2015ல் டொயோட்டாவின் ஹைட்ரஜன் கார் தயாரிப்பு துவங்குகிறது!

ரேஞ்ச்

ஒருமுறை ஹைட்ரஜன் எரிபொருளை நிரப்பினால் 480 கிமீ தூரம் வரை இந்த காரில் செல்ல முடியும்.

மிக எளிது

வெறும் 3 முதல் 5 நிமிடங்களில் இந்த காரில் ஹைட்ரஜன் எரிபொருளை நிரப்பிவிட முடியுமாம்.

ஆற்றல்

இந்த காரில் பொருத்தப்பட்டிருக்கும் மின் மோட்டார் 0- 96 கிமீ வேகத்தை 10 வினாடிகளில் எட்டிவிடும் ஆற்றல் கொண்டது.

வீட்டுக்கு மின்சாரம்

இந்த காரிலிருந்து வீட்டிற்கு ஒரு வாரத்திற்கான மின்சார சப்ளையை பெற முடியும் என்பது குறிப்பிடத்தக்கது.

பசுமை கார்

ஹைட்ரஜன் மூலம் கிடைக்கும் மின் ஆற்றலில் இந்த கார் இயங்குகிறது. கழிவுப் பொருளாக நீராவி மட்டுமே வெளியாகும் என்பதால், நிசான் லீஃப், தெஸ்லா எஸ் போன்ற எலக்ட்ரிக் கார் மாடல்களைவிட இந்த கார் சுற்றுச்சூழலுக்கு மிக உகந்ததாக தெரிவிக்கப்படுகிறது.

அறிமுகம்

அமெரிக்காவின் கலிஃபோர்னியா மாகாணத்தில் இந்த காரை முதலில் விற்பனைக்கு கொண்டு வருவதற்கு டொயோட்டா திட்டமிட்டுள்ளது. இதற்காக, அங்கு ஹைட்ரஜன் எரிபொருள் நிலையங்களை அமைப்பதற்கான முயற்சிகளை மேற்கொண்டுள்ளது. கலிஃபோர்னியா பல்ககலைகழகத்துடன் இணைந்து எரிபொருள் நிலையங்களை அமைப்பதற்கான இடங்களை தேர்வு செய்து வருகிறது.

நிதி உதவி

ஹைட்ரஜன் எரிபொருள் கட்டமைப்பு வசதிகளை ஏற்படுத்துவதற்காக 200 மில்லியன் டாலர் நிதியை வழங்குவதற்கு கலிஃபோர்னியா மாகாண அரசு ஒப்புதல் வழங்கியுள்ளது. அடுத்த ஆண்டு முதல்கட்டமாக 20 எரிபொருள் நிலையங்களை திறக்க திட்டமிடப்பட்டுள்ளது. சான் பிரான்சிஸ்கோ முதல் சான்டியாகோ வரை மொத்தம் 68 ஹைட்ரஜன் நிலையங்களை அமைக்கப்பட உள்ளது.

முதல் பேட்ஜ்

முதல் லாட்டில் 10,000 டொயோட்டா எஃப்சிவி ஹைட்ரஜன் கார்கள் தயாரித்து விற்பனை செய்யப்பட உள்ளன. இதற்கு தகுந்த எண்ணிக்கையில் ஹைட்ரஜன் எரிபொருள் நிலையங்களை அமைப்பதற்கான முயற்சிகள் தற்போது மேற்கொள்ளப்பட்டுள்ளன.