையிலேயே ஹோண்டாவின் யு-கோ எலெக்ட்ரிக் ஸ்கூட்டர் சீனாவில் விற்பனைக்குக் களமிறங்கியிருக்கின்றது. சீனாவைத் தொடர்ந்து இன்னும் சில நாடுகளிலும் எலெக்ட்ரிக் ஸ்கூட்டைர விற்பனைக்குக் களமிறக்க ஹோண்டா திட்டமிட்டுள்ளது.
ஆனால், அது எந்த நாட்டில் விற்பனைக்குக் களமிறக்கும் என்பது பற்றிய அதிகாரப்பூர்வ தகவல் இன்னும் வெளியிடப்படவில்லை. விரைவில் இதுகுறித்த தகவல் வெளியாகும் என எதிர்பார்க்கப்படுகின்றது. மிக முக்கியமாக சீனாவிற்கு அடுத்ததாக மேற்கத்திய நாடுகளில் இந்த ஸ்கூட்டர் அறிமுகம் செய்யப்படும் என எதிர்பார்க்கப்படுகின்றது.
ஆனால், இது இந்தியா வருவது பற்றிய எந்தவொரு தகவலும் இதுவரை வெளியாகவில்லை. தற்போது இந்தியாவில் மின் வாகன பயன்பாட்டை ஊக்குவிக்கும் முயற்சிகள் மிக தீவிரமாக மேற்கொள்ளப்பட்டு வருகின்றன. இதனடிப்படையில் மானியம் மற்றும் பதிவு வரி தள்ளுபடி போன்றவை அறிவிக்கப்பட்டு வருகின்றன.
ஆகையால், ஹோண்டா நிறுவனம் எந்த நேரத்திலும் அதன் ஏதேனும் ஓர் எலெக்ட்ரிக் இரு சக்கர வாகனத்தை அறிமுகம் செய்யலாம் என எதிர்பார்க்கப்படுகின்றது. தற்போது இந்தியாவில் மின்சார இருசக்கர வாகனங்களுக்கான தேவை அதிகரிக்கத் தொடங்கியிருக்கின்றது.
இதற்கு நாளுக்கு நாள் அதிகரித்து வரும் பெட்ரோல் விலையும் ஓர் காரணமாக இருக்கின்றது. எனவே இதைக் கருத்தில் கொண்டு ஹோண்டா மிக விரைவில் அதன் மின் வாகனத்தைக் களமிறக்கும் என எதிர்பார்க்கப்படுகின்றது.
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
-
ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!