Just In
- 22 min ago ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா?
- 44 min ago டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!
- 1 hr ago இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
- 1 hr ago ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி
Don't Miss!
- Technology சாதா ஹெல்மெட் தூக்கி போடுவாங்க.. வந்தாச்சு ஏசி ஹெல்மெட்.. சில்லுனு காத்து.. இனி வெயிலை சமாளிக்க முடியும்..
- News நாளை முதல் கட்ட லோக்சபா தேர்தல்:102 தொகுதிகளில் 2019-ல் எத்தனை சதவீதம் வாக்குகள் பதிவு? முழு விவரம்!
- Sports தோனியை சமாதானப்படுத்த முடியாது.. அந்த விஷயத்திற்கு ரிஷப் பண்ட் தான் சரி.. ரோகித் சர்மா கலகல!
- Movies சர்வதேச திரைப்பட விழாவில் வடக்கன்.. படக்குழுவினர் உச்சக்கட்ட மகிழ்ச்சி.. குவியும் பாராட்டு
- Lifestyle இந்த முகலாய அரசர் வாழ்க்கை முழுக்க கங்கை நீரை மட்டும்தான் குடிச்சாராம்... அதுக்கான வினோத காரணம் என்ன தெரியுமா?
- Finance இப்படியொரு திட்டம் இருப்பது தெரியுமா?! இதுல மட்டும் முதலீடு செய்யுங்கள்.. பணம் கொட்டும்..!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
களத்தில் இறங்கிய ஜப்பான் இன்ஜினியர்கள்... எலெக்ட்ரிக் அவதாரத்தில் வருகிறது ஆக்டிவா... டிவிஎஸ், பஜாஜிற்கு செக்!
இந்தியாவில் தற்போது எலெக்ட்ரிக் ஸ்கூட்டர்களுக்கு (Electric Scooters) நல்ல வரவேற்பு கிடைத்து வருகிறது. எனவே ஹோண்டா (Honda) நிறுவனம் இந்தியாவில் தனது முதல் எலெக்ட்ரிக் ஸ்கூட்டரை அறிமுகம் செய்ய ஆயத்தமாகி வருகிறது. தற்போது பஜாஜ் (Bajaj), டிவிஎஸ் (TVS) உள்ளிட்ட நிறுவனங்கள் இந்தியாவில் எலெக்ட்ரிக் ஸ்கூட்டர்களை விற்பனை செய்கின்றன.
ஆனால் ஹோண்டா நிறுவனம் இன்னமும் இந்தியாவில் தனது முதல் எலெக்ட்ரிக் ஸ்கூட்டரை விற்பனைக்கு அறிமுகம் செய்யவில்லை. எனினும் காலம் மாறி வருகிறது என்பதை உணர்ந்துள்ள ஹோண்டா, தற்போது தனது முதல் எலெக்ட்ரிக் விற்பனைக்கு அறிமுகம் செய்ய முழு வீச்சில் தயாராகி கொண்டுள்ளது. 2023ம் ஆண்டின் முதல் பாதியில் ஹோண்டா நிறுவனத்தின் இந்த எலெக்ட்ரிக் ஸ்கூட்டர் விற்பனைக்கு அறிமுகம் செய்யப்படும் என தகவல்கள் தெரிவிக்கின்றன.
Image used for representation purpose only
ஹோண்டா நிறுவனம் இந்திய சந்தையில் விற்பனைக்கு அறிமுகம் செய்யவுள்ள புதிய எலெக்ட்ரிக் ஸ்கூட்டரின் பெயர் இன்னும் அறிவிக்கப்படவில்லை. ஆனால் பஜாஜ் சேத்தக் (Bajaj Chetak) மற்றும் டிவிஎஸ் ஐக்யூப் (TVS iQube) ஆகிய எலெக்ட்ரிக் ஸ்கூட்டர்களுக்கு போட்டியாக இது இருக்கும். பெயர் அறிவிக்கப்படவில்லை என்றாலும் கூட, ஆக்டிவா (Activa) ஸ்கூட்டரின் எலெக்ட்ரிக் வெர்ஷனாக இது இருக்கலாம் என ஹோண்டா நிறுவன வட்டாரங்கள் தெரிவிக்கின்றன.
