Just In
- 17 min ago ஓலா ஷோரூம் இல்லாத ஊரே இல்ல போல!! இன்னும் சில வருஷத்தில் தெருவுக்கு ஒண்ணும் வந்துவிடும்!
- 59 min ago அவங்களுக்கு உண்மையாவே கல்யாணமா! பைக் ஓட்டீட்டு போன வீடியோ வைரல்! அதிர்ச்சியில் உறைந்த நெட்டிசன்கள்!
- 1 hr ago ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
- 5 hrs ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
Don't Miss!
- Finance வாரம் 2 நாள் லீவு கதையெல்லாம் மலையேறிவிட்டது.. இனி 6 நாள் வேலை.. சாம்சங் அறிவிப்பால் ஷாக்..!!
- News பாஜகவுக்கு பலத்த அடி? 40 வருஷம் பிறகு உ.பி.யின் அம்ரோஹா காங்கிரஸ் வசமாகிறதா?
- Movies Ghilli movie: கில்லி படத்தின் FDFS.. திரையரங்கில் கொண்டாட்டத்துடன் என்ஜாய் செய்த பிரதீப் ரங்கநாதன்!
- Sports இனி 14 கோடி சிஎஸ்கே வீரருக்கு டாடா பைபை.. பழைய ஆல் - ரவுண்டர் பக்கம் திரும்பிய பிளெம்மிங்
- Lifestyle நீங்க போடுற டீ அமிர்தம் மாதிரி இருக்கணுமா? அப்ப டீ போடுறப்ப இந்த தவறுகளை தெரியாம கூட பண்ணிராதீங்க...!
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
2021 கவாஸாகி நிஞ்சா 650 பைக் இந்தியாவில் விற்பனைக்கு அறிமுகம்!! எக்ஸ்-ஷோரூம் விலை ரூ.6.61 லட்சம்
கவாஸாகி நிறுவனம் இந்திய சந்தையில் அதன் 2021 நிஞ்சா 650 மோட்டார்சைக்கிளை விற்பனைக்கு அறிமுகப்படுத்தியுள்ளது. இந்த புதிய கவாஸாகி பைக்கில் கொண்டுவரப்பட்டுள்ள அப்கிரேட்களை பற்றி இந்த செய்தியில் பார்ப்போம்.
ஜப்பானை சேர்ந்த பிரபல மோட்டார்சைக்கிள் தயாரிப்பு நிறுவனமாக விளங்கும் கவாஸாகி கடந்த 2 மாதங்களுக்கு முன்பு அப்டேட் செய்யப்பட்ட நிஞ்சா 650 பைக்கை சில வெளிநாட்டு சந்தைகளில் அறிமுகப்படுத்தியது.
அதனை தொடர்ந்து தற்போது 2021 கவாஸாகி நிஞ்சா 650 இந்திய வாடிக்கையாளர்களுக்காக விற்பனைக்கு அறிமுகம் செய்யப்பட்டுள்ளது. இந்த 650சிசி கவாஸாகி பைக்கின் எக்ஸ்-ஷோரூம் விலை ரூ.6.61 லட்சமாக நிர்ணயிக்கப்பட்டுள்ளது. நிஞ்சா 650 பைக்கின் இந்திய விலையில் எந்தவொரு மாற்றமும் கொண்டுவரப்படவில்லை.
அதாவது முந்தைய தலைமுறை நிஞ்சா 650 பைக்கும் இதே விலையில் தான் இந்தியாவில் விற்பனை செய்யப்பட்டு வந்தது. இந்தியாவில் இந்த கவாஸாகி ஸ்போர்ட்ஸ் ரக பைக்கிற்கு சிஎஃப் மோட்டோவின் பிஎஸ்6 650ஜிடி என்ற பைக் மாடல் மட்டுமே போட்டியாக உள்ளது.
இந்த சிஎஃப் மோட்டோ பைக்கின் விலை கவாஸாகி நிஞ்சா 650-ஐ காட்டிலும் கிட்டத்தட்ட 1 லட்சம் குறைவு தான் என்றாலும், தொழிற்நுட்ப அம்சங்களிலும், செயல்படுதிறனிலும் நிஞ்சா 650 அடுத்த கட்டத்தில் உள்ளது. அதுமட்டுமில்லாமல் கவாஸாகி பிராண்டில் பைக் வாங்க நினைப்பவர்கள் இந்த 1 லட்ச வித்தியாசத்தை எல்லாம் பெரியதாகவே கருத்தில் எடுத்து கொள்ள மாட்டார்கள் என்பது எனது கருத்து.
ஆனால் இவ்வாறான ஸ்போர்ட்ஸ் ரக மோட்டார்சைக்கிளை வேண்டாம் என நினைக்கிறீர்கள். உங்களுக்காகவே கவாஸாகி இசட்650, டிரையம்ப் ட்ரைடெண்ட் 660 உள்ளிட்ட பைக்குகள் விற்பனையில் உள்ளன. இதில் கவாஸாகியின் நாக்டு மோட்டார்சைக்கிளான இசட்650-இன் விலை 2021 நிஞ்சா 650-ஐ காட்டிலும் கிட்டத்தட்ட 37,000 குறைவாக உள்ளது.
