டிவிஎஸ் ஜுபிடர் முதலாமாண்டு கொண்டாட்டம்: ஸ்பெஷல் எடிசன் அறிமுகம்

விற்பனைக்கு அறிமுகம் செய்யப்பட்டு ஓர் ஆண்டு நிறைவுபெறுவதை கொண்டாடும் விதமாக, டிவிஎஸ் ஜுபிடர் ஸ்கூட்டரின் ஸ்பெஷல் எடிசன் மாடல் விற்பனைக்கு அறிமுகம் செய்யப்பட்டுள்ளது.

இந்த புதிய மாடல் ஸ்டாலியன் பிரவுன் என்ற பிரத்யேக பழுப்பு வண்ணத்திலும், உட்புற பேனல்கள் பீயேஜ் வண்ணக் கலவையிலும் அறிமுகம் செய்யப்பட்டுள்ளது. ஸ்பெஷல் எடிசனுக்கான பேட்ஜ் கொடுக்கப்பட்டுள்ளது.

சூரிய ஒளியில் நிறுத்தும்போது அதிக வெப்பமடையாத விசேஷ அம்சம் கொண்ட, டியூரா கூல் என்ற புதிய இருக்கை கொடுக்கப்பட்டுள்ளது.இந்த புதிய ஜுபிடர் மாடல் வாடிக்கையாளர்களை வெகுவாக கவரும் என டிவிஎஸ் மோட்டார்ஸ் தெரிவித்துள்ளது.

மேலும், வாடிக்கையாளர்களுக்கு கூடுதல் மகிழ்வை கொடுக்கும் விதத்தில் இந்த புதிய ஸ்பெஷல் எடிசன் மாடல் விற்பனைக்கு அறிமுகம் செய்யப்பட்டிருப்பதாகவும் தெரிவிக்கப்பட்டுள்ளது.