ராயல் என்பீல்டு 650சிசி பைக்குகளின் விலைகள் உயர்ந்தன!! இனி அவற்றின் விலை இவைதான்

Updated: Wednesday, January 13, 2021, 0:06 [IST]

ராயல் என்பீல்டு இண்டர்செப்டர் 650 மற்றும் காண்டினெண்டல் ஜிடி 650 பைக்குகளின் விலைகள் கணிசமாக உயர்த்தப்பட்டுள்ளன. அதனை பற்றி இந்த செய்தியில் பார்ப்போம்.

ராயல் என்பீல்டு 650சிசி பைக்குகளின் விலைகள் உயர்ந்தன!! இனி அவற்றின் விலை இவைதான்

சென்னையை சேர்ந்த ராயல் என்பீல்டு நிறுவனம் இந்திய சந்தையில் ரெட்ரோ-ஸ்டைல் மோட்டார்சைக்கிள் பிராண்டாக விளங்குகிறது. இந்திய சந்தையில் கிளாசிக் 350, ஹிமாலயன் போன்றவை இந்த நிறுவனத்தின் பிரபலமான மாடல்களாக விளங்குகின்றன.

ஆனால் வெளிநாட்டுகளில் உண்மையை சொல்ல வேண்டுமென்றால், இண்டர்செப்டர் 650 மற்றும் காண்டினெண்டல் 650 என்ற 650சிசி இரட்டை பைக்குகளின் மூலமாகவே ராயல் என்பீல்டு பிராண்ட் பிரபலமாகி வருகிறது.

இந்தியாவில் இந்த இரு 650சிசி பைக்குகளின் எக்ஸ்ஷோரூம் விலைகள் ரூ.2,66,755-ல் இருந்து ரூ.3,03,544 வரையில் இருந்தன. ஆனால் தற்போது இவற்றின் விலைகளில் ரூ.3,009-ல் இருந்து ரூ.3,379 வரையில் விலை அதிகரிப்பு கொண்டுவரப்பட்டுள்ளன.

Model / Variant Colours	New Price	Old Price	Difference
Interceptor 650 Mark Three/ Orange Crush/ Silver Spectre	Rs2,69,764	Rs2,66,755	Rs3,009
Interceptor 650 Ravishing Red/ Baker Express/	Rs2,77,732	Rs2,74,643	Rs3,089
Interceptor 650 Glitter and Dust	Rs2,91,007	Rs2,87,787	Rs3,220
Continental GT 650 Ventura Blue/ Black Magic	Rs2,85,680	Rs2,82,513	Rs3,167
Continental GT 650 Ice Queen / Dr. Mayhem	Rs2,93,648	Rs2,90,401	Rs3,247
Continental GT 650 Mr. Clean	Rs3,06,923	Rs3,03,544	Rs3,379

இண்டர்செப்டர் 650 மார்க் த்ரீ, ஆரஞ்ச் க்ரஷ், சில்வர் ஸ்பெக்டர், ராவிஷிங் ரெட், பேக்கர் எக்ஸ்ப்ரஸ், க்ளிட்டர் மற்றும் டஸ்ட் என்ற நிறங்களிலும், இண்டர்செப்டர் ஜிடி 650 வெண்டுரா நீலம், ப்ளாக் மேஜிக், ஐஸ் குயின், டாக்டர்.மேஹீன், மிஸ்டர்.க்ளீன் என்ற நிறங்களிலும் விற்பனைக்கு கிடைக்கிறது.

இவை அனைத்திலும் பைக்கின் விலை அதிகரிக்கப்பட்டுள்ளது. இவ்வாறு விலை அதிகரிக்கப்பட்ட போதிலும், ராயல் என்பீல்டு 650 ட்வின் பைக்குகளின் விலைகள் கேடிஎம் 390 பைக்கின் விலை உடன் ஒப்பிடும்போது இப்போதும் குறைவே ஆகும்.

இண்டர்செப்டர் 650 மற்றும் காண்டினெண்டல் 650 என்ற இரு பைக்கிலும் ஒரே 649சிசி, ஏர்/கூல்டு-கூல்டு இணையான-இரட்டை என்ஜின் பொருத்தப்படுகிறது. அதிகப்பட்சமாக 47 பிஎச்பி மற்றும் 52 என்எம் டார்க் திறனை வெளிப்படுத்தக்கூடிய இந்த என்ஜின் உடன் ட்ரான்ஸ்மிஷனுக்கு 6-ஸ்பீடு கியர்பாக்ஸ், ஸ்லிப்பர்-க்ளட்ச் உதவியுடன் வழங்கப்பட்டுள்ளது.