ஆனால் டிரையம்ப் ட்ரைடெண்ட் 650 பைக்கின் விலை ரூ.34,000 அதிகமாக உள்ளது. நிஞ்சா 650 பைக்கின் தோற்றம் கடந்த 2020ஆம் ஆண்டில் மறுசீரமைக்கப்பட்டதால், 2021ஆம் ஆண்டிற்கான அப்கிரேடாக புதிய நிறத்தேர்வை மட்டுமே கவாஸாகி நிறுவனம் கொண்டுவந்துள்ளது.
பேர்ல் ரோபோடிக் வெள்ளை என்கிற பெயரில் 2021 நிஞ்சா 650 பைக்கிற்கு வழங்கப்பட்டுள்ள இந்த புதிய நிறத்தேர்வில், பைக் க்ரே மற்றும் வெள்ளை நிறங்களில் இந்த படங்களில் உள்ளதாற் போன்று பெயிண்ட் செய்யப்பட்டு வழங்கப்படும்.
கவாஸாகியின் அடையாளமே அடர் பச்சை நிறம் என்பதால், பச்சை நிறத்தையும் பெட்ரோல் டேங்கிற்கு கீழ்பகுதியில், அலாய் சக்கர ரிம்களில் புதிய நிஞ்சா 650 கொண்டுள்ளது. நிஞ்சா 650 பைக்கிற்கு கடந்த ஆண்டில் வழங்கப்பட்ட புதிய தோற்றம் நம் இந்தியர்கள் பலரை கவர்ந்துவிட்டது.
இந்த நிலையில் புதியதாக வழங்கப்பட்டுள்ள இந்த பெயிண்ட் தேர்வு நிச்சயம் பல தரப்பட்ட வாடிக்கையாளர்களை கவாஸாகி நிஞ்சா 650 பைக் பக்கம் இழுக்கும் என எதிர்பார்க்கப்படுகிறது. புதிய க்ரே-வெள்ளை-பச்சை பெயிண்ட்டை தவிர்த்து 2021 நிஞ்சா 650 பைக்கில் வேறெந்த மாற்றத்தையும் தயாரிப்பு நிறுவனம் வழங்கவில்லை.
இதனால் வழக்கமான 649சிசி, இணையான-இரட்டை என்ஜின் தான் புதிய நிஞ்சா 650 பைக்கிலும் வழங்கப்பட்டுள்ளது. அதிகப்பட்சமாக 68 பிஎஸ் மற்றும் 65 என்எம் டார்க் திறனை வெளிப்படுத்தக்கூடிய இந்த என்ஜின் உடன் 6-ஸ்பீடு கியர்பாக்ஸ் இணைக்கப்படுகிறது.
அதேபோல் 2021 நிஞ்சா பைக்கிலும் 4.3 இன்ச்சில் டிஎஃப்டி திரை, ஸ்மார்ட்போன் இணைப்பு, எல்இடி விளக்குகள் மற்றும் டூன்லுப் ஸ்போர்ட்மேக்ஸ் டயர்களூம் தான் தொடரப்பட்டுள்ளன. இரும்பு ட்ரெல்லிஸ் ஃப்ரேமில் தயாரிக்கப்படும் இந்த கவாஸாகி பைக்கில் சஸ்பென்ஷனுக்கு 41மிமீ டெலிஸ்கோபிக் ஃபோர்க் மற்றும் மோனோஷாக் வழங்கப்பட்டுள்ளன.
ப்ரேக்கிங் பணியை கவனிக்க 300மிமீ-இல் பெடல் டிஸ்க்கும், பின்பக்கத்தில் 220மிமீ-இல் சிங்கிள் டிஸ்க்கும் வழங்கப்படுகின்றன. இந்த புதிய நிறத்தேர்வு சிலருக்கு பிடிக்காமலும் போகலாம். அத்தகையவர்களுக்காக 2020 மாடலில் இருந்து கவாஸாகி லைம் பச்சை நிறமும் தொடரப்பட்டுள்ளது.
எல்இடி இண்டிகேட்டர்கள் 2021 நிஞ்சா 650 பைக்கிலும் தவிர்க்கப்பட்டுள்ளன. இருப்பினும் எந்தவொரு கூடுதல் விலையுமின்றி புதிய பெயிண்ட் தேர்வு வழங்கப்பட்டிருப்பட்டிருப்பது உண்மையில் கவாஸாகி நிஞ்சா 650 பைக்கிற்கு சாதகமான சூழலை உருவாக்கும்.
-
100 சதவீதம் வாக்குப்பதிவு கேட்கும் அரசு இதையெல்லாம் கவனிக்க மாட்டாங்களா? விமானங்களின் டிக்கெட் விலை உயர்வு!
-
பெட்டிகடை வச்சிருக்கிறவன் கூட கணக்கு வச்சிருப்பான்! ஆனா இந்திய ரயில்வே நிர்வாகத்திடம் இந்த கணக்கு இல்லையாம்!
-
ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா?