காஸ்ட்லி காரில் மட்டுமா... உங்கள் காரிலும் ஹெட் அப் டிஸ்ப்ளே வசதி பெறலாம்

கார் மாடல்

1996ம் ஆண்டுக்கு பின்னர் தயாரிக்கப்பட்ட ஆன்போர்டு டயாக்னஸிஸ்- II போர்ட் வசதி கொண்ட அனைத்து கார்களிலும் இந்த ஹெட் அப் டிஸ்ப்ளேயை வாங்கிப் பொருத்திக் கொள்ள முடியும். காரின் டேஷ்போர்டின் மேலே இந்த சாதனை பொருத்திக் கொண்டால் பல முக்கியத் தகவல்களையும், போன் அழைப்புகள், மியூசிக் சிஸ்டத்தை கட்டுப்படுத்துவது போன்ற வசதிகளை ஹெட் அப் டிஸ்ப்ளே கருவி மூலம் செய்ய முடியும்.

ஸ்மார்ட்போன்

இந்த புதிய சாதனத்தை ஐஓஎஸ்-7 இயங்குதளம் கொண்ட ஆப்பிள் தயாரிப்புகள் மற்றும் ஆன்ட்ராய்டு 4.3+ இயங்குதளம் கொண்ட ஸ்மார்ட்போன்களுடன் இணைத்துக் கொள்ள முடியும்.

வசதிகள்

காரின் ஆன்போர்டு கம்ப்யூட்டரிலிருந்து வேகம், எரிபொருள் அளவு, டயர் ப்ரஷர் மானிட்டரிங் சிஸ்டம் போன்ற தகவல்களை இந்த சாதனத்தின் மூலம் பெற முடியும். இதேபோன்று, ஸ்மார்ட்போனிலிருந்து அழைப்புகளை பெறுவது, செய்வது, எஸ்எம்எஸ், நேவிகேஷன், மியூசிக் போன்ற வசதிகளை இந்த சாதனம் மூலம் பெற முடியும்.

சிறப்பு வசதி

இந்த சாதனத்தை டச்லெஸ் என்ற புதிய வசதி மூலம் இயக்க முடியும். அதாவது, தொடுதிரையை தொட்டு இயக்கவேண்டியதில்லை. குறிப்பிட்ட சைகை மூலம் இந்த சாதனத்தை இயக்க முடியும் என்பது மிக முக்கிய வசதி.

விலை

தற்போது புரோட்டோடைப் நிலையிலிருக்கும் இந்த சாதனம் அடுத்த ஆண்டு முதல் விற்பனைக்கு கிடைக்கும். தற்போது, 499 அமெரிக்க டாலர் விலையில் இந்த புதிய சாதனத்துக்கு முன்பதிவு செய்யப்படுகிறது. மேலும், முதல் 30 நாட்களுக்கு 299 டாலர் விலையில் இந்த புதிய சாதனத்தை சலுகை விலையில் முன்பதிவு செய்து கொள்ளலாம் என நவ்டி தெரிவித்துள்ளது.

வீடியோ

நவ்டி ஹெட் அப் டிஸ்ப்ளே சாதனத்தின் வசதிகளை விளக்கும் வீடியோ.