ஹோண்டா நிறுவனம் ஜப்பானை சேர்ந்தது. அங்குள்ள இன்ஜினியர்களையும், இந்தியாவில் பணியாற்றும் இன்ஜினியர்களையும் இணைத்து புதிய குழு ஒன்றை உருவாக்கும் பணிகளில் ஹோண்டா நிறுவனம் தற்போது ஈடுபட்டு வருவதாக தகவல்கள் தெரிவிக்கின்றன. இந்திய சந்தைக்கான ஹோண்டா நிறுவனத்தின் முதல் எலெக்ட்ரிக் ஸ்கூட்டரை உருவாக்குவதற்காக இந்த இன்ஜினியர்கள் குழு வேலை செய்யவுள்ளது. இந்திய வாடிக்கையாளர்களின் தேவைகளை பூர்த்தி செய்யும் வகையிலான எலெக்ட்ரிக் ஸ்கூட்டரை உருவாக்குவதற்கு ஜப்பான் இன்ஜினியர்கள் குழு உதவி செய்யவுள்ளது.
இந்திய சந்தையில் தற்போது எலெக்ட்ரிக் ஸ்கூட்டரை விற்பனைக்கு அறிமுகம் செய்தால் வெற்றி கிடைக்குமா? என்ற விவாதங்களை எல்லாம் ஹோண்டா நிறுவனம் ஏற்கனவே நடத்தி முடித்து விட்டதாக தகவல்கள் தெரிவிக்கின்றன. இந்த விவாதங்களின் இறுதியில்தான் இந்திய வாடிக்கையாளர்களின் நடைமுறை பயன்பாடுகளுக்கு ஏற்ற மற்றும் நம்பகத்தன்மை வாய்ந்த ஒரு எலெக்ட்ரிக் ஸ்கூட்டரை விற்பனைக்கு அறிமுகம் செய்ய வேண்டும் என்ற முடிவை ஹோண்டா நிறுவனம் எடுத்ததாக கூறப்படுகிறது.
இந்தியாவின் எலெக்ட்ரிக் வாகன சந்தையில், டூவீலர்கள்தான் தற்போது மிகவும் அதிகமாக விற்பனையாகும் தயாரிப்புகளாக உள்ளன. வரும் காலங்களில் எலெக்ட்ரிக் டூவீலர்களின் விற்பனை எண்ணிக்கை பல மடங்கு அதிகரிக்கலாம் என மதிப்பிடப்பட்டுள்ளது. எனவேதான் இந்தியாவில் தனது முதல் எலெக்ட்ரிக் ஸ்கூட்டரை விற்பனைக்கு அறிமுகம் செய்ய ஹோண்டா நிறுவனம் தற்போது தீவிரம் காட்ட தொடங்கியுள்ளது. அதுவும் ஆக்டிவா ஸ்கூட்டரின் எலெக்ட்ரிக் வெர்ஷன் என்பதால், வாடிக்கையாளர்கள் மத்தியில் ஆவல் அதிகரித்துள்ளது.
ஹோண்டா ஆக்டிவா, தற்போது இந்தியாவில் அதிகம் விற்பனையாகும் ஸ்கூட்டர்களில் ஒன்றாக திகழ்கிறது. ஸ்கூட்டர்கள் என்ற அளவில் மட்டுமல்லாது, ஹீரோ ஸ்பிளெண்டர் (Hero Splendor) போன்ற மிகவும் பிரபலமான பைக்குகளுக்கு எல்லாம் சவால் அளிக்கும் வகையில், இந்திய சந்தையில் அதிகம் விற்பனையாகும் டூவீலர்களில் முதன்மையானதாகவும் ஹோண்டா ஆக்டிவா திகழ்ந்து கொண்டுள்ளது. எனவே இதன் எலெக்ட்ரிக் வெர்ஷனும் விற்பனையில் சாதிப்பதற்கான வாய்ப்புகள் மிகவும் பிரகாசமாக தென்படுகின்றன.
நாங்கள் ஏற்கனவே குறிப்பிட்ட பஜாஜ் சேத்தக் மற்றும் டிவிஎஸ் ஐக்யூப் ஆகிய எலெக்ட்ரிக் ஸ்கூட்டர்களுக்கு மட்டுமல்லாது, ஓலா எஸ்1 ப்ரோ (Ola S1 Pro), ஏத்தர் 450எக்ஸ் (Ather 450X) ஆகிய மற்ற பிரபலமான எலெக்ட்ரிக் ஸ்கூட்டர்களுக்கும், ஹோண்டா நிறுவனத்தின் புதிய எலெக்ட்ரிக் ஸ்கூட்டர் விற்பனையில் கடுமையான சவாலை அளிக்கும் என எதிர்பார்க்கப்படுகிறது. இதற்கிடையே ஹோண்டா நிறுவனம் மட்டுமல்லாது, யமஹா (Yamaha) நிறுவனமும் இந்தியாவில் புதிய எலெக்ட்ரிக் ஸ்கூட்டர் ஒன்றை விற்பனைக்கு அறிமுகம் செய்ய தயாராகி கொண்டுள்ளது.