நீங்கள் ஆவலுடன் எதிர்பார்த்த பென்ஸ் காம்பெக்ட் எஸ்யூவியின் விபரங்கள்!!

எஞ்சின்

ஏ45 ஏஎம்ஜி காரில் பொருத்தப்பட்டிருக்கும் அதே 2.0 லிட்டர் டர்போசார்ஜ்டு எஞ்சின்தான் இந்த காரிலும் பொருத்தப்பட்டிருக்கும்.

எஞ்சின் சிறப்பு

4 சிலிண்டர்கள் கொண்ட எஞ்சின்களில் இதுதாதன் உலகிலேயே மிக சக்திவாய்ந்த தயாரிப்பு நிலையில் உள்ள எஞ்சின் என மெர்சிடிஸ் பென்ஸ் தெரிவித்துள்ளது.

பவர்

ஜிஎல்ஏ 45 ஏஎம்ஜி காரில் பொருத்தப்பட்டிருக்கும் எஞ்சின் 355 எச்பி பவரையும், 450 என்எம் டார்க்கையும் வெளிப்படுத்தும் திறன் கொண்டது.

கியர் பாக்ஸ்

இந்த காரில் ஏஎம்ஜி பெர்ஃபார்மென்ஸ் பிராண்டின் டிசிடி 7 ஸ்பீடு ஸ்போர்ட்ஸ் டியூவல் கிளட்ச் டிரான்ஸ்மிஷன் பொருத்தப்பட்டுள்ளது.

 

 

பெர்ஃபார்மென்ஸ்

ஏ கிளாஸ் காரின் ஏ45 ஏஎம்ஜி மாடலில் பொருத்தப்பட்டிருக்கும் அதே எஞ்சின் என்றாலும், ஒப்பிடுகையில் பெர்ஃபார்மென்ஸ் சற்று குறைவுதான். இந்த கார் 0- 100 கிமீ வேகத்தை 4.8 வினாடிகளில் எட்டிவிடும். இதன் உச்ச வேகம் மணிக்கு 250 கிமீ.

மைலேஜ்

ஏ45 ஏஎம்ஜி கார் லிட்டருக்கு 14.5 கிமீ மைலேஜை வழங்கும் என தெரிவிக்கப்பட்டுள்ள நிலையில், இந்த ஜிஎல்ஏ45 ஏஎம்ஜி கார் லிட்டருக்கு 13 கிமீ மைலேஜை வழங்கும் என தெரிவிக்கப்பட்டுள்ளது.

மாற்றங்கள்

கான்செப்ட் மாடலுக்கும் தயாரிப்பு நிலை மாடலுக்கும் அதிக வித்தியாசங்கள் தெரியவில்லை. புதிய டிசைன் கொண்ட ரிம், ரியர் ஸ்பாய்லர் உள்ளிட்ட கூடுதலாக சேர்க்கப்பட்டுள்ளன.

விற்பனைக்கு எப்போது?

நடப்பு ஆண்டு மத்தியில் இந்த கார் ஐரோப்பிய மார்க்கெட்டுகளில் விற்பனைக்கு வர இருக்கிறது. இந்த ஆண்டு இறுதியில் இந்தியாவில் விற்பனைக்கு வரும் என்று எதிர்பார்க்கப்படுகிறது.