Just In
- 5 min ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 5 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 5 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 6 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
Don't Miss!
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ட்ரையம்ஃப் நிறுவனத்தின் விலை குறைவான புதிய ட்ரைடென்ட் 660 பைக் அறிமுகம்... முழு விபரம்!
பெரும் எதிர்பார்ப்பை ஏற்படுத்தி உள்ள ட்ரையம்ஃப் ட்ரைடென்ட் 660 பைக் இன்று இந்தியாவில் விற்பனைக்கு கொண்டு வரப்பட்டுள்ளது. ட்ரையம்ஃப் நிறுவனத்தின் விலை குறைவான தேர்வாக வந்திருக்கும் புதிய இந்த பைக்கின் பல முக்கிய விபரங்களை இந்த செய்தியில் விரிவாகப் பார்க்கலாம்.
புதிய ட்ரையம்ஃப் ட்ரைடென்ட் 660 பைக் நியோ-ரெட்ரோ ரோட்ஸ்டெர் என்ற பாரம்பரிய டிசைன் அம்சங்கள் மற்றும் நவீன தொழில்நுட்பங்களுடன் கூடிய நேக்கட் ரோட்ஸ்டெர் ரகத்திலான பைக் மாடலாக உருவாக்கப்பட்டுள்ளது. ட்ரையம்ஃப் நிறுவனத்தின் மிக குறைவான விலை கொண்ட ஆரம்ப ரக பிரிமீயம் பைக் மாடலாக வந்துள்ளது.
புதிய ட்ரையம்ஃப் ட்ரைடென்ட் பைக்கில் வட்ட வடிவிலான எல்இடி ஹெட்லைட், எல்இடி டர்ன் இன்டிகேட்டர்கள், எல்இடி டெயில் லைட்டுகள் கொடுக்கப்பட்டுள்ளன. தனித்துவமான பெட்ரோல் டேங்க் வடிவமைப்பு, பாடி கலரிலேயே ஃபோர்க் புரொடெக்டர் மற்றும் ரேடியேட்டர் கவுல் அமைப்பும் இடம்பெற்றிருக்கின்றன. இதன் ரியர் வியூ மிரர்கள் கண்ணீர் துளியை நினைவூட்டும் வகையில் உள்ளன. பெட்ரோல் டேங்க் இரட்டை வண்ணத்தில் கொடுக்கப்பட்டுள்ளது.
இந்த பைக்கில் 5 ஸ்போக் 17 அங்குல அலாய் சக்கரங்கள், மிச்செலின் 5 டயர்கள் பொருத்தப்பட்டுள்ளன. 14 லிட்டர் கொள்திறன் கொண்ட பெட்ரோல் டேங்க் உள்ளது. தரையிலிருந்து இருக்கை 805 மிமீ உயரம் கொண்டதாக இருக்கிறது. பின்புற வடிவமைப்பு மிக எளிமையாகவும், கச்சிதமாகவும் இருக்கிறது.
புதிய ட்ரையம்ஃப் ட்ரைடென்ட் 660 பைக் க்றிஸ்டல் ஒயிட், சஃபையர் பிளாக், மேட் ஜெட் பிளாக்- சில்வர் ஐஸ் மற்றும் சில்வர் ஐஸ்-டயாப்லோ ரெட் ஆகிய வண்ணத் தேர்வுகளில் கிடைக்கும்.
புதிய ட்ரையம்ஃப் ட்ரைடென்ட் 660 பைக்கில் 3 சிலிண்டர்கள் கொண்ட 660சிசி லிக்யூடு கூல்டு எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 79.8 பிஎச்பி பவரையும், 64 என்எம் டார்க் திறனையும் வழங்கும். போட்டியாளரான கவாஸாகி இசட்650 பைக்கைவிட 13 எச்பி பவரை கூடுதலாக வெளிப்படுத்தும் திறன் கொண்டதாக இருக்கிறது.
6 ஸ்பீடு கியர்பாக்ஸ் இணைக்கப்பட்டுள்ளது. ஸ்லிப் மற்றும் அசிஸ்ட் க்ளட்ச் வசதிகள் உள்ளன. பை டைரக்ஷனல் குயிக் ஷிஃப்டர் வசதியும் இடம்பெற்றுள்ளது. இந்த பைக் 189 கிலோ எடை கொண்டது.
இந்த பைக்கில் டிஎஃப்டி திரையுடன் கூடிய இன்ஸ்ட்ரூமென்ட் க்ளஸ்ட்டர் பொருத்தப்பட்டு இருக்கிறது. மை ட்ரையம்ஃப் கனெக்ட்டிவிட்டி வசதியுடன் வந்துள்ளது. சுவிட்சபிள் டிராக்ஷன் கன்ட்ரோல் சிஸ்டம், இரண்டு ரைடிங் மோடுகள், ரைடு பை ஒயர் ஆகிய தொழில்நுட்ப வசதிகளையும் பெற்றுள்ளது.
முன்புறத்தில் 120 மிமீ டிராவல் கொண்ட 41 மிமீ அப்சைடு டவுன் ஃபோர்க்குகளும், பின்புறத்தில் 133.5 மிமீ டிராவல் கொண்ட மோனோஷாக் அப்சார்பரும் உள்ளன. அதேபோன்று, முன்சக்கரத்தில் நிஸின் பிராண்டின் ட்வின் பாட் ஸ்லைடிங் காலிபர்களுடன் இயங்கும் இரண்டு 310 மிமீ டிஸ்க் பிரேக்குகளும், பின்புறத்தில் சிங்கிள் பிஸ்டன் காலிபர் கொண்ட 255 மிமீ டிஸ்க் பிரேக்கும் உள்ளது.
புதிய ட்ரையம்ஃப் ட்ரைடென்ட் 660 பைக்கிற்கு ரூ.6.95 லட்சம் எக்ஸ்ஷோரூம் விலை நிர்ணயிக்கப்பட்டுள்ளது. முன்பதிவு ஏற்கனவே துவங்கப்பட்டுவிட்ட நிலையில், டெலிவிரிப் பணிகள் உடனடியாக துவங்கப்படும் என்று தெரிகிறது. இந்த பைக்கிற்கு ரூ.9,999 மாதத் தவணை கொண்ட சிறப்பு கடன் திட்டத்தில் வாங்கும் வாய்ப்பும் இருக்கிறது.
இந்த பைக்கிற்கு 45 விதமான கூடுதல் ஆக்சஸெரீகள் கொடுக்கப்படுகின்றன. 2 ஆண்டுகளுக்கான வரம்பில்லாத வாரண்டி வழங்கப்படுகிறது. 16,000 கிமீ அல்லது 12 மாதங்கள் சர்வீஸ் இடைவெளியுடன் இந்த பைக் வந்துள்ளது.