மிக சவாலான விலையில் விற்பனைக்கு வந்தது புதிய டாடா போல்ட் கார்!

வேரியண்ட்டுகள்

புதிய டாடா போல்ட் கார் பெட்ரோல் மற்றும் டீசல் மாடல்களில் XE, XM, XMS மற்றும் XT ஆகிய தலா 4 வேரியண்ட்டுகளில் விற்பனைக்கு கிடைக்கும்.

டிசைன்

டாடா நானோ காரை டிசைன் செய்ததன் மூலம் பிரபலமடைந்த கிரீஷ் வாக் இந்த காரையும் டிசைன் செய்துள்ளார். டாடா விஸ்டா காரின் அடிப்படையிலான டாடா எக்ஸ்1 பிளாட்ஃபார்மில் இந்த புதிய மாடல் டிசைன் செய்யப்பட்டுள்ளது. மேலும், முந்தைய டாடா கார்களிலிருந்து முற்றிலும் வேறுபட்ட தர நிலையில் இந்த கார் வர இருக்கிறது. இதனால், வாடிக்கையாளர்களும் இந்த காரை தங்களது பட்டியலில் வைத்திருக்கின்றனர்.

எஞ்சின்

டாடா போல்ட் காரில் 89 பிஎச்பி பவரையும், 140 என்எம் டார்க்கையும் வழங்கும் புதிய 1.2 லிட்டர் ரெவோட்ரான் பெட்ரோல் எஞ்சின் பொருத்தப்பட்டிருக்கிறது. இந்த எஞ்சின் மூன்று வித செயல்திறனை வெளிப்படுத்தும் வகையில் மாற்றிக் கொள்ள முடியும் என்பது மிக முக்கியமான அம்சம். இதுதவிர, 74 பிஎச்பி பவரையும், 190என்எம் டார்க்கையும் வழங்கும் 1.3 லிட்டர் டீசல் எஞ்சின் மாடலிலும் விற்பனைக்கு வர இருக்கிறது.

3. இடவசதி

வழக்கம்போல் டாடா கார்கள் தாராள இடவசதிக்கு பெயர்போனது. அதேபோன்று, டாடா போல்ட் காரும் 5 பேர் செல்வதற்கு சிறப்பான இடவசதியை அளிக்கும் மாடலாக கூறலாம். முழுவதும் கருப்பு நிற இன்டிரியர் கொடுக்கப்பட்டுள்ளது. பின் இருக்கை மிகவும் சவுகரியமான பயண அனுபவத்தை தரும்.

4. வசதிகள்

டாடா போல்ட் காரில் புளூடூத், ஆக்ஸ், யுஎஸ்பி போர்ட் வசதிகள் கொண்ட 2 டின் ஹார்மன் ஆடியோ சிஸ்டம் மற்றும் நேவிகேஷன் சிஸ்டம் கொடுக்கப்பட்டுள்ளது. இன்டிரியரில் குறை சொல்ல முடியாத அளவு தரமான பிளாஸ்டிக் பாகங்கள் பயன்படுத்தப்பட்டுள்ளன. பாஷ் நிறுவனத்தின் ஏபிஎஸ் பிரேக் சிஸ்டம், கார்னர் ஸ்டெபிளிட்டி கன்ட்ரோல், ஏர்பேக்குகள் போன்ற பாதுகாப்பு அம்சங்கள் இருக்கின்றன.

மைலேஜ்

பெட்ரோல் மாடல் லிட்டருக்கு 17.57 கிமீ மைலேஜையும், டீசல் மாடல் லிட்டருக்கு 22.95 கிமீ மைலேஜையும் தரும் என்று தெரிவிக்கப்பட்டுள்ளது.

டெல்லி எக்ஸ்ஷோரூம் விலை விபரம்

பெட்ரோல் மாடல்

போல்ட் XE: ரூ.4,44,993

போல்ட் XM: ரூ.5,15,991

போல்ட் XMS: ரூ.5,540,112

போல்ட் XT: ரூ.6,05,893

டீசல் வேரியண்ட்டுகள் விலை விபரம்

போல்ட் XE: ரூ.5,49,950

போல்ட் XM: ரூ.6,11,446

போல்ட் XMS:ரூ.6,34,792

போல்ட் XT:ரூ.6,99,839

அனைத்தும் டெல்லி எக்ஸ்ஷோரூம் விலை

6. டெஸ்ட் டிரைவ் ரிப்போர்ட்

புதிய டாடா போல்ட் பெட்ரோல் மாடலின் எமது பிரத்யேக டெஸ்ட் டிரைவ் ரிப்போர்ட்டை படிக்க இங்கே கிளிக் செய்யவும்.