ஆட்டோ எக்ஸ்போ 2020 - செய்திகள் & நேரலை தகவல்கள்

ஆட்டோ எக்ஸ்போ 2020 - இந்தியாவில் இரண்டு ஆண்டுகளுக்கு ஒரு முறை நடைபெறக்கூடிய ஆட்டோ எக்ஸ்போ திருவிழா, கிரேட்டர் நொய்டாவில் வரும் பிப்ரவரி மாதம் 7ம் தேதி முதல் 12ம் தேதி வரை நடைபெறவுள்ளது. இதில், ஏராளமான ஆட்டோமொபைல் நிறுவனங்கள் கலந்து கொள்ளவுள்ளன. கார்கள், பைக்குகள், பஸ்கள், லாரிகள், எலெக்ட்ரிக் வாகனங்கள், கான்செப்ட் மாடல்கள் உள்பட தங்களின் தயாரிப்புகளை மக்களுக்கு காட்ட ஆட்டோ எக்ஸ்போ 2020 அனைவருக்கும் வாய்ப்பு வழங்குகிறது.

கிரேட்டர் நொய்டாவில் நடைபெறவுள்ள 2020 ஆட்டோ எக்ஸ்போவில், இந்திய மார்க்கெட்டிற்கான எலெக்ட்ரிக் வாகனங்கள் மீதுதான் பெரும்பாலான முன்னணி ஆட்டோமொபைல் நிறுவனங்கள் அதிக கவனம் செலுத்தும் என எதிர்பார்க்கப்படுகிறது. புதிய தயாரிப்புகளை வெளியிடுதல் அல்லது கான்செப்ட் மாடல்களை காட்சிப்படுத்துதல் ஆகிய ஏதேனும் ஒரு வழியில் எலெக்ட்ரிக் வாகனங்கள் மீது அதிக கவனம் இருக்க கூடும்.

எனினும் இந்திய பார்வையாளர்களின் கவனம், புதிய மாருதி சுஸுகி விட்டாரா பிரெஸ்ஸா ஃபேஸ்லிஃப்ட் உள்பட புதிய கார்கள் மற்றும் பைக்குகளின் வருகையின் மீதே இருக்கும் என எதிர்பார்க்கப்படுகிறது. ஆட்டோ எக்ஸ்போ 2020 பற்றிய அனைத்து செய்திகளையும் டிரைவ்ஸ்பார்க் தமிழ் தளம் வாசகர்களுக்கு உடனுக்குடன் வழங்கவுள்ளது. டிரைவ்ஸ்பார்க் தமிழின் 2020 ஆட்டோ எக்ஸ்போ கவரேஜ் பின்வருவனவற்றையும் உள்ளடக்கியதாக இருக்கும்.

கார்கள் - புதிய மாருதி சுஸுகி விட்டாரா பிரெஸ்ஸா ஃபேஸ்லிஃப்ட், கியா கார்னிவல், மஹிந்திரா தார் மற்றும் டாடா மோட்டார்ஸ் நிறுவனத்தில் இருந்து மூன்று புதிய மாடல்கள் உள்பட பல்வேறு புதிய கார்கள் 2020 ஆட்டோ எக்ஸ்போவில் அறிமுகம் செய்யப்படவுள்ளன. இதுதவிர சீனாவை சேர்ந்த கார் பிராண்டான கிரேட் வால் மோட்டார்ஸ் நிறுவனமும் 2020 ஆட்டோ எக்ஸ்போவில் அறிமுகமாகும் என எதிர்பார்க்கப்படுகிறது.

பைக்குகள் மற்றும் ஸ்கூட்டர்கள் - 2020 ஆட்டோ எக்ஸ்போவில் ஏராளமான புதிய பைக்குகள் மற்றும் ஸ்கூட்டர்களும் அறிமுகம் செய்யப்படவுள்ளன. இதுதவிர பல்வேறு எலெக்ட்ரிக் இரு சக்கர வாகனங்களும் 2020 ஆட்டோ எக்ஸ்போவில் காட்சிப்படுத்தப்படும் என எதிர்பார்க்கப்படுகிறது.

கான்செப்ட் மாடல்கள் - பல்வேறு கான்செப்ட் வாகனங்கள் மற்றும் எலெக்ட்ரிக் கான்செப்ட்களின் வருகையை 2020 ஆட்டோ எக்ஸ்போ காணவுள்ளது. இதில், ஸ்கோடா விஷன் இன், டாடா அல்ட்ராஸ் எலெக்ட்ரிக் ஆகியவையும் அடங்கும்.